2013 - საკადრო ცვლილებებით გამორჩეული წელი ზუგდიდში
პარლამენტის არჩევნების დასრულებიდან 2-3 თვეში ზუგდიდის მუნიციპალიტეტში, ისევე როგორც მთელ ქვეყანაში, საკადრო ცვლილებები დაიწყო. გასული წლის ბოლო თვეს, გადადგა მუნიციპალიტეტის გამგებელი ალექსანდრე ქობალია, რომლის მოვალეობის შემსრულებლადაც ედიშერ თოლორაია დაინიშნა. გამგებლის შეცვლას უწყებაში სხვა საკადრო ცვლილებებიც მოჰყვა და ახალი კადრების დანიშვნის პარალელურად მოქმედი თანამშრომლების როტაცია მოხდა. შეიცვალნენ გამგებლის მოადგილეები და სამსახურის უფროსები.
გამგეობის პრალელურად საკადრო ცვლილებები შეეხო სამეგრელო-ზემო სვანეთის სამხარეო პოლიციას, საოლქო და რაიონულ პროკურატურას, განათლების სამინისტროს ზუგდიდის რესურსცენტრს. მიმდინარე თვეს კი სამეგრელო-ზემო სვანეთში ახალი რწმუნებული წარადგინა პრემიერ-მინისტრმა, რომელიც თავის მხრივ, საკადრო ცვლილებების განხორციელებას სამხარეო ადმინისტრაციაში 2 თვეში გეგმავს.
"საერთაშორისო გამჭვირვალობა-საქართველოს" ზუგდიდის ოფისში მიიჩნევენ, მიუხედავად იმისა, რომ საკადრო ცვლილებები კანონის დაცვით განხორციელდა, გამგეობიდან თანამშრომელთა გათავისუფლებაზე გარკვეული კითხვის ნიშნები არსებობს.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
