სამი ქართველი ტყუპის გულისამაჩუყებელი ამბავი

სა­მი ტყუ­პის და­ბა­დე­ბა არც ისე ხში­რი მოვ­ლე­ნაა, სა­ქარ­თ­ვე­ლო­ში კი 2013 წლის გან­მავ­ლო­ბა­ში ასე­თი რამ­დე­ნი­მე შემ­თხ­ვე­ვა და­ფიქ­სირ­და, მათ შო­რის, არა - ხე­ლოვ­ნუ­რი გა­ნა­ყო­ფი­ე­რე­ბის შე­დე­გად. მა­გა­ლი­თად, ბა­თუმ­ში გო­გო­ნა და ორი ვა­ჟი გაჩ­ნ­და, თბი­ლის­ში - გვან­ცა არა­ზაშ­ვილს ორი გო­გო­ნა და ერ­თი ვა­ჟი შე­ე­ძი­ნა, გი­ორ­გი და სუ­სა­ნა მალ­ხა­სი­ა­ნებს კი შვიდ­წ­ლი­ა­ნი ლო­დი­ნის შემ­დეგ სა­მი ვა­ჟი გა­უჩ­ნ­დათ და ა.შ. სა­მი ტყუ­პი და - მა­რი­ამ, მარ­თა და ელი­სა­ბედ დარ­ჩი­აშ­ვი­ლე­ბი ქვე­ყა­ნას 13 დე­კემ­ბერს, თბი­ლი­სის ერთ-ერთ სამ­შო­ბი­ა­რო­ში მო­ევ­ლინ­ნენ. გო­გო­ნებს ოთხი წლის ძმა ჰყავთ, რო­მე­ლიც მათ და­ბა­დე­ბას, რა თქმა უნ­და, სი­ხა­რუ­ლით შეხ­ვ­და. 26 წლის მრა­ვალ­შ­ვი­ლი­ა­ნი დე­და - ნა­თია კე­შე­ლა­ვა სა­კუ­თარ ემო­ცი­ებს გვი­ზი­ა­რებს.

- ნა­თია, რო­დის გა­ი­გეთ, რომ სამ ტყუპს ელო­დე­ბო­დით და რო­გო­რი იყო თქვე­ნი რე­აქ­ცია?

- უკ­ვე ექ­ვ­სი კვი­რის ვი­ყა­ვი, რო­ცა ფეხ­მ­ძი­მო­ბის ამ­ბა­ვი შე­ვიტყ­ვე, ექიმ­თან წა­ვე­დი და ექოს­კო­პი­უ­რი გა­მოკ­ვ­ლე­ვი­სას ორი ნა­ყო­ფი გა­მოჩ­ნ­და. ვი­ნა­ი­დან ტყუ­პი იყო, ათი კვი­რი­სა ისევ და­მი­ბა­რეს და მა­შინ აღ­მოჩ­ნ­და, რომ ორი კი არა, მუ­ცელ­ში სა­მი ნა­ყო­ფი გახ­ლ­დათ. მე და ჩე­მი მე­უღ­ლე გა­ო­ცე­ბუ­ლე­ბი, გა­ღი­მე­ბუ­ლე­ბი დავ­რ­ჩით (ი­ცი­ნის). შემ­დ­გომ ვი­ზიტ­ზე მის­ვ­ლა მე­ში­ნო­და. ვფიქ­რობ­დი, - ახ­ლა არ მითხ­რან, რომ ოთხი ტყუ­პი მყავს-მეთ­ქი. 12 კვი­რის ვი­ყა­ვი, ბავ­შ­ვე­ბის სქე­სი რომ გა­მიმ­ჟ­ღავ­ნეს: გო­გო­ნე­ბი არი­ა­ნო. მათ ელი­სა­ბე­დი, მარ­თა და მა­რი­ა­მი და­ვარ­ქ­ვით. ჩვე­ნი პირ­ვე­ლი შვი­ლი ბი­ჭია. ერეკ­ლე 4 წლის გახ­ლავთ.

- რო­გო­რია პა­ტა­რე­ბის ჯან­მ­რ­თე­ლო­ბის მდგო­მა­რე­ო­ბა?

- სა­მი­ვეს მდგო­მა­რე­ო­ბა და­მაკ­მა­ყო­ფი­ლე­ბე­ლია, უბ­რა­ლოდ, მარ­თა შე­და­რე­ბით ნაკ­ლე­ბია წო­ნა­ში - ერ­თი კი­ლო და 900 გრა­მია და რამ­დე­ნი­მე დღით სხვა კლი­ნი­კა­ში ამი­ტო­მაც გად­მოგ­ვიყ­ვა­ნეს. მა­რი­ა­მი 2 კგ და 300 გრა­მი და­ი­ბა­და, ელი­სა­ბე­დი - 2 კგ და 200 გრა­მი. მა­თი გა­ჩე­ნა ჩემ­თ­ვის და ჩე­მი მე­უღ­ლის­თ­ვის, პირ­ველ რიგ­ში, დი­დი სი­ხა­რუ­ლი იყო, მაგ­რამ ჯერ კი­დევ ვერ ვი­ჯე­რებ, რომ სა­მი­ვე ჩე­მია. მათ გაზ­რ­და­ში, რო­გორც ქარ­თ­ვე­ლი ქა­ლე­ბის უმე­ტე­სო­ბას, მეც დე­და და­მეხ­მა­რე­ბა. ზოგს ჰგო­ნია, რომ სა­მი ტყუ­პი ხე­ლოვ­ნუ­რი გა­ნა­ყო­ფი­ე­რე­ბის შე­დე­გად გაჩ­ნ­და, მაგ­რამ ასე არ არის. ბე­ბი­ა­ჩემს - მა­მა­ჩე­მის დე­დას ტყუ­პი და-ძმა ჰყავ­და და რო­გორც ჩანს, გე­ნე­ტი­კუ­რად გა­მოგ­ვ­ყ­ვა, ოღონდ - ჩვენ მე­სა­მე მი­ვა­მა­ტეთ (ი­ცი­ნის). რო­გორც მითხ­რეს, სო­ცი­ა­ლურ ქსელ­ში ყვე­ლა ჩემს შვი­ლებ­ზე ლა­პა­რა­კობს, მათ ფო­ტო­ებს აზი­ა­რე­ბენ. კომ­პი­უ­ტერ­თან და­საჯ­დო­მად ჯერ ვერ მო­ვი­ცა­ლე, მაგ­რამ მინ­და, თქვე­ნი მეშ­ვე­ო­ბით ყვე­ლა იმ ადა­მი­ანს გა­და­ვუ­ხა­დო მად­ლო­ბა, ვინც ჩვე­ნით და­ინ­ტე­რეს­და, ვი­საც ეს ამ­ბა­ვი გა­უ­ხარ­და.

- პა­ტა­რა ერეკ­ლე რას ამ­ბობს, ერ­თ­დ­რო­უ­ლად ამ­დე­ნი და­ი­კო რომ შე­ე­ძი­ნა?

- ვიდ­რე მუ­ცელ­ში იყ­ვ­ნენ, ამ­ბობ­და, - მათ მა­კა­კებს და­ვარ­ქ­მევ, მა­კა­კა ერ­თი, მა­კა­კა ორი და მა­კა­კა სა­მი მე­ყო­ლე­ბაო. გო­გო­ნე­ბი 13 დე­კემ­ბერს, დი­ლის ხუთ სა­ათ­ზე გაჩ­ნ­დ­ნენ.

- გო­გო­ნე­ბის­თ­ვის ნივ­თე­ბი მათ და­ბა­დე­ბამ­დე შე­ი­ძი­ნეთ?

- რა­ღაც-რა­ღა­ცე­ბი ცხა­დია, წი­ნას­წარ ვი­ყი­დეთ. სხვა­თა შო­რის, ჯერ ვერ ვარ­ჩევ, რო­მე­ლი რო­მე­ლია. მა­რი­ა­მი შე­და­რე­ბით პუტ­კუ­ნაა და დე­ბის­გან ამით გან­ს­ხ­ვავ­დე­ბა. მარ­თა ცო­ტა ზარ­მა­ცია, ჭა­მა ეზა­რე­ბა (ი­ღი­მის).

- რო­გო­რია თქვე­ნი ოჯა­ხის მა­ტე­რი­ა­ლუ­რი მდგო­მა­რე­ო­ბა? სა­მი ახალ­შო­ბი­ლის მოვ­ლა-პატ­რო­ნო­ბა ად­ვი­ლი არ იქ­ნე­ბა.

- გე­თან­ხ­მე­ბით, მა­თი მოვ­ლა ალ­ბათ გაგ­ვი­ჭირ­დე­ბა, მაგ­რამ თავს რო­გორ­მე გა­ვი­ტანთ. მე ერთ-ერთ ბან­კ­ში ვმუ­შა­ობ, სა­დაც გარ­კ­ვე­ულ შე­ღა­ვა­თებს მი­წე­ვენ და შეძ­ლე­ბის­დაგ­ვა­რად, მხარ­შიც მიდ­გა­ნან. ჩვენს ბან­კ­ში ორი თვის წინ სი­ახ­ლე და­ი­ნერ­გა - მე­სა­მე შვი­ლის გა­ჩე­ნის შემ­დეგ, თა­ნამ­შ­რო­მელს ფუ­ლად პრე­მი­ას აძ­ლე­ვენ. ბედ­მა გა­მი­ღი­მა, რომ ამ პრო­ექ­ტ­ში მეც მოვ­ხ­ვ­დი. ჩემ­თ­ვის ბევ­რი კარ­გი საქ­მე გა­ა­კე­თეს და ამი­სათ­ვის თი­თო­ე­ულ თა­ნამ­შ­რო­მელს მად­ლო­ბას ვუხ­დი... ჩე­მი მე­უღ­ლე უმუ­შე­ვა­რია, მაგ­რამ იმე­დი მაქვს, რომ მა­ლე და­საქ­მ­დე­ბა. ცუ­დი ის არის, რომ ბი­ნა იპო­თე­კით გვაქვს დატ­ვირ­თუ­ლი და იმის გა­მო, რომ გა­და­სა­ხადს ვე­ღარ ვიხ­დით, საცხოვ­რებ­ლის გა­ყიდ­ვა მოგ­ვი­წევს. რო­გორც გვითხ­რეს, მრა­ვალ­შ­ვი­ლი­ა­ნებს სა­ხელ­მ­წი­ფოს­გან არა­ნა­ი­რი დახ­მა­რე­ბა არ აქვთ. ნუ, იმ შემ­თხ­ვე­ვა­ში, თუ ოჯა­ხი სო­ცი­ა­ლუ­რად და­უც­ვე­ლია, ერ­თ­ჯე­რა­დად 700 ლარს აძ­ლე­ვენ...

- დეკ­რე­ტის ვა­დის ამო­წურ­ვის შემ­დეგ სამ­სა­ხურ­ში გას­ვ­ლას აპი­რებთ?

- რა თქმა უნ­და! სამ­სა­ხურს თუ დავ­კარ­გავ, ჩემს შვი­ლებს მა­ტე­რი­ა­ლუ­რად ვინ უზ­რუნ­ველ­ყოფს?

- რო­გორ ეგუ­ე­ბით მრა­ვალ­შ­ვი­ლი­ა­ნი დე­დის ამ­პ­ლუ­ას?

- ეს ჯერ გა­აზ­რე­ბუ­ლი არ მაქვს (ი­ცი­ნის). ბედ­ნი­ე­რე­ბაა, რომ ახალ წელს ასე­თი ნა­მა­ტით ვხვდე­ბით. ვამ­ბობ ხოლ­მე, - თოვ­ლის ბა­ბუა ჩვენ­თან ნა­ად­რე­ვად მო­ვი­და-მეთ­ქი. მად­ლო­ბა უფალს ასე­თი სა­ჩუქ­რის­თ­ვის!

თამ­თა და­დე­შე­ლი

ჟურნალი ”გზა”

(გამოდის ხუთშაბათობით)