იმერეთის გუბერნატორ ზაზა მეფარიშვილის და ქუთაისის მერის მოვალეობის შემსრულებლის, შოთა მურღულიას მიერ ვეტერან სპორტსმენებისთვის გადაცემული საჩუქრებით სპორტსმენები შეურაცხყოფილები დარჩნენ.
როგორც ერთ-ერთმა ვეტერანმა სპორტსმენმა განაცხადა, ქუთაისის მერიამ მათ მრავალშვილიანი დედების საჩუქრები გადასცა.
"10 კვერცხი, ერთი ბოთლი ზეთი, "სგუშონი", მაკარონი და მაიონეზი - ეს გადმოგვცეს საჩუქრებად იმერეთის გუბერნატორმა, ქუთაისის მერმა და ქალაქის საკრებულოს თავმჯდომარემ. მრავალშვილიანი დედა მეგონა თავი. შარშან ერთი ბოთლი ღვინო მოგვცეს და ის სჯობდა" , - ამბობს ერთ-ერთი ვეტერანი სპორტსმენი.
წყარო: topnews.com.ge
