"საზოგადოებრივი მაუწყებლის" ბორდში პარლამენტმა მხოლოდ სამი კანდიდატი დაამტკიცა
"საზოგადოებრივი მაუწყებლის" ბორდში პარლამენტმა მხოლოდ სამი კანდიდატი დაამტკიცა. ბორდში ცხრიდან ექვსი ადგილი ვაკანტურია .
მაუწყებლის სამეურვეო საბჭოში, რომელიც ახალი კანონის თანახმად, ცხრა წევრის შემადგენლობით უნდა დაკომპლექტებულიყო, პარლამენტს მხარდასაჭერად მხოლოდ ექვსი კანდიდატი წარედგინა, თუმცა ამ ექვსიდან ხმების საჭირო რაოდენობა (კვორუმი 76 ხმა) მხოლოდ სამმა: სახალხო დამცველის მიერ წარდგენილმა მარინე მუსხელიშვილმა (82-მომხრე, 17-წინააღმდეგი), საპარლამენტო ოპოზიციის მიერ შერჩეულმა ქეთევან მსხილაძემ (99 მომხრე) და უმრავლესობის მიერ შეთავაზებულმა ნათელა სახოკიამ (83-მომხრე, 3-წინააღმდეგი) მიიღეს.
პარლამენტმა მხარი არ დაუჭირა და "ჩააგდო" ასევე სახალხო დამცველის მიერ დასახელებული ლელა გაფრინდაშვილის, უმრავლესობის გარეთ მყოფი დეპუტატების მიერ შერჩეული ნინია კაკაბაძისა და აჭარის უმაღლესი საბჭოს მიერ წარდგენილი გენადი გელაძის კანდიდატურები.
აღნიშნულ საკითხზე კენჭისყრას წინ ერთგვარი დებატები უძღოდა. კერძოდ, უმცირესობამ სესიაზე არასამთავრობო სექტორის პოზიციის გაზიარება მოითხოვა და უმრავლესობას შესთავაზა, რომ თუ საჭირო იყო ვაკანსიების ბოლომდე შევსება და შესაბამისი სუბიექტების მხრიდან კანდიდატების სრულად დასახელება, საკითხი გადადებულიყო.
აღნიშნული მოსაზრება არ გაიზიარა პარლამენტის თავმჯდომარე დავით უსუფაშვილმა, რომლის განმარტებითაც, მსგავსი მიდგომით მიიღება შედეგი, როცა საკითხი ჩიხში იქნება. როგორც უსუფაშვილმა განმარტა, თუკი შესაბამისი სუბიექტების მიერ კვოტები სრულად ათვისებული არ არის და ადგილი რჩება ვაკანტური, ასეთ შემთხვევაში პროცესი თავიდან უნდა დაიწყოს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
