მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნაციონალური მოძრაობა" ხელისუფლებას თანხების არამიზნობრივ ხარჯვაში ადანაშაულებს
05:51 / 27-12-2013
"ნაციონალური მოძრაობა" ხელისუფლებას თანხების არამიზნობრივ ხარჯვაში ადანაშაულებს და ამასთან დაკავშირებით განცხადებას ავრცელებს.
"საზოგადოებას ახსოვს მმართველი ძალის მცდელობა, აჭარის ავტონომიური რესპუბლიკის უმაღლესი საბჭოს თავმჯდომარის მიერ ძვირად ღირებული 2014 წლის მოდელის ავტომობილის შეძენის ფაქტი იზოლირებულ ინციდენტად გაესაღებინა. დღეისათვის უკვე ცხადია, რომ ხელისუფლების სხვადასხვა შტოები დაკავებული არიან უახლესი და ძვირი მანქანების შეძენის აშკარად თვითმიზნური კამპანიით.
მაშინ, როცა საქართველოს მთავარი პროკურორის გერმანიაში ყაჩაღობასა და ქურდობის გამო ნასამართლეობას "ქართული ოცნებიდანაც" ეჭვქვეშ აღარავინ აყენებს, როცა საზოგადოებისთვის ნათელია, რომ ბატონ ფარცხალაძეს ამავე დროს არ გააჩნია შესაბამისი განათლება, აღმოჩნდა, რომ სახელმწიფომ მისი პირადი კომფორტისათვის 174 ათას ლარად ღირებული ჯიპი შეიძინა. მთავარი პროკურორის თანამდებობიდან გადაყენების ნაცვლად მის კომფორტზე ასეულ ათასობით ლარის ხარჯვა უარესად შეურაცხმყოფელია თითოეული მოქალაქისათვის.
ქალბატონი ირინა იმერლიშვილი, რომელმაც საზოგადოებას თავი უკრაინის პრეზიდენტ ვიქტორ იუშჩენკოს მასპინძლობისთვის წინა ხელისუფლების მიერ გაწეული ხარჯების ფრიალით დაამახსოვრა, ასევე დაკავებულია საკუთარი კომფორტით. მან თანამდებობაზე დანიშვნისთანავე შეიძინა 78 ათასი ლარის ღირებულების "ტოიოტა პრადო". ძვირად ღირებული Iphone 5ს მობილური ტელეფონების შესაძენად კი, უშიშროების საბჭომ თითქმის 50 ათასი ლარი დახარჯა.
ზემოჩამოთვლილი არასრული ფაქტები ერთი მხრივ აჩვენებს ხელისუფლების არათანამიმდევრულობას წინასაარჩევნო დაპირებების შესრულებაში. მაგრამ, კიდევ უფრო შემაშფოთებელია, რომ ეს ყველაფერი ხდება არა წინა წლებისთვის დამახასიათებელი ეკონომიკური ზრდის პირობებში, არამედ იმ ფონზე, როცა სახელმწიფო ბიუჯეტში გარღვევამ, ანუ დანაკლისმა მიაღწია 800 მილიონ ლარს, ეკონომიკას დააკლდა მილიარდ-ნახევარი ლარი, იზრდება უმუშევრობა და სიღარიბე, ხოლო მომავალ წელს მთავრობა აპირებს, ქართველი ხალხი დაამძიმოს მილიარდ 600 მილიონი ახალი ვალით და, ამავე დროს, 2014 წელი იქნება პირველი წელი, როცა არ იზრდება პენსია. მეტიც, ჩინოვნიკებს, მათ შორის - მაღალი თანამდებობის პირებს, რომელთაც ხელფასი ისედაც რამდენიმე ათასი ლარი აქვთ, ანაზღაურება ეზრდებათ 137 მლნ ლარით.
კიდევ ერთხელ გვსურს ხაზგასმით აღვნიშნოთ, რომ "ქართული ოცნების" მთავრობას ადგილზე დახვდა გამართული და თანამედროვე ავტოპარკი, რომელიც განახლების მწვავე აუცილებლობას არ განიცდის", - ნათქვამია განცხადებაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
