29
მაისიდღის ზოგადი ასტროლოგიური პროგნოზი
შეიარაღებულმა მამაკაცებმა, რომელბიც სანტა-კლაუსის კოსტუმებში იყვნენ გამოწყობილნი, ალბანეთსა და კოსოვოში საიუველირო მაღაზიები გაქურდეს.
პირველი ძარცვა 24 დეკემბერს ალბანეთის დედაქალაქ ტირანაში მოხდა. ოთხი შეიარაღებული მამაკაცი საიუველირო მაღაზიაში შეიჭრა და გამყიდველს ტომრების სამკაულლებით ავსება აიძულა. ძარცვის შემდეგ პოლიციამ სავაჭრო ცენტრის გვერდით ნაგვის ყუთში ორი ცეცხლსასროლი იარაღი იპოვა. ვარაუდობენ, რომ ისინი მძარცველებმა გადააგდეს.
მეორე ძარცვა 26 დეკემბერს კოსოვოს დასახლებულ პუნქტ პრიზრენში მოხდა. მასში სამი შეიარაღებული მამაკაცი მონაწილეობდა, რომელთაც ასევე სანტა-კლაუსის ფორმები ეცვათ. ინციდენტის შედეგად ორი მყიდველი დაშავდა.
არსებობს თუ არა რაიმე კავშირი ამ ორ დანაშაულს შორის, უცნობია.
26 დეკემბერს მსგავსი შემთხვევა ფლორიდაში მოხდა, სადაც შავსათვალიანმა მამაკაცმა, რომელსაც სანტა კლაუსის ქუდი ეხურა, ბანკი გაძარცვა.
მომზადებულია Agence France-Presse-ის მიხედვით.
