როლანდ ახალაია პროკურატურაში დაკითხვაზე არ გამოცხადდა
"ნაციონალური მოძრაობის" დეპუტატი როლანდ ახალაია პროკურატურაში დაკითხვაზე არ გამოცხადდა. დეპუტატი მოქალაქეების საჩივრების საფუძველზე დღეს პროკურატურაში მეორედ იყო დაბარებული, თუმცა არც ამჯერად გამოცხადებულა.
პროკურატურის ინფორმაციით, საქმე ეხება სამეგრელო-ზემო სვანეთში როლანდ ახალიას საქმიანობის პერიოდში სამსახურებრივი უფლებამოსილების გადამეტების ფაქტებს. ამ საკითხთან დაკავშირებით როლანდ ახალია მთავარ პროკურატურაში მოწმის სახით დაკითხვის მიზნით 24 დეკემბერს ერთხელ უკვე იყო დაბარებული.
ამასთან, როლანდ ახალიამ განცხადება გააკეთა, სადაც იგი მოითხოვდა მისი დაკითხვა საჯაროდ მომხდარიყო. "რადგან ჩემი ოჯახის მიმართ ხელისუფლების მხრიდან მიმდინარეობს პოლიტიკური დევნა, მე მოვითხოვ ჩემს მიმართ არსებული კითხვები საჯაროდ იქნას დასმული და მზად ვარ საჯაროდვე გავცე პასუხი. ჩემი რწმენითა და ნაკეთები საქმეებით არასდროს მომიხდენია საზოგადოებაში მანიპულირება და დღესაც არ ვისაუბრებდი, რომ არა პროკურატურის მიერ აგორებული შავი პიარი. შანტაჟის და ჩემი ოჯახის წევრების უკანონო დევნის მიუხედავად მიზანს ვერ მიაღწევენ და ჩვენ არ გავცვლით ღირსებას თავისუფლებაზე", - ნათქვამია ახალაიას განცხადებაში.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
