მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გოჩა ჩერტკოევი ცეკვის სამყაროში არაფერს წარმოადგენს" - პროექტს მიღმა დარჩენილი კონკურსანტის სკანდალური ინტერვიუ
02:42 / 25-12-2013
ლევან ახვლედიანი 20 წელია ცეკვავს, არაერთი თასის მფლობელი მოცეკვავე მაყურებელმა 3 წლის წინ "ცეკვავენ ვარსკვლავებში" გაიცნო. ამ სეზონზე მისი მეწყვილე სპორტსმენი ნანა ნებიერიძე იყო, მაგრამ გასულ კვირას წყვილმა პროექტი დატოვა, რასაც საზოგადოებაში არაერთგვაროვანი შეფასებები მოჰყვა, პროტესტი ცნობილმა სახეებმა, მათ შორის გიორგი ვარდოსანიძემაც გამოხატა. ითქვა, რომ ნანას და ლევანს პროექტის ხელმძღვანელებთან უსიამოვნო შელაპარაკება ჰქონდათ. დეტალების გასარკვევად "ყველა სიახლე" ლევან ახვლედიანს ესაუბრა:
- მესამე სეზონია "ცეკვავენ ვარსკვლავებში" ვმონაწილეობ. თავიდან მინდოდა ჩემს მეუღლეს ეცეკვა პროექტში, მაგრამ აღმოჩნდა, რომ ორსულად იყო. ნანა ნებიერიძის გაცნობის შემდეგ უფრო მეტად გამიჩნდა პროექტში მონაწილეობის სურვილი, რადგან ძლიერი და მიზანდასახული ადამიანია.
- მანამდე გსმენოდა ნანა ნებიერიძის შესახებ?
- მხოლოდ გაკვრით. მედია არ გამოირჩევა სპორტსმენების მიმართ დიდი ყურადღებით და ალბათ, ამიტომ. ნანამ თავიდანვე გამაფრთხილა - არასოდეს გამინძრევია ფეხი და არ მიცეკვიაო, მაგრამ ვიცოდი, რომ პროფესიიდან გამომდინარე, ამას შეძლებდა. სპორტსმენებმა იციან დროის ფასი და ყველაფერს აკეთებენ მიზნის მისაღწევად. ასეც მოხდა, ნანამ პროექტის მსვლელობისას ცეკვის ნიჭი გამოავლინა.
- მეუღლე არ ეჭვიანობდა, ასეთი მომხიბვლელი პარტნიორი რომ გყავდა?
- მე და ჩემი მეუღლე ერთმანეთს ვენდობით, მსოფლიოში ყველაზე სასურველ ქალთან რომ ვიცეკვო, მაინც არ მივცემ ეჭვიანობის საბაბს. მეუღლეც მეგობრობს ნანასთან. მას თავისი ცხოვრება აქვს, ჩვენ - ჩვენი.
- ვინ მიგაჩნდა კონკურენტად?
- ყველაზე დიდ კონკურენტებად მივიჩნევდი სოფო ნიჟარაძეს და იულია ქავთარაძეს, რომლებიც კარგად ართმევდნენ თავს ცეკვას. პროექტში ძლიერი შემადგენლობა დარჩა, ვთვლი, რომ ჩვენც თავისუფლად შეგვეძლო ფინალში გასვლა და გამარჯვებაც, მაგრამ ასე არ მოხდა...
- ითქვა, რომ პროექტში იულია ქავთარაძის დაბრუნებას შენ და ნანა შეეწინააღმდეგეთ, მართალია?
- მოცეკვავეებს ასეთ რამეს არავინ ეკითხება. ჩვენ მხოლოდ ვესწრებოდით თათბირებს.
- იულია ქავთარაძეს უნდოდა დაბრუნება...
- ჩვენც დაგვატოვებინა ხალხმა პროექტი და მეორედ აღარ დავბრუნდებით. ინტერნეტითაც გავრცელდა სხვადასხვა მოსაზრება, რა გითხრათ, ჩემი საქმე მხოლოდ ცეკვა იყო...
- ოთო ფოლადაშვილი (იულიას მეწყვილე) რომ დაებრუნებინათ, წინააღმდეგი იქნებოდი?
- არავის ინტერესი არ მაქვს, უბრალოდ, მინდოდა ფინალში მოხვედრა და ჩემი საყვარელი ცეკვის შესრულება.
- ნანა წინააღმდეგი იყო?
- არა მგონია, ნანა ყოფილიყო წინააღმდეგი.
- რატომ მიიჩნევ, რომ ეს გოჩა ჩერტკოევის შოუა?
- შევნიშნეთ, რომ ჩერტკოევს სხვა სავარძელში სვამდნენ, მაგრამ იუარა. მივხვდით რატომაც - ქულათა ჯამის დარეგულირებას იქიდან უკეთ ახერხებს. ბოლო ორი ტურის განმავლობაში იყო ჭიდაობა ხალხსა და ჟიურის შორის. მე როგორც პროფესიონალი, ვიტყვი, რომ ნანა ჟიურისგან მეტ ქულას იმსახურებდა. ქულები რომ არ გაიყო, ესეც ჩერტკოევვის კარგი გადათვლით მოხდა. ხშირ შემთხვევაში ის წერდა იმ ქულას, რომლითაც ჯამი არ იყოფოდა. 3 წლის განმავლობაში პატარა ექსპერტი გავხდი (იცინის).
- როგორ ფიქრობ, გოჩა ჩერტკოევს შენს მიმართ აქვს ანტიპათია თუ ნანას მიმართ?
- ვერ გეტყვით, მას აქვს რაღაც მიზნები, რომლებიც ჯერ არ ვიცი.
- ნამდვილად ისეთი პროფესიონალია გოჩა ჩერტკოევი, როგორც წარმოგვიჩენენ?
- თავის დროზე ნამდვილად კარგი მოცეკვავე იყო. სიმართლე გითხრათ, რამდენიმე წელიწადია ცეკვის სამყაროში არაფერს წარმოადგენს, სპორტში არ არის, არ აქვს სამწვრთნელო ლიცენზია და გამოცდილება, ვერც ერთ საერთაშორისო კონკურსზე ვერ ვხედავ მსაჯად. ვიცი, რომ ამერიკაში აქვს საკუთარი სტუდია და მოყვარულებს ასწავლის. ცეკვების ერთადერთ მცოდნედ რომ წარმოაჩენენ, ასე არ არის. ჩვენ გვაქვს ცეკვების ფედერაცია, სადაც უნდა აირჩიონ ადამიანები, ვისაც ესმის ცეკვა. ვიცი, რომ ჩერტკოევი კარგი შოუმენია, მაგრამ კარგი იქნება, თუ ჟიურიში ვინმე მცოდნეს დასვამენ. სამი სეზონის განმავლობაში არ მახსოვს მისგან კომპლიმენტი. პირველად რომ დავტოვე პროექტი, მაშინაც გადავყლაპე წყენა, ისეთი სიტყვები მითხრა. მეც ჩემი თავმოყვარეობა მაქვს და ვერ შევიკავე თავი... კონკურსში, სადაც ჩერტკოევი იქნება, მონაწილეობას აღარ მივიღებ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
