მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი მსახიობები უჩვეულო ამპლუაში
23:02 / 23-12-2013
რესტორან "დაუნთაუნში" საქველმოქმედი აქცია გაიმართა. "მაგიდა ქმედებისთვის" - ასე ერქვა აქციას, რომელშიც მოზარდ მაყურებელთა თეატრის მსახიობები მონაწილეობდნენ. მათ ერთი საღამო მიმტანის პროფესია მოირგეს და რესტორანში მისულ სტუმრებს სწორედ ისინი ემსახურებოდნენ. კოტე თოლორდავა, ნინო ლეჟავა, ბესო მეგრელიშვილი, ნინო მუმლაძე, ვახო ნოზაძე, თამარ ტყემალაძე, მაია ხორნაული - ყველასათვის საყვარელი მსახიობები კოჯრის შეზღუდული შესაძლებლობების ბავშვთა სახლის დასახმარებლად ერთი დღით მიმტანები გახდნენ.
აქციის ორგანიზატორი და იდეის ავტორი მოზარდ მაყურებელთა თეატრის პიარმენეჯერი თათია პაქსაშვილი:
- დავუკავშირდით ჯანდაცვის სამინისტროს და გამოვითხოვეთ იმ ბავშვთა სახლების სია, რომლებსაც ყველაზე მეტად უჭირთ. გამოიყო ორი - მარტყოფისა და კოჯრის. მოგონებები მაკავშირებს კოჯრის ბავშვთა სახლთან. როდესაც პატარა ვიყავი, იქ ვისვენებდი, სწორედ ჩვენს გვერდით იყო ეს სახლი. სეირნობისას ბავშვები სახლის ღობესთან მოდიოდნენ და თითქოს გვეპრანჭებოდნენ. აღმზრდელს ვკითხე, რას აკეთებენ-მეთქი. მან კი მიპასუხა, ამათ ჰგონიათ, რომ მათ წასაყვანად მოხვედით და თავს გაწონებენო. ეს სიტყვები ჩემს მეხსიერებაში დარჩა და ყოველთვის ვცდილობდი, ამ ბავშვებისთვის ხელი გამემართა. ჩემთვის ეს იყო შანსი, თეატრის სახელით მემოქმედა და ჩვენი მსახიობებიც ჩამება ამ ქველმოქმედებაში. შემოსული თანხა არ დაიბეგრება და მთლიანად გადაერიცხება ამ სახლს. ეს რესტორანი დაგვეხმარა და მეტიც: დაიბადა ახალი იდეა, რომ ეს აქცია კვლავაც გაგრძელდეს რესტორნის ვაკის ფილიალში და იქიდან შემოსული თანხა უკვე მარტყოფის შეზღუდული შესაძლებლობების მქონე ბავშვთა სახლს გადაერიცხება.
მსახიობებმა ახალი პროფესია მართლაც რომ ჩინებულად მოირგეს და აქციაში სიამოვნებით ჩაერთვნენ;
კოტე თოლორდავა:
- სულითა და გულით მივესალმები მსგავსი ტიპის ღონისძიებებს და მიმაჩნია, რომ რაც უფრო ხშირად გაიმართება ასეთი საღამოები, მით უკეთესია. გამარჯვებული დარჩება ის დაწესებულება, ვისაც ვეხმარებით და, პირველ რიგში, ჩვენი საზოგადოება. იქ, სადაც სიკეთე და ქველმოქმედებაა, ყოველთვის მზად ვარ, მეც ვიყო. ჩვენი თეატრის საამაყოდ მინდა ვთქვა, რომ მგონი პიონერები ვართ და მსგავსი აქცია თეატრის მსახიობების მონაწილეობით პირველად მოეწყო.
ნინო მუმლაძე:
- თავდაპირველად, როდესაც დაიწერა ამის შესახებ და ამდენმა გამოცემამ გააშუქა, ვფიქრობდი, ცოტა ზედმეტად ხომ არ ვყვირით, რომ სიკეთეს ვაკეთებთ-მეთქი, მაგრამ როდესაც კარგ საქმეს აკეთებ, ჯობია, სხვასაც აჩვენო. ერთმანეთს კარგ საქმეში უნდა მივბაძოთ.
ნინო ლეჟავა:
- არ არსებობს საქართველოში ადამიანი, ვინც ამაში არ მიიღებს მონაწილეობას. ვფიქრობ, უფრო მასშტაბური უნდა გახდეს ეს ყველაფერი და სხვა თეატრებმაც უნდა მოგვბაძონ. სულ პატარა წვლილი მაინც შევიტანოთ მათი ცხოვრების გაუმჯობესებაში. არა მარტო კოჯრის ბავშვთა სახლს უნდა დავეხმაროთ, არამედ ყველა იმ ადამიანს, ვისაც ძალიან უჭირს. არ არსებობს ქართველი, ვინც ამაზე უარს იტყვის.
აქცია დაახლოებით 5 საათს გაგრძელდა. შეკვეთებიდან და შემოწირულობებიდან შემოსულმა თანხამ 3.600 ლარი შეადგინა. იგი მთლიანად კოჯრის ბავშვთა სახლს გადაერიცხა.
ქეთი საგინაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
