მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რეპორტაჟი გაუპატიურების მცდელობაში ბრალდებული პოლიციელის სასამართლო პროცესიდან
05:04 / 23-12-2013
ზუგდიდის რაიონული სასამართლომ საპატრულო პოლიციის ყოფილი თანამშრომლის გოგა ანჩაბაძის აღმკვეთ ღონისძიებაზე 3 საათის განმავლობაში მსჯელობდა. მოსამართლე ირაკლი აბშილავამ დაცვის მხარის შუამდგომლობა ბრალდებულის 7 ათას ლარიანი გირაოს სანაცვლოდ გათავისუფლებაზე არ გაითვალისწინა და ანჩაბაძე პატიმრობაში დატოვა.
გოგა ანჩაბაძე სასამართლო დარბაზში ჟურნალისტების შესვლამდე შეიყვანეს. მისი ბრალდებულის კაბინაში შეყვანა სამართალდამცველებმა ვერ მოახერხეს, ამიტომაც ანჩაბაძე პროცესს სკამზე შემოდებული ფეხით ესწრებოდა. მიზეზი საპატიო იყო, მას ცემის გამო ფეხი მომტვრეული აქვს და გადადგილებაც უჭირს. ადვოკატმა განაცხადა, რომ მისი დაცვის ქვეშ მყოფს მრავლობითი დაზიანებები აქვს, მათ შორის მოჭრილი აქვს მარჯვენა ყურიც - დარბაზში ბრალდებული ქუდით იჯდა.
სასამართლო პროცესის დაწყების დროს, ბრალდებულის ადვოკატმა ალექსანდრე თათელიშვილმა სხდომის დახურვა ითხოვა - სასამართლოზე ისეთ დეტალებზე იქნებოდა საუბარი, რისი გასაჯაროებაც ბრალდებულს არ სურდა. თუმცა პროკურორის მირანდა წერეთელის განცხადებით, შუამდგომლობა დასაბუთებული არ იყო, წერილობითი სახე არ ჰქონდა და არ უნდა დაკმაყოფილებულიყო. საბოლოოდ მოსამართლემ სასამართლო პროცესი არ დახურა.
პატრულის ყოფილი თანამშრომლის პროცესს ჟურნალისტების გარდა მხოლოდ დედა და მამიდა ესწრებოდნენ. ანჩაბაძის დედა სასამართლოს განჩინების დროს დარბაზში არ შემოსულა.
ბრალდების მხარემ ანჩაბაძისთვის აღმკვეთის ღონისძიების სახით პატიმრობის შეფარდება რამდენიმე მიზეზის გამო მოითხოვა. პროკურორ მირანდა წერეთელის განცხადებით, - "ანჩაბაძე გამოძიებასთან არ თანამშრომლობს და არსებობს საფრთხე, რომ თავი ოკუპირებულ ტერიტორიებს შეაფაროს, და შესაძლოა, მოწმეებზე ზეწოლა მოახდინოს". საქმის მეორე პროკურორმა დავით პაპავამ კი მოსამართლეს განუცხადა, რომ ანჩაბაძის მხრიდან შესაძლო გაქცევის შესახებ ოპერატიული ინფორმაცია ჰქონდათ, თუმცა შესაბამისი მტკიცებულება ბრალდების მხარეს სასამართლოსთვის ამ ეტაპზე არ წარუდგენია.
დაცვის მხარე ანჩაბაძისთვის აღმკვეთი ღონისძიების სახით 7 ათასი ლარის გადახდის დაკისრებას ითხოვდა. "თუ გოგა ანჩაბაძეს მიმალვა სურდა, აქამდეც მიიმალებოდა, ის მზად იყო ეთანამშრომლა პროკურატურასთან და ამის შესახებ წერილი პროკურორს გაუგზავნა, ასევე გასათვალისწინებელია, მისი ჯანმრთელობის მდგომარეობაც" , - განუცხადა მოსამართლეს ადვოკატმა ალექსანდრე თათელიშვილმა.
მისივე თქმით, გოგა ანჩაბაძის დაკავების დროს პროკურორმა პროცედუალური შეცდომები დაუშვა. კონკრეტულად კი დაკავების ოქმი ანჩაბაძის სახლში მისი აყვანის დროს არ გაფორმებულა და დოკუმენტის დასრულება პროკურორმა ზუგდიდის რესპუბლიკურ საავადმყოფოში მოახდინა. დაკავების დროს გოგა ანჩაბაძე წინასწარი დაკავების იზოლატორში არ გადაუყვანიათ, რასაც ასევე დარღვევად აფასებს მისი ადვოკატი.
თავად ბრალდებული თავს უდანაშაულოდ მიიჩნევს და აცხადებს, რომ მის სიმართლეს სასამართლო პროცესებზე დაამტკიცებს. მეტიც, ანჩაბაძის ადვოკატმა სასამართლო პროცესზე განაცხადა, რომ მისი დაცვის ქვეშ მყოფის დაკავება მხოლოდ დაზარალებულის ჩვენების საფუძველზე მოხდა. ალექსანდრე თათელიშვილის განმარტებით, დაზარალებულის ანა ძაპტაშვილის ტანსაცმელზე ჩატარებულმა არაერთმა ექსპერტიზამ დაადასტურა, რომ არ იკვეთება ძალადობის ნიშნები. ძალადობის კვალი არ ჩანს ძაპტაშვილისთვის ჩატარებულ ექსპერტიზაზეც.
დაცვის მხარე სასამართლოს დღევანდელი გადაწყვეტილებით უკმაყოფილოა. ადვოკატი ზუგდიდის რაიონული სასამართლოს გადაწყვეტილებას ორშაბათს, 23 დეკემბერს ქუთაისის სააპელაციო სასამართლოში გაასაჩივრებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
