მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქეთი ხატიაშვილი - "ისე ვნერვიულობდი, ჩერტკოევი დუტა მეგონა"
23:09 / 21-12-2013
პროექტ "ცეკვავენ ვარსკვლავების" კონკურსანტი ქეთი ხატიაშვილი პროექტში ინტერნეტის მეშვეობით მოხვდა და ფართო საზოგადოებამაც სწორედ ამ გადაცემით გაიცნო, მიუხედავად ამისა, მაყურებლისა და ჟიურის შეფასებით ის ამ კონკურსის ფავორიტია და გამარჯვებისთვის იბრძვის.
- ქეთი, რა შეიცვალა შენს ცხოვრებაში პოპულარობის შემდეგ?
- "ცეკვავენ ვარსკვლავებში" მონაწილეობამ ჩემი ცხოვრება მთლიანად "ამოაბრუნა" - შეიცვალა ჩემი ცხოვრების განრიგი, დასრულდა ის სამსახური, სადაც ადრე ვმუშაობდი, თუ მანამდე ბევრი თავისუფალი დრო მქონდა, ახლა ბავშვს ბაღში მივიყვან თუ არა, რეპეტიციაზე გავრბივარ. ოჯახისთვის ნაკლებად მრჩება დრო, მაგრამ ეს ყველაფერი დროებითია. ამდენ პოპულარულ და პროფესიონალ ადამიანთან მუშაობა ჩემთვის დიდი სიამოვნებაა.
- მოგეწონა პოპულარობა?
- ეს ჩემი თვითმიზანი არ ყოფილა, თუმცა ძალიან მსიამოვნებს, ქუჩაში ხალხი გაღიმებული რომ მხვდება და საქებარ სიტყვებს არ იშურებენ. ისე კი, ცხოვრებას ჩვეულებრივად ვაგრძელებ, პოპულარობას არ შევუცვლივარ.
- მეუღლე არ გსაყვედურობს, ნაკლებ დროს რომ უთმობ ოჯახს?
- ეს გადაწყვეტილება დამოუკიდებლად არ მიმიღია, თავიდანვე შევათანხმე ოჯახთან. რაც პროექტი დაიწყო, მეუღლე გვერდში მიდგას და იმედი აქვს, რომ გავიმარჯვებ!
- არც ეჭვიანობს, ასეთი ლამაზი ცოლი რომ ჰყავს, ამდენი თაყვანისმცემელი რომ გამოგიჩნდა?
- ჩვენ ძალიან კარგად ვუგებთ ერთმანეთს, შესაბამისად, ერთმანეთზე არ ვეჭვიანობთ. ყველამ იცის, ქმარი რომ მყავს. შეურაცხმყოფელიც იქნება, გათხოვილ ქალს საჩუქრები რომ გაუგზავნონ. სხვათა შორის, მიხარია, ადამიანი ზრდილობის ფარგლებში რომ გამოხატავს სიმპათიას, ჩემს ქმარს, ლევანსაც კი ამხნევებენ სოციალური ქსელის მეშვეობით.
- ბოლო ტური შეიძლება გადამწყვეტი ყოფილიყო შენთვის - აუტსაიდერთა შორის იდექი, რას განიცდიდი?
- ძალიან განვიცადე, რადგან ჩემთან ერთად აუტსაიდერი იყო თაკო ჩორგოლაშვილი - საკმაოდ ძლიერი კონკურენტი. ისე ვნერვიულობდი, გოჩა ჩერტკოევი დუტა მეგონა (იცინის). სანამ არ გავიგეთ, რომ "ბი-ბი-სის" გადაწყვეტილებით ორივე ვრჩებოდით პროექტში, მანამდე არაფერი მესმოდა...
- ვის მიიჩნევ კონკურენტად?
- ვერავის გამოვყოფ, რადგან ძლიერი ოთხეული დავრჩით - თანაბარი შანსები გვაქვს. სხვადასხვა დავალებაც იმიტომ გვაქვს, რომ მაქსიმალურად წარმოვაჩინოთ თავი.
- გიორგი ყიფშიძეზე რას იტყვი?
- გიორგის და ჯულიანას წყვილი ძალიან მიყვარს, ძლიერები არიან და ვნახოთ, რა იქნება.
- ფიქრობ, რომ გაიმარჯვებ?
- არ დავმალავ, ყველაფერს ვაკეთებ ამისთვის.
- თავიდან, როცა პროექტში მონაწილეთა სია ცნობილი გახდა, ითქვა, რომ სოფო ნიჟარაძეს ჰქონდა მოგების შანსი, შენი აზრით, პროექტი რომ არ დაეტოვებინა, სოფო დღეს იქნებოდა "ცეკვავენ ვარსკვლავებში"?
- სოფოს ძალიან ცუდი რამ შეემთხვა და მომხრე ვიყავი, თუნდაც ორი ტურის შემდეგ დაბრუნებულიყო პროექტში, მაგრამ, ეტყობა, თვითონ აღარ ისურვა... მჯერა, რომ ის იქნებოდა პროექტში, რადგან ყველაფერს მაყურებელი წყვეტს.
- როგორ გააგრძელებ ცხოვრებას, თუ გაიმარჯვებ?
- ისევ ისე გავაგრძელებ, მაგრამ ეს იქნება ყველაზე მაგარი ახალი წელი ჩემს ცხოვრებაში!..
ესაუბრა თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
