მნიშვნელოვანი ინფორმაცია
10
ივლისიდღის ზოგადი ასტროლოგიური პროგნოზი
10 ივლისი, ხუთშაბათი, მთვარის მეთექვსმეტე დღე დაიწყება 22:46-ზე – დაასრულეთ დაუსრულებელი დავალებები. მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ფულადი ოპერაციები. დოკუმენტების, კონტრაქტებისა და ხელშეკრულებების გაფორმება. მივლინება. მოლაპარაკებების წარმოება. მუშაობის დაწყება ახალ ადგილას. უარყოფითი ემოციების გამოვლენა. არ არის რეკომენდებული ცხოველური საკვების მიღება. დღის მენიუ უნდა შედგებოდეს ხილისა და ბოსტნეულისგან. დღეს ურთიერთობების დალაგებას და კამათს აზრი არა აქვს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფუფალას სინდრომი - "საქართველოში შინაბერები და ბერბიჭები მომრავლდნენ"
23:18 / 19-12-2013
საქართველოში შინაბერებისა და ბერბიჭების სიმრავლეზე არაერთგზის თქმულა და დაწერილა, თუმცა ალბათ უნდა ითქვას, რომ გაცილებით რთულ მდგომარეობაში არიან შინაბერები, რომლებსაც ამ "ეპითეტს" მაშინვე მიაკრავენ, როგორც კი 30-32 წელს გადააბიჯებენ ხოლმე. უმეტეს შემთხვევაში ისინი საკუთარ პროფესიას, ოჯახს, დისშვილებსა თუ ძმისშვილებს გადაყოლილი ადამიანები არიან, რომლებსაც პირადი ცხოვრებისათვის დრო არასოდეს ჰყოფნით და მიზეზთა გამო ცხოვრების თანამგზავრის პოვნას ვერ ახერხებენ. ფსიქოლოგ ნანა ჩაჩუას აზრით, ამ ადამიანთა ფსიქოლოგიური პორტრეტის შექმნა არც ისე ძნელია:
- როდესაც ე.წ. შინაბერებზე ვსაუბრობთ, აუცილებლად უნდა გავითვალისწინოთ ქალის ფსიქოლოგია: ყველამ იცის, რომ არსებობს დედობრივი ინსტინქტი, რომელიც სხვაზე ზრუნვას, მოდგმის დაცვასა და უდიდეს მგრძნობელობას გულისხმობს. ფსიქოლოგების აზრით, დედობრივი სიყვარულის ფორმულა ასე ჟღერს: "შვილო, როგორიც უნდა იყო, მე მაინც მიყვარხარ!" მაგრამ ამ "შვილში" არ იგულისხმება მხოლოდ ბიოლოგიური შვილი - ადამიანი ბიო-ფსიქო-სოციალური არსებაა, ამდენად, ქალისთვის არსებობს ბიოლოგიური შვილი და არსებობს ფსიქოლოგიური - ანუ ის, ვისზეც ზრუნავს და თავის სიყვარულს ხარჯავს. ამიტომ ქალისათვის მთავარი ის კი არ არის, რომ აუცილებლად ბიოლოგიური შვილი ჰყავდეს, არამედ მას უნდა ჰქონდეს საზრუნავი, ობიექტი, რომელთანაც ის საკუთარ თავს გამოხატავს. მთავარია, რომ ის აღმოჩნდეს სიყვარულის გაცემისა და მიღების მდგომარეობაში, მაგრამ ამისათვის ბიოლოგიური დედაშვილობა სავალდებულო სულაც არ არის.
- ხშირად ამბობენ, მარტოხელა ქალები ილუზიებით ცხოვრობენო...
- ვერ დაგეთანხმებით, რადგან ვინმეზე ზრუნვა სულაც არ არის ილუზია, ეს არის რეალობა, რომელშიც ადამიანი საკუთარ თავს გამოხატავს და ეს არის სწორედ მისი ცხოვრების საზრისი. რასაკვირველია, დემოგრაფიული თვალსაზრისით მარტოხელა ქალების სიმრავლე სერიოზული დანაკლისია, მაგრამ ფსიქოლოგიური თვალსაზრისით, ეს სულაც არ არის ტრაგედია: მარტო დარჩენა სულაც არ ნიშნავს, რომ ადამიანი უბედური უნდა იყოს და თავისი დედობრივი ინსტინქტის გამოხატვა ვერ შეძლოს. შემთხვევითობა და აუცილებლობა ზოგჯერ ქმნის პირობებს იმისათვის, რომ ადამიანმა თავისი ცხოვრების მეგზური ვერ იპოვა, ამას შეიძლება მრავალი მიზეზი ჰქონდეს, მაგრამ ეს არ ნიშნავს, რომ მან თავისი ქალური ბუნება და დედობრივი გრძნობა ვერ გამოავლინოს. ბედნიერება ყველგან და ყველაფერშია, სადაც პიროვნება საკუთარ თავს იპოვის და გამოავლენს.
- ქართულ ენაში არის საკმაოდ უსიამოვნო ეპითეტი - "შინაბერა", რომელსაც 30 წელს გადაცილებულ ქალს "მიაკერებენ" ხოლმე.
- დიახ, არსებობს სიტყვები, რომლებიც ჰუმანურობის თვალსაზრისით უმართებულოა. ისე კი, შინაბერა, როგორც ასეთი, სულაც არ არის ცუდი სიტყვა. ღმერთმა ქნას, რომ ყველა "შინ" დაგვაბეროს. "შინ" ძალიან კარგი სიტყვაა, "შინ" თუ გაქვს, ეს არის ძალიან დიდი სიმდიდრე და მოდი, ორივე სიტყვას ასე შევხედოთ.
- ტიპური სახე მარტოხელა ქალისა არის ფუფალა - ადამიანი, რომელიც ეძებს სიყვარულს, ზოგჯერ იგონებს კიდეც, მაგრამ მაინც მარტოა.
- მე თუ მკითხავთ, ფუფალა ძალიან დადებითი და პოეტური სახეა, ეს არის ადამიანის დაუშრეტელი უნარი იმისა, რომ იოცნებოს, იფიქროს. ამავდროულად, ეს არის ადამიანის მარადიული ტკივილი და მერყეობა ყოფნასა და არყოფნას, იმედსა და უიმედობას, "ჰოსა" და "არას" შორის. ჩვენ ყველანი, როგორებიც უნდა ვიყოთ, სადაც უნდა ვიყოთ და როგორი რეალიზებულიც უნდა ვიყოთ, თუ "ფუფალობას" არ ვატარებთ საკუთარ თავში, სრულყოფილი ადამიანები ვერ ვიქნებით.
- ალბათ ცალკე მსჯელობის თემაა ე.წ. ბერბიჭები, რომლებიც ბოლო ხანებში ასევე ძალიან მოგვიმრავლდნენ.
- ბერბიჭები, რომლებიც დაოჯახებას ვერ ახერხებენ, მართლაც მომრავლდნენ და ეს უმეტესწილად სოციალური მიზეზებით არის გამოწვეული. თანაც, გარკვეულ ასაკს რომ გადასცდებიან (ამ ასაკს შეგნებულად არ ვასახელებ), უკვე ეჩვევიან ცხოვრების ამ წესს და გაურბიან იმას, რომ ცხოვრებაში რაღაც შეცვალონ. ისინი ეჩვევიან მარტოობას, თუმცა მამაკაცისათვის მარტოობა უფრო ძნელია, იმიტომ, რომ ქალები საზრუნავი ობიექტის მოძებნას ყოველთვის ახერხებენ, მამაკაცებს კი ეს უჭირთ. თუმცა, არიან ისეთი მამაკაცები, რომლებიც თავიანთ საქმეს "იშვილებენ" ხოლმე, როგორც დავით გურამიშვილმა "იშვილა" თავისი შესანიშნავი ქმნილება და მას "დავითიანი" უწოდა.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
