მეცნიერები ირწმუნებიან, რომ შიდსით ადამიანები ადრეულ ასაკში აღარ გარდაიცვლებიან

თუ აივ-ინფექციაზე დადებითი პასუხი გაქვთ, არ შეშინდეთ - მეცნიერები ირწმუნებიან, რომ რამდენიმე წლის წინ თუ ეს დიაგნოზი სიკვდილის მომასწავებელი იყო, დღეს ყველაფერი შეიცვალა.

AIDS Cohort Collaboration on Research and Design-ისა და სამედიცინო ცენტრის British Columbia-ს მეცნიერებმა აღმოაჩინეს, რომ 20 წლის ახალგაზრდა, რომელიც ანტირეტროვირუსული თერაპიის კურსს გადის (antiretroviral therapy – ART) სიცოცხლეს 70 წლამდე შეინარჩუნებს.

მკვლევარებს ამის თქმის საფუძველს 23 000 ადამიანის პირადი მონაცემები და მათზე დაკვირვება აძლევს. თუმცა, სიცოცხლის წლები დაბალია მათთვის, ვისაც სამედიცინო ისტორიაში უწერია, რომ ნარკოტიკს (ინტრავენური) მოიხმარს. დაკვირვება 2000-დან 2007 წლამდე აივ-დადებით ადამიანებზე ხდებოდა და ისინი შემდეგ ჯგუფებად: სოციალურ-დემოგრაფიული და კლინიკური მახასიათებლებით (ნარკოტიკის მოხმარების ისტორია და იმუნიტეტის უჯრედები) დაყვეს.

როგორც ჟურნალ PLOS ONE წერს, 2000-2002 და 2006-2007 წლების განმავლობაში ამ ადამიანების სიცოცხლე 20 წლით გახანგრძლივდა.

მომზადებულია PLOS ONE-ს მიხედვით.