ხაშურის მუნიციპალიტეტის სატენდერო კომისიის წევრებმა ხელმოწერებით გამოხატეს თანხმობა, რომ შპს "სტრადასთან" გაფორმებულიყო ხელშეკრულება "დაბალფასიანი" "Mitsubishi Pajero IO" -ს შესაძენად. აღნიშნული "დაბალფასიანი" ჯიპისთვის ქალაქის ბიუჯეტიდან 10 400 ლარი გამოიყო.
მანქანის შეძენა 2013 წლის 26 მარტს მოხდა და ის არანაკლებ 2000 წლის მოდელია, გამართული მდგომარეობით. მანამდე კი, 2012 წლის მაისში, ხაშურის გამგეობაში 49 000 ლარად, ტოიოტა ცენტრისგან პიკაპიც შეიძინეს.
