16
ივნისიდღის ზოგადი ასტროლოგიური პროგნოზი
"დიდი დანანებით, ანა ბაგრატიონთან ჩემს ქორწინებას დასრულებულად ვაცხადებ. მადლობას ვუხდი მას საერთო შვილისთვის. მისი სამეფო უმაღლესობის გიორგი ბაგრატიონ-ბაგრატიონისთვის, რომელიც ნათლობის დღეს, 2013 წლის 3 ნოემბერს, ბაგრატიონთა დინასტიის მემკვიდრედ გამოაცხადა სრულიად საქართველოს კათოლიკოს პატრიარქმა ილია მეორემ და რომელიც, მისი მამის, ბაბუის და წინაპრების მსგავსად, მუხრანის პრინცის ტიტულს დაეუფლება", - ნათქვამია განცხადებაში
ამ საკითხზე პრინცესა ია ბაგრატიონ მუხრანელი, საქართველოს თავად-აზნაურთა საგვარეულოს უფროსის მოადგილე გვესაუბრა.
ია ბაგრატიონ მუხრანელი:
- მავანს და მავანს არ სურდა ეს ქორწინება და აი, მათი გულის გასახარად მიდის ყველაფერი.
- საზოგადოების რეაქცია არაერთგვაროვანი იყო, განსაკუთრებით ამ ბოლო დროს, როდესაც სამეფო კარის მისამართით კრიტიკა გახშირდა, თუნდაც იგივე რაინდის წოდებების მინიჭების გამო...
- მეც ვფიქრობ, რომ ეს არ იყო მართებული ნაბიჯი. თავად-აზნაურობის და რაინდის წოდების მინიჭება უკვე მოქმედი მეფის პრეროგატივაა. წოდებას თავდადებისათვის აძლევდნენ.
- ხომ ვერ გაგვიმხელთ, თუ რატომ გაშორდნენ დავითი და ანა?
- ბევრს ვერაფერს გეტყვით.. საერთოდ ძალიან ცუდია, როდესაც ახალგაზრდები შორდებიან და ბავშვი ცალკე იზრდება. ამ შემთხვევაში კი საქმე გაცილებით სერიოზულადაა. ეს განქორწინება ძირს უთხრის მონარქისტულ იდეას და მტრის წისქვილზე ასხამს წყალს.
