მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კაცის გულის მოსაგებად საჭმელების მომზადება არ დამჭირვებია"
23:17 / 17-12-2013
მსახიობი ნატა ზარნაძე მაყურებელმა ღამის შოუს სერიალ "ჩვენი ამბავიდან" გაიცნო. ნატა თბილისის ყოფილი მერის, ვანო ზოდელავას რძალია, თუმცა არ სურს ამ კუთხით გაიცნოს საზოგადოებამ და მამამთილზე საუბარს ყოველთვის ერიდება.
- 2006 წელს დავამთავრე თეატრალური უნივერსიტეტი, მერე გავთხოვდი და ძირითადად ბავშვების აღზრდით ვიყავი დაკავებული. ახლახან დავამთავრე მაგისტრატურა სტრატეგიული კომუნიკაციების სპეციალობით. ძალიან საინტერესო პროფესიაა. მყავს ორი შვილი, გოგო და ბიჭი. ვფიქრობ, კარგი მეუღლე ვარ, ძალიან კარგ კერძებს ვამზადებ (იცინის). გათხოვებამდე კულინარიისთვის დრო არ მრჩებოდა, გათხოვების მერე კი აღმოვაჩინე, რომ თურმე ეს სფერო საინტერესოა და კარგადაც გამომდის. გურმანი ვარ და კერძების მომზადება სიამოვნებას მანიჭებს.
- ამბობენ, კაცის გულის მოგება კარგი კერძებითაც შეიძლებაო, ეთანხმები ამ მოსაზრებას?
- მე ამის გარეშე მოვიგე კაცის გული, საჭმელების მომზადება არ დამჭირვებია (იცინის). ექვსი თვე ვიყავით მე და ჩემი მეუღლე შეყვარებულები, ამის შემდეგ შევქმენით ოჯახი.
- მართლა ვანო ზოდელავას რძალი ხარ?
- დიახ, ვანო ზოდელავა ჩემი მამამთილია, ძალიან მიყვარს, მაგრამ არ მინდა ამ თემაზე საუბარი.
- სანამ "ჩვენ ამბავში" მოხვდებოდი, რას საქმიანობდი?
- 14 თებერვალს გამოვა ფილმი - "თბილისი ჩემი ქალაქია", სადაც მალკომ მაკდაუელთან ერთად ვითამაშე და ამით ძალიან ვამაყობ. მაკდაუელი ჩემთვის ჰოლივუდთან, კარგ კინოსთან ასოცირდება, თავი ზღაპარში მეგონა, რადგან ერთობლივი სცენები გვქონდა... "ღამის შოუს" სტუდიაში ძალიან უშუალო და მეგობრული ხალხი მუშაობს. მათ კასტინგებში წლების წინაც მიმიღია მონაწილეობა, ჯერ კიდევ მაშინ, როცა "შუა ქალაქის" გადაღება დაიწყეს. ძალიან დიდი კომფორტია "ღამის შოუში" მუშაობა. გარდა ამისა, გადაღებული ვარ სარეკლამო რგოლებშიც.
- ალბათ დიდი ძალისხმევა გიწევთ თითოეული სერიის მოსამზადებლად, კონკურენტ არხზე ძალზე რეიტინგული "ჩემი ცოლის დაქალები" გიწევთ კონკურენციას...
- ეგ სერიალი დიდი ხანია გადის ეთერში, იცნობს მაყურებელი, ჰყავს თაყვანისმცემლები, ჩვენს სერიალს მაყურებლის გულის მოსაგებად ცოტა დრო სჭირდება.
- შენი პერსონაჟი ქეთი გგავს?
- ქეთი ზედმეტად მოწესრიგებული ადამიანია, მე ასეთი პედანტი არ ვარ. ის იურისტია, მე კი ამ პროფესიისგან შორს ვდგავარ, ვერ წარმომიდგენია იურისტობა; ის კონსერვატორია, მე უფრო მხიარული ვარ. არ ვიცი, როგორ მოვიქცეოდი, გვერდით ისეთივე უპასუხისმგებლო ადამიანი რომ მყოლოდა, როგორიც ჩემს პერსონაჟს ჰყავს, მაგრამ როცა გიყვარს, ალბათ ყველაფერს აპატიებ და მიიღებ მისგან. საბედნიეროდ, ასეთი ურთიერთობა არ გამომიცდია.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
