4
ივნისიდღის ზოგადი ასტროლოგიური პროგნოზი
თურმე, საზოგადოებრივი მაუწყებლის თანამშრომლებს სამუშაო საათებში სიმღერის ხმა აწუხებთ. როგორც გაირკვა, მუსიკალურ რეპეტიციებს არც მეტი, არც ნაკლები, მაუწყებლის უმაღლესი მენეჯმეტი გადის.
ბორდის თავმჯდომარე ემზარ გოგუაძე სამუშაო საათებში რეპეტიციებმა შეაწუხა და ამ თემაზე მედიასთან ალაპარაკდა. როგორც გოგუაძე ყვება, მაუწყებლის გენერალური დირექტორობის მოვალეობის შემსრულებელმა თამაზ ტყემალაძემ მაღალი მენეჯმენტისგან მუსიკალური კოლექტივი ჩამოაყალიბა. ანსამბლის წევრების ზუსტი რაოდენობა უცნობია, მაგრამ ცნობილია, რომ შვიდკაცა კაპელაში, მუსიკალური საკრავების გარეშე ქართულ ფოლკლორულ ნიმუშებს ასრულებს. ემზარ გოგუაძემ არ იცის, მღერის თუ არა პირადად თამაზ ტყემალაძე, მაგრამ ფიქრობს, რომ გენერალური დირექტორობის მოვალეობის შემსრულებელი, უფრო ნამღერს ამოწმებს.
ემზარ გოგუაძე იმასაც ყვება, რომ, ოდესღაც, კომუნისტების დროს, მაუწყებელში მუსიკალური ანსამბლები არსებობდა, თუმცა ახლა ბორდის თავმჯდომარე ტელევიზიაში ასეთი ტიპის კოლექტივის საჭიროებას ვერ ხედავას. მას უცნაურად ეჩვენება, რომ მაღალი მენეჯმენტის წარმომადგენლები, რომლებიც სამუშაო საათებში სერიოზული საქმით უნდა იყვნენ დაკავებულები, რეპეტიციებს გადიან და მღერიან.
"სამუშაო საათებში არ შეიძლება მოადგილეები მიდიოდნენ და მღეროდნენ, მით უმეტეს, არ არის საზოგადოებრივ მაუწყებელში ის სიტუაცია, რომ ვიღაცას სამღერლად ჰქონდეს საქმე", - აღნიშნა ემზარ გოგუაძემ.
ამასთან, მაუწყებლის სამეთვალყურეო საბჭოს თავმჯდომარის ინფორმაციით, მუსიკალური კოლექტივის საქმიანობა ანაზღაურებადი არ არის.
