მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კოლინ ფარელი - ელიზაბეტ ტეილორი ჩემი რომანტიკული გატაცება იყო
10:55 / 17-12-2013
მსახიობ კოლინ ფარელს არაერთხელ უსაუბრია ელიზაბეტ ტეილორთან მეგობრობაზე, თუმცა ახლა ფარელმა აღიარა, რომ ტეილორი მისი "უკანასკნელი რომანტიკული გატაცება" იყო. კოლინ ფარელმა ამის შესახებ ელენ დეჯენერისის შოუში ისაუბრა.
"მე ვაღმერთებდი მას, ის არაჩვეულებრივი ქალი იყო" - აღნიშნა კოლინმა.
კოლინ ფარელს და ელიზაბეტ ტეილორს ერთად არასდროს უთამაშიათ, თუმცა ერთმანეთი 2009 წელს გაიცნეს. ფარელი ლოს-ანჯელესის კილინიკა Cedars-Sinai-ში იმყოფებოდა, სადაც მისი მეორე შვილი ჰარი დაიბადა. ლიფტში კოლინი ელიზაბეტ ტეილორის მენეჯერს შეხვდა, რომელმაც ელიზაბეტის გულის ოპერაციის შესახებ უამბო.
ფარელი იხსენებს: "მე ვთხოვე, ჩემგან მოკითხვა გადაეცა და აღვნიშნე, რომ, ალბათ, მას არც ეცოდინებოდა, ვინ ვიყავი, რაზეც მენეჯერმა მიპასუხა "არა არა, ის თქვენ გიცნობთ". მე მალე გამოჯანმრთელება ვუსურვე. რამდენიმე დღის შემდეგ სახლში დაბრუნებული ვფიქრობდი ელიზაბეტზე და დავურეკე ჩემს პრეს-მდივანს თხოვნით, რომ მისთვის ყვავილები გაეგზავნათ. რაზეც პრეს-მდივანმა მიპასუხა: "ეს სასაცილოა, იმიტომ რომ, ახლა სწორედ ელიზაბეტისგან შენთვის გამოგზავნილ ორქიდეებს ვუყურებ", - აღნიშნა მსახიობმა.
მსახიობის თქმით, ამ ფაქტის შემდეგ მას გაუჩნდა სურვილი, ელიზაბეტ ტეილორი პირადად გაეცნო.
"მე შევძელი მასთან შეხვედრა და ეს იყო ჩვენი 2 წლიანი ურთიერთობის დასაწყისი. ჩემთვის ის რაღაც უკანასკნელი რომანტიკული გატაცებასავით იყო, თუმცა მხოლოდ ჩემს ფიქრებში და არა პირდაპირი მნიშვნელობით",- აღნიშნა მსახიობმა.
როგორც ფარელმა განაცხადა, ის და ტეილორი ახლო მეგობრები იყვნენ და შეეძლოთ თითქმის შუაღამემდე ესაუბრათ ტელეფონით. მსახიობმა ისიც აღიარა, რომ მიუხედავად 44 წლიანი ასაკობრივი სხვაობისა, წინააღმდეგი არ იქნებოდა გამხდარიყო ელიზაბეტის მერვე ქმარი, მაგრამ მისი ოცნებები არ ახდა.
მომზადებულია uk.eonline.com-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
