9
ივლისიდღის ზოგადი ასტროლოგიური პროგნოზი
კომპანია "ახალმა ნათებამ" აღმაშენებლის ხეივანში მდებარე ცენტრალური პავილიონის უკან, კიდევ ერთი მაღაზია-სალონი გახსნა.
400 კვმ-ზე განთავსებული shop in shop ტიპის სალონი ახალი შენობის პირველ სართულზეა. ახალი სალონი, ისევე როგორც "ფორუმი ახალი ნათებისგან", თვისობრივად განსხვავდება კომპანიის ქსელური მაღაზიებისგან, რადგან აქ განათებასთან ერთად წარმოდგენილია ავეჯი და აქსესუარები.მაღაზიაში მისულ მომხმარებელს სანათების გარდა, შესაძლებლობა აქვს შეიძინოს დივნები, საწოლები, რბილი სამეულები, ტანსაცმლის კარადები, წიგნის თაროები, ნახატები, კომპოზიციები, ლარნაკები, საათები და სხვადასხვა ტიპის აქსესუარები.
კომპანიის მენეჯმენტმა უმაღლესი ხარისხის, ხელმისაწვდომი პროდუქცია საშუალო შემოსავლის მქონე მომხმარებელზე გათვალა.
როგორც ცნობილია, "ახალმა ნათებამ" პირველი ფორუმი 22 ნოემბერს გახსნა, სადაც ევროპული ბრენდების პროდუქცია იყიდება. ახალ შოუ-რუმში წარმოდგენილი ფუნქციური ავეჯი და აქსესუარები კი საშუალო სეგმენტზეა გათვლილი. ნაწარმი ევროპელი დიზაინერების მონაწილეობით, ჰონგ კონგშია დამზადებული.
"ვინაიდან, ჩვენ გვინდა, რომ ჩვენმა პროდუქციამ მოიცვას ყველა, როგორც მაღალი ფინანსური შესაძლებლობის, ასევე საშუალო სეგმენტის მოსახლეობა, ამიტომ საჭიროდ ჩავთვალეთ, რომ ავეჯი და აქსესუარები ყველა ფენისთვის გვქონდეს წარმოდგენილი", - განმარტა "ფორუმის ახალი ნათებისგან" მენეჯერმა დავით გულუაშვილმა.
გამოფენილი ავეჯი სამი ძირითადი კომპონენტის გათვალისწინებით, ახალი სიტყვაა ქართულ ბაზარზე. ეს კომპონენტებია: ხარისხი, სტილი და ფუნქცია.
ავეჯი უმაღლესი ხარისხის ტექსტილის, ხისა და სხვა მასალისგან არის დამზადებული. სტილის შემუშავების პროცესში ჩართული იყო არაერთი ევროპელი დიზაინერი, მათ შორის, იტალიიდან და ავსტრიიდან.
განსაკუთრებული ყურადღება უნდა გამახვილდეს ავეჯის ფუნქციურობაზე. მაგალითად, რბილი ავეჯი წარმოდგენილია გარდასახვის რამდენიმე ფუნქციით, რაც განსაკუთრებით მოსახერხებელია შედარებით მცირე ფართის მქონე სახლების, ოფისებისა თუ სხვა დანიშნულების ინტერიერებისათვის. ამასთან, მომხმარებელს შეუძლია DIY (Do It Yourself) ტიპის ავეჯის მეშვეობით, სასურველი ნაწილები თავად აარჩიოს და კონსტრუქტორის პრინციპით, სასურველი კარადა ან მთლიანად ინტერიერი ააწყოს.
შოუ რუმის პირველ სტუმრებს - ჟურნალისტებს "ახალი ნათების" პიარ მენეჯერმა თათა მორჩილაძემ ავეჯის ფუნქციურობა თავად წარმოუდგინა. ფუნქციური ავეჯი განსაკუთრებით მცირე ფართის მქონე მომხმარებლისთვის არის სასურველი.
"მათთვის, ვისაც არ აქვს ადგილი რამდენიმე სხვადასხვა დანიშნულების ნივთი ერთ ოთახში მოათავსონ, დიზაინერები იგონებენ "ტრანსფორმერ-ავეჯს". ასეთ შემთხვევაში, შესაძლებელია, ერთი ტიპის სავარძელი გადაკეთდეს და შედეგად გახდეს 3-4 სხვადასხვა ტიპის რბილი ავეჯი. მაგალითად, შოუ-რუმში წარმოდგენილია სავარძელი, სადაც ორი ადამიანი მოთავსდება. ეს სავარძელი შეიძლება გადაკეთდეს შეზლონგის ტიპის კომფორტულ წამოსაწოლ საშუალებად, ამავე ნივთის გადაკეთება შესაძლებელია ორი ადამიანისთვის გათვლილ საწოლად, ასევე შესაძლებელია გადაკეთდეს განსხვავებულ დივნად, რომელიც იცვლის კონფიგურაციას", - განმარტა თათა მორჩილაძემ.
ახალ მაღაზია-სალონში დასაქმებულია კარგად დატრენინგებული და კვალიფიციური კადრები. წარმოდგენილი სანათების, ავეჯისა და აქსესუარების რაოდენობა 260 დასახელებას აღემატება.
საახალწლო დღესასწაულთან დაკავშირებით, კომპანია "ახალი ნათება" 7-დან 31 დეკემბრის ჩათვლით, მომხმარებელს შოუ რუმში წარმოდგენილ ყველა ტიპის სანათზე, ავეჯზე და აქსესუარებზე 20%-იან საახალწლო ფასდაკლებას სთავაზობს.
R
