3
ივნისიდღის ზოგადი ასტროლოგიური პროგნოზი
იურიდიულ საკითხთა საპარლამენტო კომიტეტის თავმჯდომარე ვახტანგ ხმალაძე ოპოზიციონერ კოლეგებს მოუწოდებს, "გულზე ხელი დაიდონ და ხმამაღლა თქვან ის სიმართლე , რასაც პარლამენტის ქუთაისში მდებარეობასთან დაკავშირებით ფარულად, კამერის მიღმა ამბობენ".
როგორც ხმალაძემ ჟურნალისტებს დღეს გამართულ პრესკონფერენციაზე განუცხადა, პარლამენტის ადგილმდებარეობის საკითხთან დაკავშირებულ საკონსტიტუციო ცვლილებებზე "ნაციონალური მოძრაობის" წარმომადგენლებთან კონსულტაციები მიმდინარეობს, თუმცა დეპუტატი უმცირესობასთან მოლაპარაკებების შედეგებზე კონკრეტულს ვერაფერს ამბობს და მხოლოდ იმას აღნიშნავს, რომ ცვლილებების მიღების პროცესი გაჩერებულია.
"უმცირესობაზეა დამოკიდებული, თუ როგორ გადაწყდება აღნიშნული საკითხი", - აცხადებს ხმალაძე.
როგორც დღეს გამართულ ბრიფინგზე უმცირესობის წევრმა გიორგი ვაშაძემ განაცხადა, პარლამენტის თბილისში დაბრუნების საკითხი დახურულია და უმრავლესობას ურჩევს ამის შესახებ ღიად განაცხადოს.
"ვერ გადაგვიგრიხეს ხელი და ვერ განახორციელეს კონსტიტუციაში დაგეგმილი ცვლილებები. ჯობია, გამოვიდნენ და თქვან, რომ პარლამენტი ქუთაისში რჩება" , - აღნიშნა გიორგი ვაშაძემ.
