მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყველა ოთახში ერთდროულად დაიმსხვრა სარკეები, ზოგი კი გაიბზარა"
23:35 / 16-12-2013
"ოჯახის სულის" არსებობის შესახებ არაერთხელ გვსმენია. ჩვენი რესპონდენტი იმ ადამიანთა რიცხვს მიეკუთვნება, ვისაც ამოუცნობი არსება თავს არ ანებებს. ოჯახმა რამდენჯერმე შეიცვალა საცხოვრებელი, მაგრამ ბოროტ არსებას თავი ვერ დააღწია.
- ნინო, რა ხდება თქვენს ოჯახში?
- ჩვენს ოჯახში უცნაური არსება ცხოვრობს, რომელიც აგრესიას ძირითადად ჩემს მამიდაშვილზე გამოხატავს. საბურთალოს ქუჩაზე სახლი ვიყიდეთ და მისი გარემონტებისას სულ რაღაც პრობლემები იქმნებოდა, იკარგებოდა საღებავები, ფუნჯები, ამის გამო ძალიან დიდხანს გაგრძელდა რემონტი. როდესაც იმ სახლში გადავედით საცხოვრებლად, ოჯახში 3 თვის ბავშვი გვყავდა, ერთხელაც, როცა ბავშვი დავაძინეთ თავის საწოლში, მისი ტირილის ხმა გავიგონეთ და პატარა სხვა ლოგინზე დაგვხვდა. ამას ოჯახში დიდი აურზაური მოჰყვა. ერთ ღამეს ბებიაჩემი გააღვიძა უცნაურმა შეგრძნებამ, დაინახა როგორ გაიარა ოთახში შავმა აჩრდილმა, შევიდა სააბაზანოში და შუქი აანთო. მეორე დილით კი კარადიდან ჭურჭელი გადმოცვივდა, ვხედავდით, როგორ ყრიდა აქეთ-იქით ამოუცნობი არსება ჭურჭელს, რომელიც სულ დაიმსხვრა. სასწრაფოდ მოვიყვანეთ მოძღვარი და სახლი ვაკურთხებინეთ, მაგრამ მოჩვენება უფრო აგრესიული გახდა, უფრო ხშირად ჩნდებოდა და მთელ სახლს გვირევდა. იძულებული გავხდით, სახლი გაგვეყიდა და ახალ ბინაში გადავსულიყავით საცხოვრებლად.
- იქაც დაგხვდათ მოჩვენება?
- პირველი ორი თვე ამ სახლში მშვიდად ვცხოვრობდით, მაგრამ ორი თვის შემდეგ სასწაული მოვლენები დაიწყო. ერთ დილით უცნაურმა ხმამ გაგვაღვიძა, ვხედავდით, ყველა ოთახში ერთდროულად როგორ დაიმსხვრა სარკეები, ზოგი კი გაიბზარა. ისევ მოძღვარს მივმართეთ, ვაკურთხეთ სახლი, მაგრამ მოჩვენებამ მოსვენება დაგვიკარგა. ხანდახან ბავშვი მოულოდნელად განწირული ხმით ტიროდა, აშკარად ვამჩნევდით, რომ რაღაცას ხედავდა, რისიც ძალიან ეშინოდა. უფროსი ასაკის ქალებმა მამიდაჩემს უთხრეს, ეს ოჯახის სული იქნება, რომელსაც მოფერება სჭირდება, ამიტომ როცა სახლში იქნებით, მოეფერეთ და ტკბილეულით გაუმასპინძლდითო. მართლაც მთელი სანათესაო ვეფერებოდით მოჩვენებას და ოთახებში შოკოლადს, კანფეტს და ათას ნუგბარს ვუწყობდით, მაგრამ არც ამან უშველა.
- ძირითადად, როდის ბრაზდებოდა მოჩვენება?
- ღამით გვესხმოდა თავს, როცა ყველას ეძინა. ისროდა მობილურებს და ტელევიზორს რთავდა. იმ სახლიდანაც გადავედით, მაგრამ იქაც გამოგვყვა. განსაკუთრებული აგრესია აქვს ჩემს მამიდაშვილზე, რადგან იმ ძველი სახლიდან სწორედ მის გამო გადავედით. გვეუბნებიან, ეტყობა, ოჯახის სულს ახალი საცხოვრებელი არ მოსწონს და ამიტომ გიკარგავთ მოსვენებასო. ყველაფერს უფუჭებს ჩემს მამიდაშვილს, ბიჭი ხედავს როგორ აგდებს ძირს ამოუცნობი ძალა მის მობილურებს, უხევს ტანსაცმელს და ა.შ. ეს ფაქტი ვერავინ ამოხსნა. ყოველი დაღამების გვეშინია, რადგან ვიცით, ამ დროს სახლში სასწაული ამბები დატრიალდება, ოთახიდან ოთახში მარტო ვერ გავდივართ. რაც ეს უცნაური არსება ჩაგვისახლდა, უფრო მეტ დროს ვატარებთ ტაძარში, ვლოცულობთ, ვმარხულობთ, მაგრამ შიში ვერაფრით დავძლიეთ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
