16
ივნისიდღის ზოგადი ასტროლოგიური პროგნოზი
"მაგიდა ქმედებისთვის" - ამ სახელწოდებით ნოდარ დუმბაძის სახელობის მოზარდმაყურებელთა სახელმწიფო თეატრმა და რესტორანმა "დაუნთაუნმა" ერთობლივი საქველმოქმედო საღამო გამართეს. თეატრის მსახიობებმა ერთი დღით მიმტანის ამპლუა მოირგეს და საზოგადოებას განსაკუთრებული მომსახურება შესთავაზეს. საქველმოქმედო საღამოს ფარგლებში შემოსული თანხა (3600 ლარი) კოჯრის შეზღუდული შესაძლებლობების მქონე ბავშვთა სახლს გადაეცემა.
"დაუნთაუნში" უამრავი ხალხი შეიკრიბა. მიმტანის პროფესია რთული აღმოჩნდა, თუმცა მსახიობებმა ამ როლსაც წარმატებით გაართვეს თავი. აქციაში, რომელიც ხუთი საათი გაგრძელდა, უამრავმა ადამიანმა მიიღო მონაწილეობა და სოლიდური თანხაც შეგროვდა. სულ მალე შემოსული თანხა ნოდარ დუმბაძის სახელობის მოზარდმაყურებელთა სახელმწიფო თეატრისა და რესტორან "დაუნთაუნისგან" კოჯრის შეზღუდული შესაძლებლობების სახლს გადაერიცხება.
იხილეთ ფოტოგალერეა
