შტეფან ფულე - ევროკავშირი უკრაინის მთავრობასთან ასოცირების ხელშეკრულებაზე მუშაობას აჩერებს

ევროკავშირი უკრაინის მთავრობასთან ასოცირების ხელშეკრულებაზე მუშაობას აჩერებს. უცხოური მედიის ცნობით, ამის შესახებ ევროკომისარმა გაფართოებისა და ევროპული სამეზობლო პოლიტიკის საკითხებში შტეფან ფულემ "ტვიტერზე" დაწერა.

"ევროკავშირმა შეაჩერა მუშაობა უკრაინასთან ასოცირების ხელშეკრულებაზე. უკრაინის ხელისუფლების სიტყვები და ქმედებები ასოცირების შეთანხმებაზე უფრო და უფრო ღრმად განსხვავდება. მათ არგუმენტებს რეალობასთან არავითარი კავშირი არ აქვს", -წერს შტეფან ფულე "ტვიტერზე".