მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ექიმების შეცდომის გამო დავკარგე მხედველობა"
23:04 / 14-12-2013
3 დეკემბერს საქართველოში შეზღუდული შესაძლებლობების მქონე პირთა საერთაშორისო დღე აღინიშნა. ამ დღისადმი მიძღვნილ ღონისძიებაზე მისულმა პრემიერ-მინისტრმა ირაკლი ღარიბაშვილმა აღნიშნა, რომ საქართველოს მთავრობამ 2013 წელი შეზღუდული შესაძლებლობის მქონე პირთა უფლებების დაცვის წლად გამოაცხადა. სხვათა შორის, საქართველოში რეგისტრირებული 122 666 შეზღუდული შესაძლებლობების მქონე პირიდან 9 ათასამდე ბავშვია. საქართველოს უსინათლოთა კავშირის სოციალური სამსახურის მთავარი სპეციალისტი ნანა ბრეგვაძე სევდანარევად, მაგრამ იმედიანად ჰყვება იმ ადამიანების ისტორიას, რომლებმაც შეძლეს და შეზღუდული შესაძლებლობების მიუხედავად, ყველა გააოცეს.
- ექიმების შეცდომისა და არასწორი მკურნალობის შედეგად დავკარგე მხედველობა. საქართველოში იმედს არ მაძლევდნენ და ისრაელში გადავწყვიტე ოპერაციის გაკეთება, რაც ძალიან დიდ თანხასთან იყო დაკავშირებული - 47 ათასი დოლარი მჭირდებოდა. უნივერსიტეტში სწავლისას პრეზიდენტის სტიპენდიანტი ვიყავი და გადავწყვიტე, მიხეილ სააკაშვილისათვის მიმემართა. მადლობა უნდა ვუთხრა ყოფილ პრეზიდენტს, რომ ეს მკურნალობა მისი დახმარებით დამიფინანსეს. მხედველობის არეალი თანდათან მიფართოვდება და ეს ძალიან მახარებს.
- როგორც ვიცი, უსინათლოთა კავშირში არიან ადამიანები, რომლებსაც შეიძლება გმირებიც ეწოდოთ.
- 2010 წელს კრეატიული სტუდიის ხელმძღვანელმა გია ჯვარშეიშვილმა გადაწყვიტა მყინვარწვერი დაელაშქრათ და სხვებთან ერთად წაეყვანა უსინათლო დათო ყვირილიანი, აფხაზეთიდან დევნილი, ჩვენი კავშირის ლტოლვილთა ფილიალის თავმჯდომარე. დათო ამას არ შეუშინდა და თქვა: მე მინდა ვაჩვენო საზოგადოებას, რომ ადამიანს, რომელიც საერთოდ ვერ ხედავს, შეუძლია მყინვარწვერი დალაშქროსო. მართლაც, ეს ადამიანი ავიდა მყინვარწვერზე და ბრაილის შრიფტით დატოვა იქ თავისი ჩანაწერი. რაც შეეხება სხვებს: ჩვენ გვყავს წარმატებული მოცურავე ნიკა თვაური, რომელიც მსოფლიოს არაერთგზის ჩემპიონია. ნიკა 29 წლისაა. 16 წლის იყო, როცა მხედველობა დაკარგა და დღეს სრულიად ვერ ხედავს... გიორგი ქობელაშვილმა 26 წლისამ დაკარგა მხედველობა, როცა სამხატვრო აკადემია უკვე დამთავრებული ჰქონდა და წარმატებული მხატვარი იყო. ამ ტრაგედიის გამო დეპრესიაშიც ჩავარდა, მაგრამ ხატვამ გადაარჩინა და აქტიური ცხოვრებისაკენ მოაბრუნა. მართალია, ის სამყარო, რომელიც მან იცოდა, გაქრა, მაგრამ ახლა იგი ხატავს იმას, რასაც გრძნობს. მისი ნახატები ძალიან კარგად იყიდება გამოფენებზე. იგივე უნდა ითქვას ნატალია ვეფხვაძეზე, რომელიც უნიჭიერესი მომღერალია.
ყველაზე ცნობილი უნარშეზღუდულები
მიგელ სერვანტესი - ლეპანტოსთან ბრძოლაში მარჯვენა ხელი დაკარგა. ლუდვიგ ვან ბეთჰოვენი - 1802 წელს სრულად დაყრუვდა, თუმცა სწორად ამ დროიდან შექმნა ყველაზე ცნობილი ნაწარმოებები. ლუი ბრაილი - 3 წლის ასაკში დაბრმავდა. 1829 წელს შექმნა რელიეფურ წერტილოვანი შრიფტი უსინათლოებისთვის. ფრანკლინ დელანო რუზველტი - აშშ-ის 32-ე პრეზიდენტი. ის ინვალიდის ეტლს იყო მიჯაჭვული, თუმცა სწორედ მის სახელთანაა დაკავშირებული მნიშვნელოვანი ფურცლები ამერიკის ისტორიაში. რეი ჩარლზი - ადამიანი-ლეგენდა, 12 "გრემის~ მფლობელი. დაბრმავდა 7 წლის ასაკში. სტივენ ჰოუკინგი - მხოლოდ მის თითებს აქვს მოძრაობი უნარი, რომლებითაც ის მართავს ეტლს და კომპიუტერს, რომელიც მის მაგივრად ლაპარაკობს. არის კემბრიჯის უნივერსიტეტის მათემატიკის პროფესორი, პირველადი შავი ხვრელების თეორიის ავტორი.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ზურაბ ჯაფარიძეს საგამოძიებო კომისიის მოთხოვნის შეუსრულებლობის საქმეზე, 7 თვით თავისუფლების აღკვეთა მიესაჯა, ასევე აეკრძალა 2 წლის ვადით თანამდებობის დაკავება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
