დასუფთავების სამსახური მუშაობის საგანგებო რეჟიმზე გადავიდა

დედაქალაქში თოვის გამო, თბილისის დასუფთავების სამსახური მუშაობის საგანგებო რეჟიმზე გადავიდა. როგორც "ინტერპრესნიუსს" შპს "თბილსერვის ჯგუფის" დირექტორმა, თორნიკე შიოლაშვილმა განუცხადა , მობილიზებულია 40 ერთეული ტექნიკა და 250 ადამიანი, რომლებიც საჭიროების შემთხვევაში თბილისის გზებზე იმუშავებენ.

"ჩვენ ასევე გვაქვს მარილის მარაგიც, თოვლცვენის გაგრძელების შემთხვევაში, თუ საჭირო გახდება, ქუჩებში დავიწყებთ მარილის დაყრასაც", - აცხადებს შიოლაშვილი.

თბილისში დაახლოებით ორი საათია, თოვს. თოვა ბოლო ერთი საათია, გაძლიერდა.

"ინტერპრესნიუსი"