5
ივნისიდღის ზოგადი ასტროლოგიური პროგნოზი
"პალიტრა მედიამ" მცირე და საშუალო ბიზნესის მხარდაჭერის პროგრამის ერთწლიანი მუშაობის შედეგები შეაჯამა.
როგორც დღევანდელ პრეზენტაციაზე მცირე და საშუალო ბიზნესის განვითარების პროექტის მენეჯერმა, გურამ შეროზიამ აღნიშნა, ერთი წლის განმავლობაში თანამშრომლობა შედგა 200-მდე კომპანიასთან, საიდანაც "პალიტრა მედიის" მუდმივ დამკვეთად დარჩა 30%.
"კომპანიების 15% კი ისე გაიზარდა, რომ ისინი მცირე და საშუალო ბიზნესებად აღარ მოიაზრებიან, რაც ჩვენთვის ძალიან კარგი შედეგია. ჩვენ გავაფართოვეთ მომსახურების სპექტრი და შეგვიძლია ვთქვათ, რომ მცირე და საშუალო ბიზნესს ვთავაზობთ მხოლოდ საუკეთესო მარკეტინგულ პლატფორმებს", - აღნიშნა გურამ შეროზიამ.
"პალიტრა მედიას" პროექტის წარმატებით განხორციელება მიულოცა ეკონიმიკისა და მდგრადი განვითარების მინისტრის მოადგილემ, ქეთევან ბოჭორიშვილმა. მინისტრის მოადგილემ გაიხსენა, რომ ერთი წლის წინ იმყოფებოდა აღნიშნული პროექტის პრეზენტაციაზე და მოხარულია, რომ პროექტით ბევრმა ბენეფიციარმა ისარგებლა და კარგი შედეგი მიიღო.
"მცირე და საშუალო ბიზნესის წარმომადგენლები არიან ის ხალხი, ვინც ჩვენს ქვეყანაში ბიზნესის 95%-ს წარმოადგენს, ვინც ქმნის ყველაზე მეტ სამუშაო ადგილს. მე არაერთხელ მითქვამს, რომ თქვენ ხართ ჩვენი ეკონომიკის ხერხემალი. სწორედ ამიტომ მნიშვნელოვანია, რომ თქვენი მოგება გაორმაგდეს, გასამმაგდეს და გაათმაგდეს", - მიმართა ქეთევან ბოჭორიშვილმა მცირე ბიზნესის წარმომადგენლებს.
ეკონომიკის მინისტრის მოადგილის ინფორმაციით, სამინისტროს პრიორიტეტი მომავალ წელს იქნება მცირე და საშუალო ბიზნესის ხელშეწყობა; ამ მიმართულებით ძალისხმევა მიიმართება, რათა გაიზარდოს მცირე და საშუალო ბიზნესის პროდუქტიულობა და მათ სახელმწიფოს მხრიდან მეტი ხელშეწყობა მიიღონ.
"ჩვენ ვიმუშავებთ, რათა საკანონმდებლო დონე მოწესრიგდეს და ხელსაყრელი გარემო შეიქმნას მცირე და საშუალო ბინზესისთვის, ასევე დავნერგოთ ინფორმაციის წვდომის ხელშეწყობისა და განათლების პროგრამები, რათა ბიზნესის წარმომადგენლებმა შეძლონ უნარების გაუმჯობესება; დაინერგება ფინანსური ინსტიტუტები, რათა ფინანსურ რესურსებზე წვდომა გამარტივდეს. წლის მეორე კვარტლიდან გვექნება კონკრეტული პროგრამები და ინსტრუმენტები, აქცენტი გაკეთდება ინოვაციაზე, დამწყები ბიზნესის ხელშეწყობაზე, საექსპორტო პოტენციალის გაფართოებასა და ბაზრების დივერსიფიკაციაზე. მინდა, მადლობა გადავუხადო და მივულოცო "მედია პალიტრას", რომ გამოიყენა აღნიშნული ინსტრუმენტი, რაც მცირე და საშულო ბიზნესის წარმომადგენლებს ცნობადობის გაზრდასა და დამკვიდრებაში დაეხმარა", - აღნიშნა ქეთევან ბოჭორიშვილმა.
მცირე და საშულო ბიზნესის პროგრამის ხელშეწყობის პროგრამის პრეზენტაციას დღეს აღნიშნული სფეროს წარმომადგენლებიც ესწრებოდნენ. როგორც მცირე და საშუალო ბიზნესის წარმომადგენლები აცხადებენ, მათ წარმატებით ითანამშრომლეს გასული ერთი წლის განმავლობაში "პალიტრა მედიასთან", რითაც ძალიან კმაყოფილი არიან, რადგან მათი დაკვეთების რაოდენობა და, შესაბამისად გაყიდვებიც გაიზარდა.
მცირე დ საშუალო ბიზნესის განვითარების მხარდაჭერის პროექტი 2013 წლის იანვირადნ დაიწყო. სპეციალური პროგრამის შეთავაზებითsalesland.ge - ფასდაკლებების სამყარო! მეწარმეებს საშუალება მიეცათ, განათავსონ რეკლამა მედიასაშუალებებში და მიიღონ სასურველი შედეგი. პროექტი ითვალისწინებს მცირე და საშუალო ბიზნესის წარმომადგენლებისთვის მარკეტინგულ კონსულტაციებს, ეფექტურ სარეკლამო და პიარკამპანიების შეთავაზებას. პროექტის სტანდარტული პაკეტი მოიცავს რეკლამას (მეოთხედ ფასად) "პალიტრა მედიის" სამ სხვადასხვა პლატფორმაზე - "რადიო პალიტრა", ვებგვერდი ambebi.ge და სარეკლამო კატალოგი "ბროწეული". პროექტს ახორციელებს ჰოლდინგი "მედია პალიტრა" საერთაშორისო კლვლევებისა და გაცვლების საბჭოს პროგრამის - "ქართული მედია აძლიერებს დემოკრატიას, ანგარიშვალდებულებას და მოქალქეების ინფორმირებულობას" ხელშეწყობით (G-media). პროგრამა G-media დაფინასებულია USAID-ის მიერ.
