4
ივნისიდღის ზოგადი ასტროლოგიური პროგნოზი
"უნიქარდმა" პარტნიორებთან ერთად უნივერსალური გათამაშება დაიწყო და "უნიქარდის" ყველა მფლობელს მთელი საქართველოს მასშტაბით საშუალებას აძლევს გახდეს "პორშე კაიენის", 3 ბიზნეს კლასის "ფორდ მონდეოს", გარემონტებული ბინის-"აქსის პალასი საირმეზე" ან 10 000 მომენტალური პრიზის, მათ შორის ბარსელონის ტურის მფლობელი.
"უნიქარდის" მფლობელებს "ვისოლის", "სმარტის", "სოკარის", "ჯიპისის", "სითი ფარმას", "ჯინს გალერის" ჯგუფის მაღაზიების, "ვულე ვუს", "ოქეის", "მეტრომარტის", "არაის" ობიექტებში მოგების სამმაგი შანსი აქვთ.
პირველი - მომენტალური 10 000-ზე მეტი პრიზის მოგების შანსს მომხმარებელი გათამაშების ბილეთის გადაფხეკისას იღებს. საჩუქრების ჩამონათვალი საინტერესო და მრავალფეროვანია: სასაჩუქრე ვაუჩერები, საწვავის ტალონები, საყოფაცხოვრებო ტექნიკა, უნიქარდის ქულები, ასევე უნიტური ბარსელონაში. "უნიქარდის" პარტნიორებში მომხმარებელი სხვადასხვა ღირებულების შენაძენზე იღებს გათამაშების გადასაფხეკ ბილეთს.
მეორე - "პორშე კაიენის" ან სამი "ფორდ მონდეოს" მოგების შანსს მომხმარებელი იმ შემთხვევაში იღებს, თუ ბილეთის გადაფხეკისას ვერ მოიგებს მომენტალურ პრიზს, გადაფხეკილ ბილეთს მოათავსებს პარტნიორ კომპანიებში არსებულ სპეციალურ ყუთში და დაელოდება გათამაშებას 30 იანვარს, რუსთავი 2-ის პირდაპირ ეთერში.
მესამე - "აქსის პალასში" საირმეზე დასრულებული, გარემონტებული სახლის მოგების შანსს მომხმარებელი მიიღებს ელექტრონული ბილეთით, რომელიც მომხმარებელს ნებისმიერ პარტნიორთან დაგროვილ ყოველ 10 ქულაზე გადაეცემა, გათამაშება დასრულდება 2014 წლის 20 იანვარს. 30 იანვარს კი რუსთავი 2-ის პირდაპირ ეთერში გამოვლინდება "პორშე კაიენის", 3 "ფორდ მონდეოს" და გარემონტებული ბინის მფლობელი "აქსის პალასში" საირმეზე.
"სოკარ ენერჯი ჯორჯია"-ს გენერალური დირექტორი - მაირ მამედოვი მოხარულია მსგავს მასშტაბურ გათამაშებაში სოკარის მონაწილეობით: "უნიქარდთან პარტნიორობის შედეგად შესანიშნავ საახალწლო აქციას ვთავაზობთ სოკარის მომხმარებლებს. მოგების სამმაგი შანსი - ასეთი რაოდენობისა და ხარისხის პრიზების, განსაკუთრებით ავტომობილებისა და ბინის მოგების შესაძლებლობა ერთი გათამაშების ფარგლებში, ვფიქრობ ჯერ არ ჰქონია ქართველ მომხმარებელს. მრავალ გამარჯვებასა და უამრივ პრიზს ვუსურვებ გათამაშების ყველა მონაწილეს. დარწმუნებული ვარ - მომავალშიც არაერთ სასიამოვნო და საინტერესო პროექტს შევთავაზებთ ჩვენს მომხმარებელს "უნიქარდთან" ერთად".
"უნიქარდის" ერთ-ერთი ყველაზე ძველი პარტნიორი "ვისოლ ჯგუფი" აქციაში თითქმის ყველა შვილობილი კომპანიით მონაწილეობს. "ვისოლ ჯგუფის" პრეზიდენტი სოსო ფხაკაძე დარწმუნებულია, რომ გათამაშება მომხმარებელს ძალიან მოეწონება და საახალწლო განწობას ნამდვილად შეუქმნის: "ვფიქრობ, ძალიან საინტერესო ინიციატივას ჩავუყარეთ საფუძველი. ჩვენ ქვეყანაში, ბოლო წლებში, მსგავს გათამაშებებს სხვადასხვა კომპანიები ატარებდნენ, მაგრამ მართალი ვიქნები თუ ვიტყვი, რომ მასშტაბებით, ეს უპრეცედენტო აქციაა. დარწმუნებული ვარ, ეს დადებით ეფექტს მოიტანს. დადებით შედეგში კი, ჩვენი კომპანიის რეალიზაციის ზრდას არ ვგულისხმობ - ჩვენი მთავარი ამოცანა იყო, კარგი საახალწლო საჩუქარი გაგვეკეთებინა მომხმარებლისთვის და ამიტომაც დავიწყეთ ეს გათამაშება საახალწლო პერიოდში. მიხარია, რომ "უნიქარდთან" და მის პარტნიორ კომპანიებთან ერთად კარგ საქმეს ვაკეთებთ. "ვისოლ ჯგუფი" ამ პროექტში მართლაც სრულადაა წარმოდგენილი - გათამაშებაში "ვისოლ პეტროლიუმიც" მონაწილეობს, "სმარტიც", "ვენდიც"... დარწმუნებული ვარ, ამ აქციას კარგი შედეგი ექნება და მომხმარებელი, რომელსაც სიურპრიზებს მომავალშიც შევთავაზებთ, კმაყოფილი დარჩება".
R
