16 წლის იაკო მღებ­რიშ­ვი­ლი, "მის ევ­რო­პე­ლი პრინ­ცე­სა" გახ­და. მალ­ტა­ში გა­მარ­თულ კონ­კურ­სში - "მის ევ­რო­პე­ლი", 8 ქარ­თვე­ლი გო­გო­ნა მო­ნა­წი­ლე­ობ­და. მათ­გან 7 სა­მო­დე­ლო სა­ა­გენ­ტო "კატ­რი­ნის" მო­დე­ლი გახ­ლდათ, ერთი კი - მა­ნა­ნა გოგ­რი­ჩი­ძის. კონ­კურ­სზე ინ­გლი­სის წარ­მო­მად­გე­ნელ­მა გა­ი­მარ­ჯვა... ჩვენ "მის ევ­რო­პელ პრინ­ცე­სას" და "მის ევ­რო­პე­ლის" ჟი­უ­რის ერთ-ერთ წევ­რს - სა­მო­დე­ლო სა­ა­გენ­ტო "კატ­რი­ნის" ხელ­მძღვა­ნელს, ქალ­ბა­ტონ ეკა მგა­ლობ­ლიშ­ვილს ვე­სა­უბ­რეთ.

- "მის ევ­რო­პე­ლი" მხო­ლოდ სი­ლა­მა­ზის კი არა, ტა­ლან­ტის კონ­კურ­სიც გახ­ლავთ. მას­ში 8 ქარ­თვე­ლი გო­გო­ნა მო­ნა­წი­ლე­ობ­და. ალ­ბათ გახ­სოვთ, სა­ქარ­თვე­ლო­ში (ფოთ­ში) კულ­ტუ­რის სა­მი­ნის­ტრო­სა და ფო­თის მა­ჟო­რი­ტა­რი დე­პუ­ტა­ტის - ქალ­ბა­ტონ ეკა ბე­სე­ლი­ას მხარ­და­ჭე­რით, სი­ლა­მა­ზის კონ­კურ­სის გრან­დი­ო­ზუ­ლი ფი­ნა­ლი გა­ი­მარ­თა. 25-მდე ჟი­უ­რის წევ­რი გვყავ­და. 10 სა­უ­კე­თე­სო გო­გო­ნა შე­ვარ­ჩი­ეთ და მათ­გან 8 მალ­ტა­ში წა­ვიყ­ვა­ნეთ. "მის ევ­რო­პე­ლის" პირ­ველ დღეს, ტა­ლან­ტის კონ­კურ­სი გა­ი­მარ­თა. ჩვენ­მა გო­გო­ნებ­მა ქარ­თუ­ლი ხალ­ხუ­რი ცეკ­ვის პო­პუ­რი ("დავ­ლუ­რი", "აჭა­რუ­ლი", "მთი­უ­ლუ­რი") წა­რად­გი­ნეს. ქარ­თველ კონ­კურ­სან­ტებს ყვე­ლა­ნი გა­ო­ცე­ბუ­ლე­ბი უყუ­რებ­დნენ - უკ­ვირ­დათ, რომ მო­დე­ლე­ბი ასე კარ­გად ცეკ­ვავ­დნენ. კონ­კურ­სი "ევ­რო­ვი­ზი­ის" სტილ­ში ჩა­ტარ­და. მე ჟი­უ­რის ერთ-ერთი წევ­რი გახ­ლდით და ჩემი ქვეყ­ნის წარ­მო­მად­გენ­ლე­ბის­თვის ხმის მი­ცე­მის უფ­ლე­ბა არ მქონ­და. ტა­ლან­ტის კონ­კურ­სზე 4 ქუ­ლით წა­ვა­გეთ და მე­ო­რე ად­გილ­ზე გა­ვე­დით. მე­ო­რე დღეს დი­ზა­ი­ნე­რე­ბის კონ­კურ­სი ჩა­ტარ­და. 3 დი­ზა­ი­ნე­რი ჩა­მოფ­რინ­და, მათ შო­რის - იტა­ლი­ე­ლი მან­გა­ნო. დი­ზა­ი­ნე­რებ­მა კონ­კურ­სან­ტე­ბი­დან 3 გო­გო­ნა - ირმა აბ­რა­მი­ძე, იაკო მღებ­რიშ­ვი­ლი და თი­ნა­თინ ბაბ­ლუ­ა­ნი შე­არ­ჩი­ეს. ირმა აბ­რა­მი­ძე მან­გა­ნოს სახე გახ­და... შემ­დეგ რე­პე­ტი­ცი­ე­ბი იმარ­თე­ბო­და. ქარ­თვე­ლებს უკვე ყვე­ლა გვიც­ნობ­და. მთე­ლი ევ­რო­პა ავა­ცეკ­ვეთ, ყველ­გან ქარ­თუ­ლი სიმ­ღე­რე­ბი ის­მო­და. მალ­ტი­დან ჩა­მო­სულ­მა ვთქვი: გაგ­ვიშ­ვით და ნა­ტო­ში ჩვე­ნი სი­ლა­მა­ზი­თა და ცეკ­ვით შე­ვალთ-მეთ­ქი (იცი­ნის)... კონ­კურ­სის ფი­ნალ­ზე ცეკ­ვის "მო­ნა­ხა­ზი" მალ­ტის ქო­რე­ოგ­რაფ­მა დად­გა. ეს სა­ღა­მო ქარ­თველ­მა გო­გო­ნებ­მა გახ­სნეს. იაკო მღებ­რიშ­ვი­ლი "ევ­რო­პის პრინ­ცე­სა" გახ­და, "ვიცე-პრინ­ცე­სე­ბი" კი - მარი თევ­დო­რა­ძე და თი­ნა­თინ ბაბ­ლუ­ა­ნი. ამ 8 გო­გო­ნას მალ­ტა­ში წაყ­ვა­ნი­სათ­ვის, უპირ­ვე­ლეს ყოვ­ლი­სა, სა­ქარ­თვე­ლოს კულ­ტუ­რი­სა და ძეგლ­თა დაც­ვის მი­ნისტრს, ბა­ტონ გუ­რამ ოდი­შა­რი­ას ვუხ­დი დიდ მად­ლო­ბას და ასე­ვე, ეკა ბე­სე­ლი­ას - მხარ­და­ჭე­რის­თვის.

იაკო მღებ­რიშ­ვი­ლი:

- "მის ევ­რო­პე­ლის" კონ­კურ­სზე დიდი კონ­კუ­რენ­ცია იყო. "პრინ­ცე­სო­ბას" ვე­ლო­დი-მეთ­ქი, - ვერ ვი­ტყვი, რად­გან ყვე­ლა­ნი სა­ოც­რად ლა­მა­ზე­ბი იყ­ვნენ. ვნერ­ვი­უ­ლობ­დით.

ეკა:

- რო­დე­საც ჟი­უ­რი­ში ვი­ჯე­ქი, ცრემ­ლე­ბი მდი­ო­და. ჟი­უ­რის სხვა წევ­რე­ბი მე­კი­თხე­ბოდ­ნენ, - რა გა­ტი­რებს, ყვე­ლა­ზე კარ­გე­ბი ქარ­თვე­ლე­ბი ხარ­თო. მე კი ვპა­სუ­ხობ­დი - არ ვიცი, თქვე­ნი ქვეყ­ნის კონ­კურ­სან­ტებ­თან რო­გო­რი ურ­თი­ერ­თო­ბა გაქვთ, მაგ­რამ მე რო­მელ "თით­ზე ვი­კ­ბი­ნო", არ ვიცი-მეთ­ქი (იღი­მის). ერთი კონ­კურ­სან­ტი როცა მიმ­ყავს, მშვი­დად ვარ, მაგ­რამ ახლა 8 გო­გო­ნა­დან 3 უნდა შე­ერ­ჩი­ათ.

იაკო:

- უცხო­ე­ლი კონ­კურ­სან­ტე­ბი გვა­ჩე­რებ­დნენ და გვე­უბ­ნე­ბოდ­ნენ: თქვენ­სა­ვით ლა­მა­ზი აქ არა­ვინ არი­სო.

- სხვა ქვეყ­ნის წარ­მო­მად­გენ­ლე­ბი თუ მო­გე­წო­ნათ?

- ძა­ლი­ან ლა­მა­ზე­ბი და ამავდრო­უ­ლად, პა­სუ­ხის­მგებ­ლო­ბის გრძნო­ბის მქო­ნე­ნი იყ­ვნენ. ქარ­თვე­ლე­ბი ყვე­ლა­ნა­ი­რად ვცდი­ლობ­დით, სა­ქარ­თვე­ლო ისე წარ­მოგ­ვე­ჩი­ნა, რო­გორც სა­ჭი­რო იყო და რო­გორც ეს ეკას გა­უ­ხარ­დე­ბო­და (იღი­მის).

ეკა:

- ერთი ფაქ­ტი გულ­ში ხინ­ჯად დამ­რჩა: ყვე­ლა უცხო­ე­ლი კონ­კურ­სან­ტი სა­ათ­ში ერთხელ, სა­მოსს იც­ვლი­და, თან - ყვე­ლა­ფე­რი ბრენ­დუ­ლი ჰქონ­დათ. "ინ­გლის­მა" სა­ერ­თოდ შოკ­ში ჩა­მაგ­დო: მალ­ტის პრე­ზი­დენ­ტის მხარ­და­ჭე­რით, სიმ­სივ­ნით და­ა­ვა­დე­ბუ­ლი ბავ­შვე­ბის და­სახ­მა­რებ­ლად, საქ­ველ­მოქ­მე­დო აქ­ცია ჩა­ტარ­და. ყუ­ლა­ბე­ბი დაგ­ვი­რი­გეს, ყვე­ლა ქვეყ­ნის წარ­მო­მად­გენ­ლებს თან­ხა უნდა შეგ­ვეგ­რო­ვე­ბი­ნა. ვიშ­რო­მეთ, ვიწ­ვა­ლეთ, შე­ვაგ­რო­ვეთ, მაგ­რამ ჭო­რის დო­ნე­ზე შე­ვი­ტყვე, რომ ამ აქ­ცი­ა­ზე ინ­გლი­სი გა­ი­მარ­ჯვებ­და. გა­მიკ­ვირ­და, რად­გან ჩვენ უფრო მეტ ფულს გვიყ­რიდ­ნენ. შემ­დეგ შე­ვი­ტყვეთ, თურ­მე მათ სა­კუ­თა­რი ფუ­ლიც ჩა­დეს... თუმ­ცა, აღ­მოჩ­ნდა, რომ ბევ­რი ფული და სა­ათ­ში ერთხელ ბრენ­დუ­ლი სა­მო­სის გა­მოც­ვლა წარ­მა­ტე­ბის მი­საღ­წე­ვად სა­ჭი­რო სუ­ლაც არ ყო­ფი­ლა...

- ქარ­თვე­ლი კონ­კურ­სან­ტე­ბის ჩაც­მუ­ლო­ბა­ზე ვინ იზ­რუ­ნა?

- დი­ზა­ი­ნერ­მა მა­ნა­ნა გოგ­რი­ჩი­ძემ. სხვა­თა შო­რის, ჩემი ჩაც­მუ­ლო­ბით ინ­ტე­რეს­დე­ბოდ­ნენ, მე­კი­თხე­ბოდ­ნენ - რა ბრენ­დის სა­მო­სი გაც­ვი­აო და მო­წო­ნე­ბას გა­მო­ხა­ტავ­დნენ.

- იაკო, რამ­დე­ნი ხა­ნია, რაც სა­მო­დე­ლო სფე­რო­ში მუ­შა­ობ?

- მე­ო­რე წე­ლია, რაც "კატ­რინ­ში" ვმუ­შა­ობ. მო­ცეკ­ვა­ვეც ვარ - 6 წლი­დან ქარ­თულ ხალ­ხურ ცეკ­ვას ვას­რუ­ლებ.

- "მის ევ­რო­პე­ლი პრინ­ცე­სას" ტი­ტუ­ლი შენ­თვის რას ნიშ­ნავს?

- ეს დიდი წარ­მა­ტე­ბაა...

ეკა:

- თაყ­ვა­ნის­მცემ­ლე­ბი მო­ე­მა­ტე­ბა (იცი­ნი­ან), მაგ­რამ კონ­ტრაქ­ტის თა­ნახ­მად, 5 წელი ვერ გა­თხოვ­დე­ბა.

- ბევ­რი იფიქ­რე, ვიდ­რე ამ კონ­ტრაქტს გა­ა­ფორ­მებ­დი?

იაკო:

- არა, რად­გან "კატ­რი­ნი" ჩვენ­თვის მე­ო­რე ოჯა­ხია. ერ­თმა­ნე­თი ყვე­ლას ძა­ლი­ან გვიყ­ვარს.

ეკა:

- სა­ქარ­თვე­ლო­ში ვერ გა­ი­გეს, რამ­დე­ნი შვი­ლი მყავს - სა­დაც მივ­დი­ვართ (სა­ლონ­ში, გა­და­ღე­ბა­ზე, კონ­კურ­სზე), მო­დე­ლე­ბი სულ "დე­და­თი" მომ­მარ­თა­ვენ (იცი­ნის).

იაკო:

- მალ­ტა­ში ყოფ­ნი­სას, ყო­ველ სა­ღა­მოს ვიკ­რი­ბე­ბო­დით, ვიპ­რან­ჭე­ბო­დით. ერთხელ ეკას იდეა მო­უ­ვი­და: ახლა დას­ხე­დით და თქვე­ნი შთა­ბეჭ­დი­ლე­ბე­ბი 1-2 სი­ტყვით და­მი­წე­რე­თო. რა 1-2 სი­ტყვა? 3-4 ფურ­ცე­ლი შე­ვავ­სეთ (იცი­ნის)!

ეკა:

- მალ­ტა­ში, მო­დე­ლებს შო­რის, სო­ცი­ა­ლუ­რად და­უც­ვე­ლი თაკო სორ­დია იყო. და­მი­წე­რა: შენი სა­ხით, ღმერ­თმა ან­გე­ლო­ზი გა­მო­მიგ­ზავ­ნაო... ამ გო­გო­ნე­ბის­თვის სი­ტყვა "დედა" ძა­ლი­ან ძვირ­ფა­სია და ვერც წარ­მო­ედ­გი­ნათ, რომ "დე­და­თი" მშობ­ლის გარ­და, სხვა­საც თუ მი­მარ­თავ­დნენ... ადრე ასე­თი გულ­ჩვი­ლი არ ვი­ყა­ვი, მაგ­რამ ბოლო დროს რა­ღაც და­მე­მარ­თა.

- "მის ევ­რო­პე­ლის" კონ­კურ­სის­თვის შერ­ჩე­ულ­მა 8 გო­გო­ნამ, რო­მელ­თა შო­რი­საც 7 - "კატ­რი­ნის" მო­დე­ლი გახ­ლდათ, სა­ქარ­თვე­ლო­ში აზ­რთა სხვა­დას­ხვა­ო­ბა ხომ არ გა­მო­იწ­ვია?

- ჟი­უ­რის წევ­რებს დიდ პა­ტივს ვცემ, მით უმე­ტეს - კრის­ტი ყიფ­ში­ძეს. მათ გა­და­წყვე­ტი­ლე­ბას არა­სო­დეს შევ­წი­ნა­აღ­მდე­გე­ბი­ვარ, თუმ­ცა ერთ სა­ი­დუმ­ლოს გა­გიმ­ხელთ: მა­ყუ­რებ­ლის, ჟი­უ­რი­სა და ჩემი გა­და­წყვე­ტი­ლე­ბა არა­ერ­თხელ და­ემ­თხვა ერ­თმა­ნეთს. ჩემი ყვე­ლა პრო­ექ­ტი გამჭვირ­ვა­ლეა. უპი­რა­ტე­სო­ბას სა­კუ­თარ შვილ­საც არ მი­ვა­ნი­ჭებ, თუკი ის კონ­კრე­ტულ სფე­რო­ში ღირ­სე­უ­ლი კან­დი­და­ტი არ არის. ასე­თი პრინ­ცი­პი მაქვს.

- პრო­ფე­სი­ად მო­დე­ლო­ბა გაქვს არ­ჩე­უ­ლი?

იაკო:

- არა. უბ­რა­ლოდ, დღეს ამ საქ­მით ვარ და­კა­ვე­ბუ­ლი. 3 წლის ვი­ყავი, როცა გა­დავ­წყვი­ტე, პო­ლი­ცი­ე­ლი გავმხდა­რი­ყა­ვი (იცი­ნის). ამ­ჟა­მად სკო­ლა­ში ვსწავ­ლობ - მე­თერ­თმე­ტე კლა­სის მოს­წავ­ლე ვარ. ვფიქ­რობ, იუ­რი­დი­ულ ფა­კულ­ტეტ­ზე ჩა­ვა­ბა­რებ.

- თა­ვი­სუ­ფალ დროს რო­გორ ატა­რებ?

- ვცდი­ლობ, მე­გობ­რებ­თან ერ­თად ვიყო, მაგ­რამ თა­ვი­სუ­ფა­ლი დრო ნაკ­ლე­ბად მაქვს.

ეკა:

- "კატ­რი­ნის" მო­დე­ლებს ღა­მის გარ­თო­ბე­ბი ეზღუ­დე­ბათ. ყვე­ლა­ფე­რი ნორ­მის ფარ­გლებ­ში უნდა იყოს. თუ "კატ­რი­ნის" მო­დე­ლი ხარ, შენი სარ­წმუ­ნო­ე­ბა, სა­ქარ­თვე­ლო და ოჯა­ხი უნდა გიყ­ვარ­დეს. სწავ­ლაც აუ­ცი­ლე­ბე­ლია: მინ­და, მო­დე­ლე­ბის შე­სა­ხებ გავ­რცე­ლე­ბუ­ლი მითი და­ვამ­სხვრიო და და­ვამ­ტკი­ცო, რომ შე­იძ­ლე­ბა, ქალი ერ­თდრო­უ­ლად ლა­მა­ზიც იყოს, გა­ნათ­ლე­ბუ­ლიც და ჭკვი­ა­ნიც.

- სა­ქარ­თვე­ლო­ში დაბ­რუ­ნე­ბუ­ლი თავს "მის ევ­რო­პელ პრინ­ცე­სად" თუ გრძნობ?

იაკო:

- რო­გორ არა! აე­რო­პორ­ტში უამ­რა­ვი ხალ­ხი დაგ­ვხვდა. პირ­ვე­ლი­ვე ფრა­ზა, რაც გა­ვი­გო­ნე, ეს იყო: ვა­ი­მე, რა ლა­მა­ზი გო­გო­ნე­ბი არი­ა­ნო! რო­გორ შე­იძ­ლე­ბა, ამის მერე თავი "პრინ­ცე­სად" არ ვიგ­რძნო?

- წე­ღან მგო­ნი, გა­გი­ხარ­და, როცა ეკამ გი­თხრა, - თაყ­ვა­ნის­მცემ­ლე­ბი მო­გე­მა­ტე­ბაო.

- არა, არა, უკვე მე­ო­რე წე­ლია, შეყ­ვა­რე­ბუ­ლი მყავს. მას ჩემი "ორი­ვე დედა" იც­ნობს - მთა­ვა­რი ეს არის.

ეკა:

- რე­პე­ტი­ცი­ებ­ზე გვეს­წრე­ბა, გვეხ­მა­რე­ბა... სა­სი­ძო მომ­წონს.

- შენი შეყ­ვა­რე­ბუ­ლი ვინ არის, რას საქ­მი­ა­ნობს?

იაკო:

- მე­რაბ ბო­ქო­ლიშ­ვი­ლი კა­ლათ­ბურ­თე­ლია. ში­ნა­გან საქ­მე­თა სა­მი­ნის­ტროს გუნდში, ხუ­თე­ულ­ში თა­მა­შობს. ერთ-ერთი წამ­ყვა­ნი მო­თა­მა­შეა.

- ქალ­ბა­ტო­ნო ეკა, რად­გან სა­სი­ძო მოგ­წონთ, შე­იძ­ლე­ბა, ია­კოს კონ­ტრაქ­ტის დარ­ღვე­ვის უფ­ლე­ბაც მის­ცეთ?

ეკა:

- რომ მომ­წონს, ეს იმას არ ნიშ­ნავს, რომ კონ­ტრაქ­ტი უნდა და­ირ­ღვეს. მკაც­რად და­ის­ჯე­ბი, მე­რაბ, გა­ით­ვა­ლის­წი­ნე (იცი­ნის)!..

იაკო:

- გა­თხო­ვე­ბას ჯერ არ ვა­პი­რებ. 16 წლის ვარ - ოჯა­ხის შექ­მნა აზ­რა­დაც არ მომ­სვლია.

- და­სას­რულ, რა­მის თქმა ხომ არ გსურთ?

ეკა:

- სა­ლო­მე მარ­კო­ზი­ას­თან და ბექა ჩი­ტა­ი­ას­თან ერ­თად, მალე "ბესტ მო­დე­ლის" მსოფ­ლიო კონ­კურ­სზე, ბულ­გა­რეთ­ში მივფრი­ნავთ. ეს უკვე "სუფ­თა" მო­დის კონ­კურ­სია, რო­მელ­შიც ნა­ო­მი კემ­პბე­ლი­დან და­წყე­ბუ­ლი, ყვე­ლა ცნო­ბი­ლი მო­დე­ლი მო­ნა­წი­ლე­ობ­და. სა­ლო­მე მარ­კო­ზია "კატ­რი­ნის" მო­დე­ლი გახ­ლავთ, ბექა ჩი­ტა­ია კი - "ბესტ მო­დე­ლის". ისი­ნი კას­ტინ­გის მეშ­ვე­ო­ბით შე­ვარ­ჩი­ეთ. დარ­წმუ­ნე­ბუ­ლი ვარ, "ბესტ მო­დე­ლის" მსოფ­ლიო კონ­კურ­სი­და­ნაც ნო­მი­ნა­ცი­ით დავ­ბრუნ­დე­ბით.

ეთო ყორ­ღა­ნაშ­ვი­ლი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)

იხი­ლეთ ასე­ვე: ეკა მგა­ლობ­ლიშ­ვი­ლი - "კე­თილ­თვი­სე­ბი­ა­ნი" ჟურ­ნა­ლის­ტი და 50 ულა­მა­ზე­სი გო­გო­ნას "დედა"