ქუთაისში ავტოფარეხში მცხოვრები ავადმყოფი ქალბატონი დახმარებას ითხოვს
ქუთაისში, ზურაბ ანჯაფარიძის ქუჩაზე მდებარე ბეტონის ავტოფარეხში სოციალურად დაუცველი 51 წლის ქალბატონი 9 წელია ცხოვრობს. მარგალიტა მაკარიძეს ავთვისებიანი სიმსივე აქვს და საწოლიდან ვერ დგება. მას მხოლოდ ერთი, შეზღუდული შესაძლებლობის მქონე ქალიშვილი ჰყავს. მაკარიძეების ორსულიანი ოჯახი დახმარებას ითხოვს.
"არ გვაქვს შუქი, რადგან ამ ავტოფარეხს არ აქვს მისამართი. არც არავინ დაგვხმარებია. მერიაში გვეუბნებიან, ვერ მოვაგენით თქვენს ადგილსო. ერთი თვეა საწოლიდან არ ავმდგარვარ. ალბათ, ამ კვირაში თუ არა, ამ თვეში მაინც გარდავიცვლები, ყველაზე მეტად ჩემი ავადმყოფი შვილი მეცოდება", - აცხადებს ქალბატონი.
სოციალურად დაუცველ ოჯახს რამდენიმე თვეა არასამთავრობო ორგანიზაცია "მომავლის ახალგაზრდული პოზიცია" მფარველობს. იმის გამო, რომ ქალბატონი მძიმედ არის ავად, არც საავადმყოფოში იღებენ და არც ხანდაზმულთა თავშესაფარში.
"გამოვიძახეთ პოლიცია, რომ სადმე გადავემისამართებინეთ ან დაგვეხმარებოდნენ. მათ კი მერიის ცხელ ხაზზე დარეკეს და გადასცეს ეს პრობლემა. მერიამ ისედაც კარგად იცოდა ამ ოჯახის პრობლემები. არ ვიცით, რა გავაკეთოთ, ავადმყოფ ქალბატონს საწოლში აწვიმს", - აცხადებს არასამთავრობო ორგანიზაციის დამფუძნებელი თეიმურაზ მაჩიტიძე.
წყარო: topnews.com.ge
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
