3
მაისიდღის ზოგადი ასტროლოგიური პროგნოზი
როგორ შევარჩიოთ ფეხსაცმელი სწორად, ამის შესახებ დიზაინერი გურანდა ცერცვაძე გვესაუბრება:
- თუ სქელი კოჭები გაქვს, ნუ შეიძენ ფეხსაცმელს, რომელსაც კოჭზე გადაჭერილი თასმა აქვს. ასეთ დროს კოჭი უფრო დიდიც ჩანს და ყურადღებასაც იქცევს. მოკლე ფეხებს კი ღია მაღალქუსლიანი ფეხსაცმელი უხდება - ის ფეხს უფრო მაღალს და თხელს გამოაჩენს. სიმაღლის ილუზიას ქმნის ცოტათი წაწვეტებული მაღალქუსლიანი ფეხსაცმელიც. თუ ფართო ტერფი გაქვს, მრგვალცხვირიანი ფეხსაცმელი თქვენთვისაა: თავსაც კომფორტულად იგრძნობ და ფეხიც ლამაზი და პატარა გამოჩნდება. ახლა რაც შეეხება მამაკაცებს: მამაკაცმა უნდა გაითვალისწინოს საკუთარი სიმაღლე და ფეხის ზომა. თუ მამაკაცი დაბალია და დიდი ფეხები აქვს, ჯობს, არჩევანი მრგვალცხვირა ფეხსაცმელზე შეაჩეროს. მაღალი და საშუალო სიმაღლის მამაკაცისთვის მისაღებია ფეხსაცმელი ოდნავ წაგრძელებული ცხვირით. ქუსლიანი ფეხსაცმელი უმჯობესია დაბალი მამაკაცისთვის - ასეთი მოდელი მას უფრო მაღალსა და ტანადს გამოაჩენს.
- რა უნდა გავითვალისწინოთ ფეხსაცმლის შეძენისას?
- უპირველეს ყოვლისა, შეამოწმეთ, როგორაა ძირი მიმაგრებული ფეხსაცმელზე. თუ ძირი მიკერებულია, ნაკერი უნდა იყოს თანაბარი. უპირატესობა მიანიჭეთ რეზინისძირიან და მყარქუსლიან ფეხსაცმელს. სხვათა შორის ამ სეზონზე მოდურია სპორტული სტილის ფეხსაცმელი რეზინის ძირით. ასეთი ფეხსაცმლით სიარული კომფორტულია, რადგან რეზინი არ სრიალებს.
- რისგან უნდა იყოს დამზადებული ხარისხიანი ფეხსაცმელი?
- ფეხსაცმლის ყველაზე პოპულარული მასალა მაინც ნატურალური ტყავია. შიდა ძირის ტყავის ფენა ფეხს საშუალებას აძლევს, ისუნთქოს, სინთეტიკური მასალისგან დამზადებული ფეხსაცმელი კი ფორმას მალე კარგავს, არც კომფორტულია და დიდ ხანსაც ვერ გემსახურებათ.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
