მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიორგი მარგველაშვილი - ისტორიული უსამართლობაა, რომ ზურაბ ჟვანია ჩვენთან ერთად არ არის
05:21 / 09-12-2013
ისტორიული უსამართლობაა, რომ ზურაბ ჟვანია ამ ისტორიულ გზაზე ჩვენთან ერთად არ არის, – ამის შესახებ საქართველოს პრეზიდენტმა, გიორგი მარგველაშვილმა დღეს ვილნიუსის სამიტის შემაჯამებელ კონფერენციაზე - "აღმოსავლეთ პარტნიორობა - გზა ვილნიუსის სამიტის შემდეგ" განაცხადა.
"დღეს ბევრი საინტერესო დამთხვევაა - ის ისტორიული ნაბიჯი, რომელიც რამდენიმე დღის წინ გადავდგით ვილნიუსში და მტკიცედ დავადექით ქვეყნის განვითარების გზას, მოხდა ასოცირების ხელშეკრულების პარაფირება. დღეს ასევე არის ზურაბ ჟვანიას, ჩემი მეგობრის და თანამებრძოლის, ვისთან ერთადაც მე შევეხე პოლიტიკას, დაბადებიდან 50 წლისთავი. ასეთმა თანხვედრამ განმაწყო იმისთვის, რომ მელაპარაკა არა მხოლოდ იმ პოლიტიკურ გზაზე, რომელიც გასავლელი გვაქვს, არამედ მესაუბრა ზურას შესახებ იმ პროცესებთან მიმართებაში, რომელიც დაიწყო საქართველოში 90-იანი წლების ბოლოს; იმ პროცესებზე, რომელიც მომავალში ერთად გვაქვს გასავლელი. რასაც მე ზურა მიზიარებდა, უაღრესად მნიშვნელოვანია",-აღნიშნა მარგველაშვილმა და დასძინა - " ქალბატონი რემა გვიბრაზდებოდა, ჩვენი შეხვედრები 3-4 საათამდე გრძელდებოდა".
ამასთან, როგორც საქართველოს პრეზიდენტმა აღნიშნა - "ზურამ თქვა მე ვარ ქართველი და მაშასადამე მე ვარ ევროპელი; ის ამბობდა, რომ ქართველი, როგორც კულტურის შემქმნელი ელემენტი, იდენტურია იმისა, რასაც დღეს ჩვენ ვხვდებით ევროპაში.
"ჩვენ ვსაუბრობდით "ვეფხისტყაოსანზე", იმ ინდივიდუალიზმზე, რაც საქართველოში უკვე მე-12 საუკუნიდან არის გამოხატული, ინდივიდუალიზმი ევროპული ღირებულებების ერთ-ერთი ფუნდამენტია. ვაჟას პოეზიაში ვაჟკაცობის თემა ძალიან მნიშვნელოვანია; ვსაუბრობდით ილია ჭავჭავაძეზე, იმ ქვეყანაზე, რომელსაც უამრავი რამ აქვს გადატანილი, სადაც რწმენისთვის უამრავი ადამიანი ეწამა და არასოდეს იყო რელიგიური დევნა. შეიძლება სულ რამდენიმე ერი იყოს, რომელსაც ამხელა ისტორია აქვს და არ ვიცით, რამდენია ერი, რომელსაც 2600 წლის ებრაული თემი ჰყავს თავის წიაღში გაძლიერებული და თანაარსებობს მათთან. ბევრმა არ იცის მსოფლიოში, რა განსაკუთრებული კულტურის მატარებელი ვართ ამ თვალსაზრისით. ზურა ამბობდა, რომ როდესაც გადადიხარ პირიქითა ხევსურეთში, იქ სხვა წესია. იცავენ მომიჯნავე კულტურის და თემების წესებს. ბევრგან ასეთი რამ არ ხდება. ჩვენ ვსაუბრობდით, როგორ შეიძლება ეს დაინახოს მსოფლიომ. ზურა აქცენტს აკეთებდა იმაზეც, როგორ შეიძლება იმართებოდეს საქართველო", - აღნიშნა მარგველაშვილმა.
საქართველოს პრეზიდენტის თქით, ზურაბ ჟვანია ამბობდა, რომ ნებისმიერი მმართველი უნდა იყურებოდეს იმ წარმატებებისკენ, რომელიც საქართველოს ჰქონია.
"ქვეყნის ძალა მდგომარეობს იმაში, რომ გაიაზრო მრავალფეროვნება და შეძლო მთლიანობის შექმნა. ადამიანი, ვინც ზის თბილისში, უნდა იაზრებდეს, რა ხდება თუშეთში და აჭარის მაღალმთიან სოფელში, რადგან სრულიად სხვა ტრადიციაა, კულტურაა, სხვა მეზობელი ჰყავს. სვანეთსა ან ყაზბეგში გადადგმული ერთი ნაბიჯი შეიძლება სხვაგვარად რეზონირდეს აჭარაში. ამ პროცესში ჩვენ ზურასგან ბევრი რამ ვისწავლეთ. ის იყო ძალიან რეალისტი პოლიტიკოსი. ჩვენ ნათლად დავინახეთ, რომ ევროპელი პარტნიორები გვხედავენ, როგორც გაფართოებული ევროპული ოჯახის წევრს. ეს არის მთლიანობა, ჩვენი საზოგადოების კონსენსუსი, საქართველოს აქვს მკვეთრად გამოხატული პოლიტიკური ნება ამ გზით სვლისთვის. საშიშროებაზე საუბარი გამომდინარეობს იმ გამოცდილებიდან, რაც ვნახეთ. ჩვენ ვსწავლობთ ყველა ნაბიჯს. ჩვენი ევროპელი პარტნიორები ბოლომდე ჩვენს გვერდით დგანან. ერს უნდა ჰქონდეს თავისუფალი ნება, როგორც უნდა და საითაც უნდა, იქით განვითარდეს, იყო საუბარი, რა კულტურული მონაპოვარია ეს ჩვენთვის დ ამ პროცესში ნებისმიერი სხვა მხარის ჩარევა დაუშვებელია. ვარ ოპტიმისტი, რადგან ვხედავ სერიოზულ მხარდაჭერას", - აღნიშნა პრეზიდენტმა.
გიორგი მრაგველაშვილის თქმით, ჩვენ უნდა ვიყოთ უაღრესად გაფაციცებული, რადგან ეს არჩევანი ასტაბილურებს ჩვენს მომავალს და ამ არჩევანს შეიძლება შეეწინააღმდეგონ.
"ეს არჩევანი გაკეთებულია თაობების მიერ და ამ გზაზე ჩვენი სიარული მარტო ჩვენი პოლიტიკური ნება არ არის, ეს არის ვალდებულება, რაც გვაქვს ჩვენი წინაპრების და შთამომავლების მიმართ. ეს არის ისტორიული უსამართლობა, რომ ზურაბ ჟვანია ამ ისტორიულ გზაზე ჩვენთან ერთად არ არის", - განაცხადა მარგველაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
