მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი ყიფშიძე: "მამაჩემს იუბილეზე კულტურის სამინისტრომ ერთი ბოთლი ღვინო გამოუგზავნა"
23:04 / 08-12-2013
მსახიობი გიორგი ყიფშიძე პროექტ "ცეკვავენ ვარსკვლავების" გამორჩეული მონაწილეა, პროექტის პარალელურად გიორგი სერიალ "ჩემი ცოლის დაქალებშიც" თამაშობს, თუმცა ამჯერად მისი მთავარი მიზანი" ცეკვავენ ვარსკვლავებში" გამარჯვებაა.
- ამ პროექტში მონაწილეობას შემოთავაზებისთანავე დავთანხმდი, ვერ წარმომედგინა, ცეკვა ასეთი რთული თუ იქნებოდა, მაგრამ მონდომებული ვარ, ჩემი იდეებით მივდივარ რეპეტიციაზე და მინდა გავიმარჯვო. თუ პროექტი მოვიგე, ოჯახთან ერთად ცალკე გადავალ საცხოვრებლად. ახლა ყველანი ერთად ვცხოვრობთ. გამარჯვების იმედი იმიტომ მაქვს, რომ ყველაზე მაგარი მეწყვილე მყავს, ჯულიანა ბარგნარი არაჩვეულებრივი გოგოა. ის იგებს, ვისაც მეტს უმესიჯებენ, ვისაც ფულიანი მეგობრები ჰყავს, მეც რომ მყავდეს ასეთი მეგობრები, აუცილებლად დამეხმარებოდნენ. ამიტომ საზოგადოების მხრიდან ველოდები მხარდაჭერას. მთელი ოჯახი გვერდში მიდგას, მამამ პირველ ტურზე ისე ინერვიულა, რომ ტიროდა...
- თეატრი, სერიალი, პროექტი - ამ ყველაფერზე დროს როგორ ანაწილებ?
- ხელს მიწყობს გადამღები ჯგუფიც და თეატრიც. ამჯერად სპექტაკლები არა მაქვს, გადამღები ჯგუფი კი პარასკევს მინიშნავს გადაღებას. ისე, ხალხი უარესებს ახერხებს... ოჯახისთვის დრო საერთოდ არ მრჩება, ბავშვი ვეღარ მცნობს, ჩემს სურათებს ეფერება და ტელეფონში მეძახის, მამა, მოდიო... ახლა რეზო გიგინეიშვილი იღებს ფილმს "ჯინსების თაობის" მიხედვით, ცოტა ხნის წინ სინჯებზე ვიყავი და ვნახოთ, რა იქნება. ხშირად მთავაზობენ ამა თუ იმ ფილმის კასტინგში მონაწილეობას, მაგრამ არის სცენარი, სადაც კონკრეტულმა პერსონაჟმა უნდა ითამაშოს, თუ არ ამირჩევენ, ძალით არ "შევეტენები".
- ამ ასაკში მამობა ალბათ სხვანაირად აღიქვი...
- ასაკი მომემატა და, ბუნებრივია, სხვანაირად აღვიქვამ მამობას. ნატაშკა რომ დაიბადა, მაშინ ძალიან პატარა ვიყავი. ნატაშკა ახლა 12 წლის არის და როგორც ჩემს ტოლს, ისე ვექცევი, შენიშვნის მიცემაც კი მიჭირს. ჩემს მეუღლეს, ანის, რაც შემიძლია, ვეხმარები, მაგრამ ცეკვების გამო მხოლოდ იმ დროს მხედავს, როცა მძინავს. თუ მცალია, ალექსანდრეს ვერის ბაღში ვასეირნებ, მოპირდაპირე მხარეს ვცხოვრობთ და მიწისქვეშა გადასასვლელით გადამყავს ბაღში. კიბეზე რთულია მისი ჩაყვანა, რადგან პანდუსები არ არის გაკეთებული. ამ მხრივ ქალაქში ძალიან ცუდი მდგომარეობაა. მარტო ბავშვები ხომ არ არიან, უამრავ უნარშეზღუდულ ადამიანს დამოუკიდებლად სურს გადაადგილება ქალაქში, მაგრამ თბილისში ამის საშუალება არ არის. სირცხვილი არ არის? ერთი პანდუსი ვერ გაგვიკეთებია? მერიაში მეტი რა საქმე აქვთ, ქალაქი უნდა მოაწყონ. მთავრობის მხრიდან ასეთი პრობლემების გადაჭრა ხალხისთვის დიდი შვება იქნება.
- გავიგე, რომ ცოტა ხნის წინ მამაშენი, ზურაბ ყიფშიძე, 60 წლის გახდა და სათანადოდ არც კი მიულოცეს კულტურის სამინისტროდან...
- სხვა ქვეყანაში ეს არ მოხდებოდა - ზურა 60 წლის რომ გახდა, კულტურის სამინისტრომ ერთი ბოთლი წითელი ღვინო გამოუგზავნა... სამწუხაროდ, კულტურის სფეროში არაფერი შეცვლილა. ვის აბარია ეს სფერო, არც კი ვიცი.
- კულტურის სამინისტროს...
- ჰოდა, აზრზე არ ვარ, ვინ მუშაობს იქ და რას აკეთებენ. მგონი, უბრალოდ, სხვადასხვა ქვეყნებში დაფრინავენ, თეატრშიც არავინ მინახავს კულტურის სამინისტროდან.
- ადრე ითქვა, რომ ვერაზე საკუთარი ბიზნესი წამოიწყე, გაამართლა იმ საქმემ?
- მე არაფერი გამიკეთებია, მეგობარმა გახსნა კვების ობიექტი და "ფეხზე დადგომაში" ვეხმარებოდით. ნეტა მართლა მქონდეს საკუთარი ბიზნესი და ყოველდღე იმაზე არ მიწევდეს ფიქრი, სახლში ჩემს შვილს პური აქვს თუ არა. მსახიობებს სამარცხვინო ხელფასი გვაქვს, არადა, ბევრს პირიქით ჰგონია. არტისტები ასე არ უნდა ვიყოთ, ზოგჯერ ისე უფულოდ ვყოფილვარ, რეპეტიციაზე ფეხითაც კი მივსულვარ.
- კულტურის სფეროს ბევრმა მუშაკმა ამის გამო საქართველო დატოვა და საზღვარგარეთ წავიდა სამუშაოდ, შენ არ გიცდია აქედან წასვლა?
- ვის რაში ვჭირდები? წავიდოდი რუსეთში, მაგრამ არ არის შემოთავაზება. გავიგეთ, რომ რუსეთის იმპერია მთელ დედამიწას ებრძვის და რომ ჩვენ ადვილად დასაჩაგრები ვართ, მაგრამ ყველა რუსი ასეთი ხომ არ არის? რატომ არ უნდა ვიცოდე რუსული, რატომ არ უნდა წავიკითხო ჩეხოვი ან დოსტოევსკი რუსულად? ეს არის გოიმური მიდგომა. ვერ ვერევით მტერს და ამიტომ არ ვისწავლოთ რუსული? თუ აგრეა, მტერთან ყველაზე ახლოს უნდა იყო.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
