მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყველას ესმოდა მერაბიშვილის ღრიალი"- გაუჩინარებული ანაკლიის მკვიდრის ისტორია
23:09 / 07-12-2013
"გაუჩინარებამდე ჩემმა ძმამ დაწერა წერილი: გადავდივარ აფხაზეთში ჟენიასთან შესახვედრად. თავდაპირველად ვერ მივხვდით, რომ ჟენია ევგენი ბორისოვი იყო"
ანაკლიის მკვიდრი, 43 წლის გოგიტა აბულაძე, 2012 წლის 18 იანვარს გაუჩინარდა. იგი სახლიდან სამსახურში, სასტუმრო "ანაკლიაში" წავიდა და მას შემდეგ არავის უნახავს. წინა ხელისუფლება ოჯახს არწმუნებდა, რომ გოგიტა აბულაძე რუსეთის აგენტი იყო, შემჩნეული ჰყავდათ ტერაქტების მოწყობის მცდელობაში და აფხაზეთში გაქცევით უშველა თავს. გოგიტას და ნანა აბულაძე სიმართლის გარკვევის მოლოდინშია და გამოძიებისგან ელის პასუხს კითხვაზე - ვინ და რატომ გააქრო მისი ძმა?
- ჩემი ძმა გოგიტა 2012 წლის 18 იანვარს გაუჩინარდა. ცხოვრობდა ანაკლიაში და მუშაობდა სასტუმრო "ანაკლიაში" ინჟინერ-ტექნიკოსად. როგორც შემდგომში შევიტყვეთ, გოგიტა მეზობელს დაუნახავს ვერცხლისფერ ჯიპში, სანომრე ნიშნებით - OHO - 923. როგორც გავარკვიეთ, ეს იყო სამეგრელოს რეგიონში კონტრდაზვერვის დეპარტამენტის უფროს მალხაზ პაჭკორიას მანქანა. სასტუმროს უკანა მხრიდან შესასვლელი აქვს და ვიდეოკამერამ დააფიქსირა გოგიტა და მისი თანმხლები სამი პირი. მათ შორის ერთ-ერთი პაჭკორია იყო. ეს ჩანაწერი შემდეგ გაქრა. მალხაზ პაჭკორიამ ძიებისას თქვა, მე ჩამოვსვი სასტუმროსთანო, მაგრამ, ფაქტია, ისინი ერთად შევიდნენ შენობაში. სს საქმე აღიძრა გაუჩინარებასთან დაკავშირებით, მაგრამ წინ რომ არ წავიდა, ჩვენით ვიძიებდით.
- გამოძიებას რა უთხრა პაჭკორიამ, რატომ მიიყვანა თქვენი ძმა სასტუმროში თავისი მანქანით?
- ჩემი მეუღლე და პაჭკორია ერთხანს ერთად მუშაობდნენ. იგი ამბობდა, გოგიტას არ ვიცნობდიო. როგორც აღმოჩნდა, პაჭკორია ჩართული კი არა, უშუალოდ იყო დაინტერესებული ჩემი ძმის გაქრობით. გაუჩინარებამდე ჩემმა ძმამ დაწერა წერილი, რომელიც ძველ ნივთებში ჩაუდია და რამდენიმე თვის შემდეგ ვიპოვეთ. მასში ეწერა: გადავდივარ აფხაზეთში ჟენიასთან შესახვედრად და ამის შესახებ იცის მალხაზ პაჭკორიამ. თავდაპირველად ვერ მივხვდით, რომ ჟენია ევგენი ბორისოვი იყო, პრეზიდენტის რეზიდენციაში გვითხრეს, რატომ არ გეშინიათ, ამას რომ ამბობთ, ეს ევგენი ბორისოვიაო. როგორც ჩანს, გოგიტამ იცოდა, რაშიც იყო გარეული და რას დააბრალებდნენ. გაუჩინარებამდე ერთი წლით ადრე ჩემი ძმა ძალიან შეიცვალა, ალბათ რაღაცას ელოდა, რაღაც იცოდა. ამ წერილის წართმევის მცდელობისას ვინ იცის, რამდენჯერ გავილახეთ, ვის არ გვიგზავნიდნენ, წერილი გადმოგვეცით, ის გამოძიებაში უნდა ინახებოდესო. თეა წულუკიანთან შეხვედრის შემდეგ წერილს ჩაუტარდა ექსპერტიზა, მანამდე ყრიდნენ ჭორებს, რომ ის ჩვენი დაწერილი იყო.
- რაში იყო გარეული გოგიტა, რა ვერსიები გაქვთ?
- ბორისოვს მარტო ჩემი ძმა კი არა, მთელი სოფელი იცნობდა. მოგეხსენებათ, სამშვიდობოების ბაზა იყო ანაკლიაში და 2008 წლამდე და ტერაქტებამდე მას ყველასთან ნორმალური ურთიერთობა ჰქონდა. მხოლოდ გაუჩინარების მერე გავიგეთ, რომ 2006 წელს გოგიტა უშიშროებაში დაუბარებიათ, კონტრდაზვერვის დეპარტამენტის უფროსმა (რომელიც დღესაც მუშაობს) გია კანკიამ პირად საუბარში თქვა, რომ უშუალოდ მან შექმნა გოგიტაზე კომპრომატები. წარმოდგენა არ მაქვს, რას გულისხმობდა. გოგიტას ჯაშუშობაც დააბრალეს, სასტუმროში ყუმბარის დადებაც. 2012 წლის 19 იანვარს სოფელ დარჩელში, პოლიციის შენობაში ბომბი ნახეს და ესეც გოგიტას დააბრალეს. როგორც დავადგინეთ, გამოჩნდა ამის გამკეთებელი კაცი, ვინმე აფაქიძე, იგი პოლიციასთან იყო შეკრული. ჩემი ძმის გაუჩინარებიდან ერთ კვირაში იყო ასეთი შემთხვევა, თითქოს აფხაზების 15-20-კაციანი ჯგუფი განმუხურში, საზღვარზე თავს დაესხა ქართველების საგუშაგოს და მათ თურმე გოგიტა უძღოდა წინ. ორთვე-ნახევრის განმავლობაში გვაჯერებდნენ, რომ ჩემი ძმა რუსების აგენტი იყო და აფხაზეთში გაიქცა. 2006 წლიდან ამდენი თუ იცოდნენ მასზე, მაშინ რატომ დააწყებინეს იმ სასტუმროში მუშაობა, სადაც სააკაშვილი კვირაში 3-4-ჯერ დადიოდა? საეჭვო და არასაიმედო პირს არ მისცემდნენ იქ მუშაობის საშუალებას. გოგიტა, რომ იტყვიან, რენტგენზე გაატარეს და ისე მიიღეს. მით უმეტეს, რომ ის სასტუმრო ვანო მერაბიშვილის უწყების სასტუმრო და მათი ბუდე იყო. 19 იანვარს, ანუ გაუჩინარებიდან მეორე დღეს, სასტუმროში ვანო მერაბიშვილი და მისი ხალხი მოვიდა ჯიპებით, ერთ ოთახში შეიკრიბნენ და ყველას ესმოდა ვანოს ღრიალი: რატომ დაკარგეთ ასეთი კაცი? ჩემს ძმას გულისხმობდა. გოგიტა მათთვის საჭირო ადამიანი იყო, რომელსაც ყველაფერს დააბრალებდნენ. 18 იანვრის 12 საათიდან იკარგება მისი კვალი, გოგიტა სასტუმროდან გამოსული არავის უნახავს. გაქცეული რომ იყოს, ხმას მაინც მოგვაწვდენდა. ვაპირებთ საჩივარი შევიტანოთ ვანო მერაბიშვილის წინააღმდეგ.
- აფხაზეთში თუ გიცდიათ მისი მოძებნა?
- როდესაც გვიმტკიცებდნენ, გოგიტა აფხაზეთშია, რუსებთანაა, იმათ მოკლეს, ღორებმა შეჭამესო, ჩვენც დავიწყეთ ძებნა. ჩვენ დევნილები ვართ აფხაზეთიდან და იქ დიდი ნაცნობობა გვყავს. ყველა იმას გვეუბნება, ასეთი აქ არავინაა, სადმე გამომწყვდეული თუ ჰყავთ, არ ვიცითო. ისეთი განცდა გვაქვს, რომ გოგიტა აღარ არის ცოცხალი.
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
