მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევროპა უკრაინას იხმობს - ევრომაიდნის მხარდასაჭერი აქციები მსოფლიოში (+LIVE)
06:15 / 07-12-2013
უკრაინაში ვნებათაღელვა არ წყდება. ხალხი ევროინტეგრაციის მოთხოვნით ქუჩაშია გამოსული. ევრომაიდანზე შეკრებილები ხელისუფლების გადაწყვეტილებას - ხელი არ მოაწეროს ევროკავშირთან ასოცირების ხელშეკრულებას, აპროტესტებენ და მთავრობის გადადგომას ითხოვენ. მომიტინგეებს ევროპულ ოჯახში ყოფნა სურთ. ევროპას კი უკრაინის დაკარგვა არ უნდა.
ევროკავშირი უკრაინის ამ ნაბიჯით "იმედგაცრუებულია" და ცდილობს ოფიციალურ კიევს გადაწყვეტილება შეაცვლევინოს, თუმცა უკრაინა რუსეთის მხრიდან ზეწოლას ვერ უძლებს. ამის შესახებ თავად იანუკოვიჩმაც განაცხადა. ვილნიუსის სამიტზე, არაოფიციალური მიღების დროს გერმანიის კანცლერ ანგელა მერკელთან პირისპირ დარჩენილმა იანუკოვიჩმა აღიარა, რომ "სამნახევარი წელიწადია, რაც მარტოა არათანაბარ პირობებში უძლიერეს რუსეთთან".
მსოფლიო უკრაინელ ხალხს სოლიდარობას უცხადებს და ამას სხვადასხვა ფორმით გამოხატავს. მაგალითად ვარშავაში ყველაზე მაღალი შენობა უკრაინის დროშის ფერებში გაანათეს, მიუნჰენის აეროპორტში უკრაინის მოქალაქეებს ევროკავშირის მოქალაქეებისთვის განკუთვნილ სპეციალურ გასასვლელში ატარებდნენ; პოლონეთის ქალაქ კიელცეში ყვითელ-ლურჯ ფერებში მოირთო ცენტრალური ქუჩა და ქალაქის მთავარი მოედანი, ხოლო ვროცლავში იგივე ფერებში სტადიონი გაანათეს. ევრომაიდნის მხარდასაჭერად განათდა აშშ-სა და კანადას შორის დამაკავშირებელი ხიდიც.
თუმცა, აღნიშნული აქციების პარალელურად, ოფიციალური კიევი გადაწყვეტილების შეცვლას არ აპირებს. უფრო მეტიც, გუშინ იანუკოვიჩი რუსეთის პრეზიდენტს ვლადიმერ პუტინს სოჭში შეხვდა, დღეს კი ცნობილი გახდა, რომ იანუკოვიჩი საბაჟო კავშირში გაწევრიანებას დათანხმდა. ამის შესახებ ინფორმაცია ჟურნალ The Economist-ის უფროსმა რედაქტორმა, ედვარდ ლუკასმა "ტვიტერის" პირად გვერდზე გაავრცელა. ლუკასისვე ინფორმაციით, მხარეებმა სტრატეგიულ შეთანხმებას მიაღწიეს, რომლის მიხედვითაც, რუსეთი უკრაინას 15 მილიარდ დოლარს გამოუყოფს, ხოლო გაზის შესყიდვის ფასი, 500 აშშ დოლარის ნაცვლად, 200 აშშ დოლარი იქნება.
ჯერჯერობით, ოფიციალური მოსკოვი აღნიშნულ ინფორმაციას არ ადასტურებს და აცხადებს, რომ გუშინდელ შეხვედრაზე უკრაინის საბაჟო კავშირში გაწევრიანების საკითხი არ განხილულა.
ევრომაიდანზე კი უკრაინელი ხალხი საოცარ ერთსულოვნებას ავლენს. ისინი დანებებას არ აპირებენ და ერთმანეთის გასამხნევებლად არც საჭმელს, არც ფულად დახმარებას და თქვენ წარმოიდგინეთ, არც WiFi-ს პაროლებს "იშურებენ".
ხატია ლუტიძე, AMBEBI.GE
AMBEBI.GE გთავაზობთ პირდაპირ ტრანსლაციას ევრომაიდნიდან
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიკა მელია სასამართლო სხდომაზე გამოცხადებას და გირაოს გადახდას არ აპირებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
