25
მაისიდღის ზოგადი ასტროლოგიური პროგნოზი
ყოფილმა პრემიერმა ვანო მერაბიშვილმა ხელისუფლებას თბილისიდან ქუთაისამდე მისი ტრანსპორტირებისათვის გაღებული ხარჯები დაუთვალა. როგორც მერაბიშვილმა დღეს, ქუთაისის საქალაქო სასამართლოში მიმდინარე პროცესზე განაცხადა, ქუთაისის სასამართლოში დასასწრებად მისი ერთი ჩამოსვლა 5 000 ლარი ჯდება.
"საკმაოდ დაფასებული ექსკორტით მოვდივარ და საბადრაგო მანქანის გარდა, 4 "პიკაპი" მომყვება. მხოლოდ ჩემი ჩამოსვლა 5 000 ლარი უჯდება სახელმწიფოს და ამაში არ შედის პროკურორების მივლინებისა და მოწმეების ტრანსპორტირების ხარჯები. 5 000 ლარი ეს არის 60-70 პენსიონერის პენსია და 100-ზე მეტი სოციალურად დაუცველ პირზე დახმარების ხარჯები. ამ ფულით ბევრი კეთილი საქმის გაკეთება შეიძლებოდა", - განაცხადა მერაბიშვილმა პროცესზე.
ყოფილი პრემიერის თქმით, ხელისუფლებას ერთადერთი ოცნება აქვს, რაც ქვეყანაში რეალური ოპოზიციის გაქრობას უკავშირდება, თუმცა მისი თქმით, მმართველ გუნდს ეს ოცნება არ აუხდება.
ვანო მერაბიშვილმა სასამართლოში თავისი გამოსვლის დასასრულს, ხელისუფლებას რეალური აღმშენებლობის დაწყებისაკენ, ხოლო პროკურორებს ქვეყნის მწირი ბიუჯეტის გაფრთხილებისა და ისეთი მოწმეების მოყვანისაკენ მოუწოდა, რომლებიც მისი და ზურაბ ჭიაბერაშვილის ბრალეულობას დაადასტურებენ.
წყარო: topnews.com.ge
topnews.com.ge
