მამა ელიზბარი: საქართველოში "დიდი სომხეთის" გეგმის განხორციელება იწყება

ვისი დავალებით ჩატარდა "დეზინფექციის პროტესტი" საპატრიარქოსთან? რა გეგმას ახორციელებენ ერთობლივად "რესპუბლიკელები" და "ნაციონალები"? რა საფრთხეს უქმნის ჩვენს რელიგიას და ქართულ ტრადიციებს ევროპასთან დაახლოება?

"ალიას" ესაუბრება წმინდა სამების სახელობის ტაძრის დიაკონი, მამა ელიზბარ დიაკონიძე:

- თვითმმართველობის კანონპროექტი არის ძალიან სერიოზული სკანდალი ჩემი ქვეყნისთვის. საერთოდ, მილიონჯერ ითქვა და მე, პირადად, ყბა მომძვრა, რომ იტყვიან, იმის ქადაგებით, რომ "რესპუბლიკურ პარტიას" დაარსებიდან დღევანდლამდე არაფერი გაუკეთებია საქართველოს სასარგებლოდ. "რესპუბლიკური პარტიის" ბრალია, რომ დღესაც კოჰაბიტაციაში ვართ სატანის მიმდევრებთან, იგივე "ნაციონალურ" ხროვასთან, ამას ხაზს ვუსვამ თეა თუთბერიძისა და ანი ნადარეიშვილის გასაგონრად, რომლის ქმარსაც ახლა გამოიყვანენ და ალბათ, აასრულებს თავის მუქარას. დღეს (ჩაწერილია 4 დეკემბერს. - თ.ო.), მოგეხსენებათ, სააპელაციომ გაამართლა ახალაია და რატომ არ გაამართლებდა იმ ფონზე, რაც ქვეყანაში ხდება? იანვარში დავით უსუფაშვილთან რომ ვიყავით შეხვედრაზე "ერთსულოვნება", პრეზიდენტის გაგდება რომ გვინდოდა, იქ უსუფაშვილმა თქვა ასეთი რამ: "ნაციონალებს" ახლა ვამარცხებთო და გველი რომ ბოლოს კუდს მოიქნევს, ისე არ გამოგვივიდესო. ჩემი აზრით, ამ დროს მტერი უნდა მოახრჩო ბოლომდე, და რა გამოვიდა? ჯერ ერთი წლით გაუხანგრძლივეს დრო პრეზიდენტს და ახლა ერთი წლით უხანგრძლივებენ "ნაცებს" მუნიციპალიტეტს? თუ გინდათ მათთან თანაცხოვრება, გადაჰყოლიხართ გიგი უგულავას ჯოჯოხეთში," მე არ მინდა. თუ ასე გაგრძელდა, მივიღებთ ორჯერ უარეს უკრაინასა და სერბეთს. კი არ გაშინებთ, არამედ უნდა მოვემზადოთ ამისთვის.

მოდით, ახლა განვიხილოთ ეკლესიის როლი ამ სიტუაციაში. გავიხსენოთ მისი უწმინდესობის გამოთქმული ნებისმიერი პროტესტი ხელისუფლებისგან გადადგმული რომელიმე ნაბიჯის მიმართ. ეკლესიამ განაცხადა, რომ მართლმადიდებლობასთან არ გაიგივებულიყო სხვა რელიგიები, გაიგო ვინმემ? ახალი ხელისუფლების ხელში, "ხუდონჰესთან" დაკავშირებით მთავრობა აცხადებდა, პატრიარქიც კი შეგვიწუხეს თხოვნითო. რას ნიშნავდა ეს სიტყვა? რას და ილაქლაქე, რამდენიც გინდა, ჩვენ ჩვენსას გავაკეთებთ, აი, ამას ნიშნავს. იმ კაცს დავემსგავსეთ, მაგიდის ქვეშ რომ იმალება გალახვის შიშით და აქედან გამომიშვი, თორემ გაგლახავთო, რომ ყვირის. და რატომ გვჯერა, რომ მისი უწმინდესობის ნათქვამს ამჟამად ვინმე ყურად იღებს?

- რატომ გგონიათ ასე, ეგება სხვანაირად შეტრიალდეს სიტუაცია?

- ახლა გეტყვით, რატომ ვარ ამაში დაეჭვებული. სააკაშვილი ევროკაშვირის ასამბლეას ვიცე-სპიკერი რომ იყო, თუ გახსოვთ, რას მოაწერა ხელი? მაშინ არ იყო გადაწყვეტილი რელიგიათა გათანაბრება? იქ სხვა რამეებიც იყო ჩამოთვლილი პუნქტ-პუნქტად: იქ იყო რეგიონალური ენების შესახებ კანონი, რომელსაც მანამდე სჭირდებოდა საქართველოს ავტონომიებად დაშლა. არსებული კანონმდებლობით, ამას ვერ შეძლებენ და აი, ეს ახალი კანონპროექტი კი ამისთვის ამზადებს სიტუაციას. ახლა უნდა შესრულდეს ის ვალდებულებები, რაც თავის დროზე აიღეს ამათ და (ხმას უწევს, აღელვებული) იქ დიდი ფულია დახარჯული ჩვენი მტრებისგან და ჩვენი მტერი მეზობლებისგან! არ მეშინია ამ სიტყვების ხმამაღლა თქმა. მე არც ქსენოფილი ვარ და არც არმენოფობი, "დიდი სომხეთის" გეგმა უნდა განხორციელდეს "რესპუბლიკელებისა" და "ნაციონალების" კოჰაბიტაციის ხელშეწყობით. ამას ვაცხადებ ხმამაღლა და პასუხს ვაგებ სასამართლოს წინაშე, მაგრამ ამათი დამპალი სასამართლოს წინაშე კი არა, ახალაიას გარეთ რომ გამომიშვებს! როგორ შეიძლება მთელი ქვეყნის მუნიციპალიტეტებად დაყოფა? მაგრამ ეკლესიას რატომ დაუჯერებს დღევანდელი ხელისუფლება თამამად შემოუბრუნდება ეს ხელისუფლება იგივე ეკლესიას და ეტყვის: კაცო, შენგან არ ვისწავლეთ ეს? და შენ არ იყავი, რაიონების მიხედვით რომ დაჰყავი ეპარქიები და რაიკომის მდივანი და ეპისკოპოსი ერთ რანგში რომ გაიყვანე? გეტყვიან და მართალი არ იქნებიან? რადგანაც ახლახან სინოდზე კიდევ დაიმატეს ეპარქიები.

- ამ დანაწევრებას კიდევ ახალი დანაწევრება უნდოდა?

- გაბრაზდა მავანი, მე თუ ვარ ახალციხის მიტროპოლიტი და ტაო-კლარჯეთი კი მქვია, მაგრამ ეგ "ტაო" კიდევ გაღმაა თურქეთში და რუის-ურბნისის მიტროპოლიტს რატომ უნდა ჰქონდეს სამი უზარმაზარი ტერიტორიაო, ჩემზე "ზდაროვი" რომ არის და ჩემზე კარგი ტანი რომ აქვსო? ადგნენ და ამასაც გაუყვეს ეპარქია, ვერ უვლიო. არადა, თუ ვინმე ვერ უვლის ეპარქიებს, ესაა კომპაქტურად არაქართული მოსახლეობით დასახლებული ეპარქიები, გარდა ბოლნისის ეპარქიისა, სადაც მეუფე ეფრემი მშვენივრად უძღვება საქმეს. ეკლესიას ვეტყვი ასეთ რამეს, არ უნდა მოსთხოვო სხვას ის, რასაც თავად აკეთებ. ქვეყანა დავანაწევრეთ ეპარქიებად, დავყავით სამთავროებად და ახლა ვამბობთ, მუნიციპალიტეტები არ დაანაწევროთ-თქო? რა ამბავია 45 ეპარქია საქართველოში?

- აქცია ჩაატარეს საპატრიარქოსთან... დეზინფექცია მართლა გასაკეთებელია?

- ოღონდ არა მაზმანიანისა და მის ხროვის მიერ (ნელ-ნელა უწევს ხმას)! ყოფილ სტიქაროსნებს, გიგი უგულავასა და სუბელიანს მინდა ვკითხო, ეს დამიწერეთ აუცილებლად, ეგება ეს ნაწერი სახეში მიათხლიშოს ვინმემ მაგათ (ყვირის): ამ მაზმანიანს რომ აყაყანებთ ეკლესიასთან, აღარაფერი სიწმინდე არ დარჩა თქვენში, თქვე მათხოვრებო? მაზმანიანის გასაწმენდია ეკლესია? მაგან უნდა მიასხას დეზადორი და ქლორი პატრიარქს ფეხებში? ქათამმა? მარა, ეტყობა, ბატები ვართ და ის ქათამი ვაჟკაცობს იქაც. ჩვენ რომ სწორება ამერიკასა და ევროპაზე გვაქვს, ესაა დაღუპვა ჩვენი ქვეყნის. გაიხსენეთ, ევროპა ვის ერქვა?

- ზევსის ცოლს, რომელიც მელაზე იყო ამხედრებული, ასე მახსოვს.

- სწორად გახსოვთ. მელა ცბიერებაა, ხმელთაშუა ზღვა არ ჰგავს მელას კონტურით? ევროპა არის მეორე ბაბილონი და მალე...

- ჩვენც იქა ვართ?

- (პირჯვარს იწერს) ღმერთო, დამიფარე. ამიტომ მე არ ვარ ევროპელი. მთელი საქართველო რომ შუა ევროპაში იყოს მოქცეული ლუქსემბურგის ადგილას, მე, პირადად, არ მინდა ასეთი ევროპელობა. ვისაც გნებავთ, მიბრძანდით, ღმერთმა ხელი მოგიმართოთ. მაგრამ ასეთ სიტუაციაში ღმერთი ხელს არავის უმართავს. რა გინდათ, იმ ხალხთან, რომლებიც სახლში "ელგებეტეს" გიმრავლებს? გინდა მარგველაშვილს, გინდა ბაქრაძეს, იგივე უგულავას, გინდა მე, ჩემს თავსაც ვეკითხები, სახლში შვილები რომ გვყავს, გვინდა ეს? მაშინ ჯერ ჩვენს ოჯახებში მივიყვანოთ სიძეებად და რძლებად ეს ხალხი, მერე მოვუწოდოთ სხვას, თუ კაია, ჯერ ესენი დავაბათ სახლში და მერე დავიჯერებ, რომ კაია. შენი პირადი მაგალითით არ უნდა ვიხელმძღვანელო მეც? ისე, მალე ასეც იზამენ, სულ უახლოეს პერიოდში. ბესო რომ კესოდ გადაკეთდა, იმის სიტყვები გახსოვთ? კადრები ამოიღეთ და ნახეთ.

- მე მაგ არსებას არ ვუსმენ და რას ამბობს?

- ჟურნალისტი შეეკითხა, შვილს რას ეტყვი, გაჩენას რომ დაუპირებ: კაცი ვიყავი და ქალად გადავკეთდიო? და იმან უპასუხა, ჩემი შვილი რომ გაჩნდება, და ექვსი წლის რომ იქნებაო, "ელგებეტეს" ხალხი საქართველოში უმცირესობაში აღარ იქნება და ეგება, თქვენ აღმოჩნდეთ უმცირესობაში, ჰეტეროსექსუალებიო. ქართველებს კარგი არაკი გვაქვს, კაცს რომ ცხენი მოჰპარეს და მეფე რომ ეკითხება, რამ დაგაძინაო, ის პასუხობს, მე მეგონა, შენ იყავი ფხიზლადო. ამას ორი მორალი აქვს - სულ სხვის იმედად როგორ უნდა ვიყოთ? სულ სხვას როგორ უნდა მივჩერებოდეთ: შევარდნაძეს, სააკაშვილს, ახლა ბიძინას, ახლა იმას, ახლა ამას... შენ უნდა იყო ფხიზლად და აფხიზლო ისიც. თორემ შენ რომ წაუძინებ, იმასაც მთქნარება მოერევა. მეორე მომენტი: ჯერ მეფე არ გყავს და ვინც გვყავს, ისინი მთქნარებით სკდებიან. შენ გინდა სატანასთან კოჰაბიტაცია? იყავი! "ტუდა ტებე ი დაროგა!" მაგრამ ერის გამკვირვებია, თუ დავრჩით ერი, თუმცა, ჭაბუასი არ იყოს, ჩვენ ყოფილი ერი ვართ. არჩევნების წინ გახსოვთ, რომ გითხარით, ხმას არ ამოვიღებ-მეთქი? მასეც ვფიქრობდი, მაგრამ მერე დავფიქრდი, ჩემს შვილებს ვის ვუტოვებ? ჩემი ბიჭები რომ გადავარჩინო, სხვები? ხვალ "ელგებეტე" რძალი რომ მომივა სახლში, გვინდა-არ გვინდა (ყვირის)? ევროკავშირის წინ მელაზე ამხედრებული ქალის ძეგლი დგას, ხალხო! ვინც ხართ ნამყოფი და ვინც არა, წადით და ნახეთ. ივანიშვილით მოყოლებული, ყველა გაიძახის, ამას ევროპა არ გვაპატიებსო. ნუ გვაპატიებს! ჩეჩნები გავიხსენოთ: სამჯერ ეომნენ რუსები ჩეჩნებს, ბრძოლა მოიგეს, მაგრამ ომი წააგეს.

- ჩეჩნებიც ამოწყდნენ მერე...

- სალაფავზე მიბმას ეგრე არ სჯობია? და რას ნიშნავს, "სჯობს სიცოცხლესა ნაძრახსა, სიკვდილი სახელოვანი"? ჩვენ რომ ერი ვართ, იმას მკვდარი ჩეჩენი არ სჯობია? გიორგი ანწუხელიძე ყველას ერთად არ გვჯობია, ვინც აქ ვართ? გამოვიდეთ და არ გავატარებინოთ ამ პარტიებს ეს თავისი! ერთი კარგი ტერმინი უნდა დავამკვიდრო, "ნაციონალები" და "რესპუბლიკელები" ხომ არიან? კოჰაბიტაციას დავარქმევდი "ნაცრეს". ჩვენ გამოვედით "ნასრეს"-ი და ნაუბედურალი. არაა ასე?

თამარ ოქრუაშვილი

გაზეთი "ალია"