მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა უნდოდა სააკაშვილს ბრაზილიაში
00:00 / 05-12-2013
როგორც ცნობილია, მიხეილ სააკაშვილმა ახალი პრეზიდენტის ინაუგურაციამდე რამდენიმე დღით ადრე დატოვა ქვეყანა, სად არის ექსპრეზიდენტი და რა გეგმები აქვს? - ამ თემაზე მუდმივად გაისმის ვარაუდები, ვცადეთ, ამ კითხვებზე პასუხი ბატონი გიგი წერეთლისგან მიგვეღო:
- ვიცი, რომ ამერიკაში იყო, სადაც კონსულტაციები გამართა როგორც კონგრესის წარმომადგენელთა პალატის, ასევე სენატის პოლიტიკურ ლიდერებთან. შემდეგ შეხვედრები ჰქონდა ევროპაშიც, როგორც ვიცი, ის მუშაობს საპრეზიდენტო ბიბლიოთეკისა და იმ საგანმანათლებლო პროექტების განხორციელებაზე, რომლის თაობაზეც თვითონვე განაცხადა. ახლა სად არის, არ ვიცი. ითქვა, თითქოს უკრაინაში ჩავიდა, მაგრამ ეს არ დადასტურდა.
- თქვენ სანდრა რულოვსთან ერთად გამოჩნდით ერთ-ერთ ღონისძიებაზე, ის ახლახან დაბრუნდა საქართველოში. მისი და მეუღლის გეგმების შესახებ არაფერი გიკითხავთ?
- დიახ, ქალბატონი სანდრა შიდსთან, ტუბერკულოზთან და მალარიასთან მებრძოლი საკოორდინაციო მექანიზმის ხელმძღვნელია და დიდი წვლილი აქვს ამ საქმეში შეტანილი. ნამდვილად ვისაუბრეთ მის სამომავლო გეგმებზე, რომელიც საქართველოს უკავშირდება. ის აგრძელებს მუშაობას იმ სფეროებში, რომელშიც აქამდეც მუშაობდა, ეს არის ჯანდაცვა, ათასწლეულის მიზნები, ქველმოქმედება, კულტურული ურთიერთობები. უმცროს შვილთან, ნიკოლოზთან ერთად ჩამოვიდა, უფროსი ვაჟი უცხოეთში სწავლობს. ვიცი, რომ მას საქმესთან დაკავშირებით ბევრი მოგზაურობა მოუწევს, ის ერთხანს საქართველოში აპირებს დარჩენას და აქტიურობას იმ მიმართულებებით, რაც უკვე ჩამოვთვალე.
- მიხეილ სააკაშვილის დაბრუნების თაობაზე არ გისაუბრიათ?
- მიხეილ სააკაშვილს როცა მოუნდება, მაშინ დაბრუნდება. მარგველაშვილმა ხომ განაცხადა, ის არის თავისუფალი ქვეყნის თავისუფალი მოქალაქე და როცა უნდა მაშინ დაბრუნდებაო, არავითარი საქმე მის წინააღმდეგ არ არსებობს. ისე, ამ ხალხისაც გამკვირვებია, აქ იყო - რატომ არ მიდისო, წავიდა და, რატომ წავიდაო. 46 წლის ადამიანი, რომელიც ცხრა წელი პრეზიდენტი იყო და უზარმაზარი გამოცდილება დააგროვა, რომელიც ფართო მასშტაბის პოლიტიკოსია, საეჭვოა, საერთოდ შეეშვას პოლიტიკას. მას ამგვარი არაფერი უთქვამს, ის აუცილებლად გააქტიურდება პოლიტიკურად, როცა ამას მოისურვებს. ის არის ჩვენი პარტიის თავმჯდომარე, რაც ნიშნავს, რომ მიხეილ სააკაშვილი სულაც არ ჩამოშორებია პოლიტიკურ პროცესს, უბრალოდ, ისვენებს. როგორც ვიცი, არაერთი საერთაშორისო კვლევითი ცენტრისა და უნივერსიტეტისგან აქვს შემოთავაზება, სავარაუდოდ, ამ შემოთავაზებებზე ფიქრობს და გადაწყვეტილებას ყველას გვამცნობს.
მიხეილ სააკაშვილის "ფეისბუქის" ოფიციალურ გვერდზე მისი ბოლო აქტიურობა უკრაინაში მიმდინარე მოვლენებს შეეხება - უკრაინის მხარდასაჭერად გამოფენილია ბანერი უკრაინული წარწერით, ასევე გამოქვეყნებულია ვიდეოჩანაწერი, რომელშიც უკრაინელი მომღერალი რუსლანა მღერის. არაოფიციალური ინფორმაციით, ამერიკაში ვიზიტის შემდეგ ის სამხრეთ ამერიკას, კერძოდ, ბრაზილიას სტუმრობდა. ძნელი წარმოსადგენია, სააკაშვილი ბრაზილიაშიც კონსულტაციებისთვის ყოფილიყო. სამაგიეროდ, იქაურ პლაჟებზე შეეძლო დაესვენა "დიდი პოლიტიკისგან".
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
