29
მაისიდღის ზოგადი ასტროლოგიური პროგნოზი
ბოლო განახლება:
- ძლიერმა ქარმა ცოტნე დადიანის ქუჩაზე ნაძვი მოგლიჯა- თბილისში 15 ათასამდე აბონენტი გაზის გარეშე დარჩა
- ბათუმში ქარმა სამი ხე მოგლიჯა
- დიდთოვლობის გამო რიკოთის უღელტეხილზე მოძრაობა შეფერხებულია როგორც სინოპტიკოსები ვარაუდობდნენ, დღეს საქართველოს უმეტეს რაიონში ამინდი გაუარესდა.
დღეს დილიდან შტორმია შავი ზღვის სანაპირო ზოლზე(+11 ფოტო). ძლიერი ღელვა აჭარაში, ანაკლიასა და განმუხურში ფიქსირდება და 5 ბალს აღწევს.
ამინდის გაუარესებამ დედაქალაქშიც შექმნა პრობლემები. თბილისში, სანაპიროზე მდებარე იუსტიციის სახლს ძლიერმა ქარმა სახურავი გადახადა. ბოლო მონაცემებით იუსტიციის სახლში ამ დროისათვის მუშაობა პარალიზებულია.
დედაქალაქში ევაკუირებულია ასევე, #46 საბავშვო ბაღი, სადაც ძლიერი ქარის შედეგად ხე წაიქცა, რომელიც გაზის მილს დაეცა. ადგილზე დიდი რაოდენობით გაზი ამოიფრქვა.
ძლიერი ქარის შედეგად ელექტრომომარაგების გარეშე დარჩა სამეგრელოსა და კახეთის რამდენიმე რაიონი.
ძლიერი ქარის შედეგად, "დიდი ჭყონისა" და "ხაიში-მესტიის" გადამცემები ავარიულად გამოირთო და სამეგრელოში 13 000 აბონენტი ელექტროენერგიის გარეშეა დარჩენილი.
ელექტროენერგია არ მიეწოდება კახეთის 30 სოფელს. რეგიონში ელექტროგადამცემი ხაზები ქარის შედეგად დაზიანდა და ამ დროისთვის, ელექტროენერგია თელავის, ახმეტის, საგარეჯოს, გურჯაანის და დედოფლისწყაროს მუნიციპალიტეტებშია გათიშული.
ძლიერმა ქარმა და წვიმამ, ნახევარ ტონამდე ლოდის კლდიდან ჩამოვარდნა გამოიწვია ქედაში. ლოდი ბათუმი-ახალციხის გზის მონაკვეთის 41-ე კილომეტრზე მიკროავტობუსს დაეცა. მიკროავტობუსში მსხდომი თურქეთის ორი მოქალაქე მრავლობითი მოტეხილობებით სასწრაფო-სამედიცინო ბრიგადამ ბათუმში გადაიყვანა.
დილიდან გადაუღებლად თოვს ახალციხესა და იმერეთის სამ რაიონში. ბაღდათის, საჩხერის და ჭიათურის რაიონის სოფლებში თოვლის საფარი 10-დან 15 სანტიმეტრამდე მერყეობს.
სინოპტიკოსების ვარაუდით, საქართველოში 4 დეკემბრიდან 8 დეკემბრამდე ქვეყნის მთელს ტერიტორიაზე გამოიდარებს, თუმცა რამდენიმე დღით სიცივე შენარჩუნდება.
