ჩვენი პლანეტის ყველაზე უხუცესი ცოცხალი ადამიანები

ამ სიაში ჩვენი პლანეტის ყველაზე უხუცესი ცოცხალი ადამიანები შედიან. ყველა მათგანი 110 წელზე მეტისაა; ამ ადამიანების ასაკი ოფიციალურადაა დადასტურებული გინესის მსოფლიო რეკორდების წიგნსა და გერონტოლოგიის კვლევითი ჯგუფის მიერ:

1. მისაო ოკავა (115 წლის): იაპონელი მისაო ოკავა 1898 წელს დაიბადა. ის იაპონიის ქალაქ ოსაკაში მოხუცთა თავშესაფარში ცხოვრობს. 1919 წელს გათხოვდა და 3 შვილი შეეძინა - მისი ვაჟი და 1 ქალიშვილიც ცოცხლები არიან, პირველი შვილი 90 წლისაა. მისაოს 4 შვილიშვილი და 6 შვილთაშვილი ჰყავს, მეუღლე 1931 წელს დაეღუპა.

2. ჯერალიენ ტელი (114 წლის): ამერიკელი ჯერალიენ ტელი 114 წლისაა. ვიდრე ფეხზე ტკივილი დაეწყებოდა, სამორინეს ხშირი სტუმარი იყო და როგორც ამბობს, აქტიური ცხოვრების რიტმით ცხოვრობდა. ყველაზე მეტად "მაკდონალდსის" საკვები და გემრიელი ყავა უყვარს, თუმცა ალკოჰოლურ სასმელს არ სწყალობს. მას 1 შვილი, 3 შვილიშვილი, 10 შვილთაშვილი და 4 შვილთა შვილის შვილი ჰყავს.

3. სუზანა ჯონსი (114 წლის): 114 წლის ამერიკელი სუზანა ჯონსი ნიუ-იორკში მცხოვრები ყველაზე უხუცესი ცოცხალი ადამიანია. ის 1928 წელს გათხოვდა, მაგრამ ქორწინება უიღბლო აღმოჩნდა; "დღემდე ვერ ვხვდები, რა დაემართა ჩემს ქმარს", - ამბობს ის. სამწუხაროდ, სუზანას შვილები არ ჰყავს. მთელი ცხოვრება ძიძად მუშაობდა და შეძლებული ოჯახის შვილებს ისევე უვლიდა, როგორც საკუთარს. ის უსინათლოა, სმენადაქვეითებული და ინვალიდის ეტლით გადაადგილდება.

4. ბერნის მედიგანი (114 წლის): მსოფლიოში რიგით მეოთხე უხუცესი ცოცხალი ადამიანი ისევ ამერიკელია. 114 წლის ბერნის მედიგანს ყველაზე მეტად წიგნების კითხვა და სატელევიზიო თოქ-შოუების ყურება ხიბლავს. უპირატესობას ხილსა და ბოსტნეულს ანიჭებს და ამბობს, რომ სხვებისგან განსხვავებით, ვიტამინების აბები არასდროს დაულევია.

5. ემა მორანო (114 წლის): იტალიელი ემა მორანო 1899 წელს დაიბადა. 1926 წელს ჯოვანი მარტინეზზე გათხოვდა; საუბედუროდ, ერთადერთი შვილი 6 თვის ასაკში დაეღუპა. ქორწინებაც უიღბლო აღმოჩნდა და ქმარს დაშორდა. 75 წლამდე მზარეულად მუშაობდა, შემდეგ კი პენსიაზე გავიდა. დღემდე დამოუკიდებლად უვლის საკუთარ თავს და ალაგებს სახლს. ყოველ დღე მიირთმევს 3 კვერცხს და ჭიქა კონიაკს, არასდროს გაუსინჯავს ნარკოტიკი და მომავალს ყოველთვის ნათელ ფერებში ხედავდა. ყოველ წელს დაბადების დღეს გრანდიოზული წვეულებით მეგობრებისა და ნათესავების წრეში აღნიშნავს.