მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ერთად გადავარჩინოთ 6 წლის გოგონა - დაბრმავებისგან
06:11 / 01-12-2013
ბავშვობაში წაკითხულმა ნოდარ დუმბაძის ნაწარმოებებმა მთელ ჩემს ცხოვრებაზე იქონია გავლენა. მახსოვს ჩემი ემოციები, როდესაც პირველად წავიკითხე "მე ვხედავ მზეს"; მაშინ 6 წლის მარიამ (მარი) მარკოზიაზე ოდნავ უფროსი ვიყავი. მარიამი ვინ არის? - ის პატარა და საყვარელი გოგონაა, რომელსაც მხედველობის პრობლემის გამო არ შეუძლია, წიგნები იკითხოს... სურვილი აქვს, მომავალში ექიმი გახდეს და ყველა ბავშვს დაეხმაროს, მაგრამ მანამდე, თავად სჭირდება ჩვენი დახმარება!
ლევან მარკოზია (მარიამის მამა):
- მარიამს აქვს მხედველობის ნერვის თანდაყოლილი დისპლაზია, რაც ნიშნავს, რომ თუ დროული ქირურგიული ჩარევა არ მოხდება, ბავშვი საერთოდ დაკარგავს მხედველობას. ოპერაცია 20 ათასი ევრო ჯდება, ჩვენ კი ამ თანხის მოგროვების საშუალება არ გვაქვს. რაც გაგვაჩნდა, უკვე ყველაფერი გავყიდეთ ან დავაგირავეთ, რათა მარისთვის სრულფასოვანი მკურნალობის კურსი ჩაგვეტარებინა.
- მარიამის გარდა, ოჯახში კიდევ ერთი მძიმე ავადმყოფი გყავთ...
- დიახ, ჩემს დას ზურგის ტვინის სიმსივნის უშედეგო ოპერაცია გაუკეთდა. 6 თვეზე მეტია, ხელოვნური სუნთქვის აპარატზეა შეერთებული. გადარჩენის შანსი თითქმის არ არსებობს... ეს ტრაგედია ჩემი შვილის პრობლემებმა გადამავიწყა. მარიამი 3 წლის იყო, როდესაც თვალების ტკივილი დაეწყო. ექიმებმა გვითხრეს, რომ მუდმივი მკურნალობის კურსი იყო საჭირო. ჰოდა, ყველაფერი გავყიდეთ და საცხოვრებლად მარტვილიდან თბილისში გადმოვედით. აქ ნაქირავებ ბინაში ვცხოვრობთ. უკვე ყველა მატერიალური რესურსი ამოვწურეთ და მხოლოდ საზოგადოების დახმარების იმედი დაგვრჩა...
- რა სახის მკურნალობაა საჭირო?
- მარიამს სჭირდება ლაზერული მკურნალობა, რომელიც თურქეთში, კერძოდ კი სტამბოლში მდებარე აჯიბადენის კლინიკაშია შესაძლებელი. ეს არის ჰარვარდის საუნივერსიტეტო კლინიკა. სამწუხაროდ, პროცედურისთვის საჭირო აპარატურა საქართველოში არ არის. თურქეთში უკვე გავგზავნეთ ბავშვის მონაცემები და პასუხი მოგვივიდა, რომ ერთთვიანი სხივური თერაპიის ჩატარების შემდეგ ორივე თვალის ნერვის "გაღვიძებაა" შესაძლებელი, რაც იმას ნიშნავს, რომ მხედველობა მთლიანად აღუდგება.
- ახლა როგორია ბავშვის ჯანმრთელობის მდგომარეობა?
- მარცხენა თვალიდან საერთოდ ვეღარ ხედავს, მარჯვენა თვალში დარჩენილი 0,2%-იანი მხედველობაც კი ყოველდღიურად უქვეითდება და თუ დროული ჩარევა არ მოხერხდა, ვეღარაფერს დაინახავს. ექიმმაც თქვა: თუ სასწრაფოდ არ უმკურნალეთ, დაავადება მხედველობის ნერვის სიმსივნეში გადაიზრდება და ბავშვი დაბრმავდებაო...
- სკოლაში მის ტარებას თუ ახერხებთ?
- სკოლაში სიარულს ყოველდღიურად ვერ ვახერხებთ, მაგრამ ვცდილობთ, გაკვეთილები იშვიათად გავაცდინოთ. წერა-კითხვა და გაკვეთილების მომზადება დამოუკიდებლად არ შეუძლია, მაგრამ ერთხელ რომ წაუკითხავ რამეს, უკვე ზეპირად იცის. მხედველობის პრობლემის გამო ბავშვის სკოლაში შეყვანა საერთოდ არ გვინდოდა, მაგრამ მარიმ ძალიან განიცადა, თანატოლების მსგავსად, სასწავლებელში რომ არ მივიყვანეთ, ამიტომ გადაწყვეტილება შევცვალეთ და ახლა უკვე პირველი კლასის მოსწავლეა. მასწავლებლებიც ხელს გვიწყობენ და ისე ექცევიან, როგორც საკუთარ შვილს. მარის ბავშვებთანაც კარგი ურთიერთობა აქვს. ხშირად, რასაც თავისთვის ყიდულობენ, ჩემი შვილისთვისაც მოაქვთ ხოლმე... კეთილი ადამიანების წყალობით, 3 დეკემბერს, 6 საათზე, თბილისის "არტ-ჰოლში" მარის დასახმარებლად საქველმოქმედო კონცერტი გაიმართება. ბილეთების გაყიდვა უკვე დაწყებულია. ჩვენ მხოლოდ საზოგადოების იმედიღა დაგვრჩა. გვჯერა, რომ დაგვეხმარებიან და ჩვენი ერთადერთი შვილი დაბრმავებას გადაურჩება...
მარიამის დასახმარებლად TBC ბანკში ანგარიშია გახსნილი:
GE52TB7067545063600045
მიმღები: მედეა თოლორდავა (მარიამის დედა). მაგთის, ჯეოსელისა და ბილაინის აბონენტებს კი შეგიძლიათ, დარეკოთ ნომერზე: 0.901.200.250 (ზარის ღირებულება 1 ლარი გახლავთ). მე მჯერა, რომ ერთობლივი ძალებით ჩვენ შევძლებთ, ბავშვი დაბრმავებისგან ვიხსნათ!
დაბოლოს, ნოდარ დუმბაძეს დავესესხები და გეტყვით: "... ჩვენ დავესწრებით ბაჯაღლო მზის ამოსვლას და მაშინ ხატია იტყვის ხმამაღლა: ეს მე ვარ, ხატია, მე გხედავთ თქვენ..."
თიკო მაღედანი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
