მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი ბიზნესვუმენი, ვისთანაც პრეზიდენტები ექიმთან ერთად დადიან
00:34 / 01-12-2013
ფუფა გოგლიძე წარმატებული და ცნობილი ბიზნესვუმენია. დროის უმეტეს ნაწილს სამსახურში ატარებს. ამის მიუხედავად, მუდამ ახერხებს, დრო საქმესა და ოჯახზე თანაბრად გადაანაწილოს.
- ბავშვობაში იურისტობა მინდოდა, ჩავაბარე კიდეც ვენის უნივერსიტეტში იურიდიულ ფაკულტეტზე. შემდეგ გავთხოვდი და საცხოვრებლად თბილისში გადმოვედი, ერთხანს მოსკოვშიც ვცხოვრობდი. ხშირად ვსტუმრობდი რესტორნებს, პრეტენზიული კლიენტი ვიყავი და სწორედ მაშინ დავინტერესდი სარესტორნო ბიზნესით. მანამდე არასდროს მიფიქრია, საკუთარი თავი ამ სფეროში გამომეცადა, ასე ნელ-ნელა შემოვიდა ჩემს ცხოვრებაში ბიზნესი. თავდაპირველად საბორტო კვების ბიზნესში ვიყავი, ჩემმა ახლობლებმა ავიაკომპანიის გახსნა გადაწყვიტეს, კეტერინგში (ბორტის მომსახურება) დავიწყე მუშაობა. ეს ძალიან სპეციფიკური სფეროა, მოსკოვში გავიარე მასტერკლასი. თვითმფრინავში საკვები სპეციალურად დახუფული უნდა შევიდეს, დანა ბლაგვი უნდა იყოს და ა.შ. სამწუხაროდ, ის ავიაკომპანია აღარ გაიხსნა და სხვაგან დავიწყე მუშაობა. ეს მოხდა რვა წლის წინ. შემდეგ კაზინოს სფეროში გადავინაცვლე, მას თავისებური მართვა სჭირდება. მერე მოხდა ისე, რომ ბათუმში წავედი, სადაც "რედისონის" შენობაში არსებული კაზინო, ბარი და კლუბი ჩამაბარეს. 6 თვე ვიყავი იმ ბიზნესში, შემდეგ კი "მსლაბში" მომიწვიეს. თავიდან პრომოუტერი ვიყავი, ახლა კი მმართველი მენეჯერი ვარ და ძალიან მომწონს ეს სფერო.
-რა სირთულეები ახლავს სარესტორნო ბიზნესის აწყობას საქართველოში?
-საქართველოში არ არსებობს სკოლა, რომელიც მოამზადებს რესტორნების პერსონალს, ამიტომ დიდი შრომა გვიწევს, რომ ახალგაზრდები გავზარდოთ. ახლა, საბედნიეროდ, ისეთი ტენდენცია წამოვიდა, რომ ახალგაზრდებს სურთ საკუთარი ჯიბის ფული ჰქონდეთ და მუშაობენ, თუნდაც მიმტანებად. ყველა ქვეყნის რესტორანს განსხვავებული მომსახურების კულტურა სჭირდება, ამიტომ დიდი ტრენინგები გვიწევს. ეს ურთულესი ბიზნესია, ბევრს არ სჯერა, მაგრამ თვითონ რომ გახსნიან პატარა კაფეს, მერე მეუბნებიან, ეს რა ყოფილაო. ყველას ვერ მოაწონებ მომსახურებას -ზოგს ინტერიერი არ მოსწონს, ზოგს - მუსიკა, ზოგს - მომსახურება და ა.შ. ამიტომ მუდმივად გიწევს კლიენტზე ზრუნვა და მისი გემოვნების გათვალისწინება.
-ვინ გეხმარებათ ბიზნესში?
-მარტო არასდროს მიმუშავია, ყოველთვის ჯგუფთან ერთად ვმუშაობდი და აქამდე მოვედი. განსაკუთრებით შრომატევადი იყო ბიზნესის გამართვა ბათუმში, დეტალებიც კი მე გავაკეთე. ამ საქმეს ერთი წამითაც რომ მოაკლო ყურადღება, მეორე დღესვე დაეტყობა. როგორღაც ვახერხებ, რომ არც საქმეს მოვაკლო ყურადღება და არც საკუთარ თავს.
-ცნობილია, რომ სწორედ თქვენს კლუბში დადიოდნენ სტუმრად სამთავრობო დელეგაციები. რა მოთხოვნები აქვთ ქვეყნის პირველ პირებს?
-დიახ, უამრავი სტუმარი ჩამოდიოდა, სამთავრობო დელეგაციებიც გვსტუმრობდნენ. როცა ასეთი დელეგაცია მოდის, მთლიანად მოწმდება სამზარეულო, თუ პრეზიდენტები მოდიან სტუმრად - ექიმი მოჰყვებათ და ის ამოწმებს საკვებს.
-როგორ ანაწილებთ ყურადღებას საქმეზე, გართობასა და ოჯახზე?
-ზამთარში თხილამურებზე ვსრიალებ, ზაფხულში ცხენზე ჯირითი მიყვარს. ჩემი მეორე ქალაქია ბათუმი და ზაფხულობით ხშირად დავდივარ იქ. ვარჯიშს ვერც ვახერხებ და სურვილიც არ მაქვს. სამსახურის შემდეგ პირდაპირ სახლში მივდივარ. სხვა რესტორნებსა და კაფეებში სიარული არ შემიძლია. მირჩევნია შინ, ქმარ-შვილთან ერთად ტელევიზორს ვუყურო, მაგრამ იქიდან გამომდინარე, რომ ხშირად მიწვევენ ოფიციალურ ღონისძიებებზე, მაინც მიწევს სხვაგან სიარული. თუ საღამოს გვიანობამდე ვარ სამსახურში, მეორე დღეს შინიდან გვიან გამოვდივარ და ასე ვაბალანსებ დროს ოჯახსა და სამსახურზე.
-ფორმას როგორ ინარჩუნებთ?
-ჩემთვის ფორმის შენარჩუნება ძალიან ძნელია, რადგან მინდა თუ არა, ყოველდღე მიწევს სხვადასხვა კერძის დაგემოვნება. საბედნიეროდ, არის იმის საშუალება, რომ დიეტური კერძებით ვიკვებო და ამის ხარჯზე ვაბალანსებ წონას. ყველა ქალისთვის მნიშვნელოვანია, იყოს ფორმაში. ამიტომ ვცდილობ, მუდამ კარგად გამოვიყურებოდე. მთავარია, ადამიანს გემოვნება ჰქონდეს, ეს ბავშვობიდან უნდა მოგყვებოდეს -როგორ ფილმებს უყურებდი, მუზეუმებში თუ დადიოდი და ა.შ. ეს გიყალიბებს გემოვნებას.
-ჩაცმის როგორ სტილს ანიჭებთ უპირატესობას?
-ვცდილობ, კლასიკურად და სადად შევიმოსო. არ მიყვარს გადატვირთული და სექსუალური სამოსი. სამწუხაროდ, ამის კულტურა არ გვაქვს, რომ საღამოს გრძელი კაბით სადმე წავიდეთ. ქართველები ხშირად არ იცავენ დრეს-კოდს. ვერ ვიტყვი, რომ ამას პირობების არქონის გამო აკეთებენ, რადგან ოპერაში ჯინსის შარვლის მაგივრად შავი კაბის ჩაცმას დიდი პირობები არ სჭირდება.
-რას ურჩევთ დამწყებ ბიზნესმენებს?
-მოთმინებას. ამ საქმეში მტკიცე ნერვებია საჭირო. იმის გარდა, რომ მოსაგვარებელია ყველა დეტალი, უამრავ ადამიანთან მიწევს ურთიერთობა, რომელთაც სხვადასხვა ინტერესი აქვთ. დღის ბოლოს გაწურული ლიმონივით ვარ. ამის მიუხედავად, საბედნიეროდ, სარესტორნო ბიზნესი ძალიან მრავალფეროვანია და არასდროს მითქვამს, რომ ამ ბიზნესში ყოფნა აღარ შემიძლია.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
