მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეროვნული ბანკი მიკროსაფინანსო ორგანიზაციების ხელშეკრულებების სტანდარტიზაციას გეგმავს
03:00 / 29-11-2013
მომხმარებელთა უფლებების დაცვის კუთხით ეროვნული ბანკი მიკროსაფინანსო ორგანიზაციების ხელშეკრულებების სტანდარტიზაციას გეგმავს, - ამის შესახებ ეროვნული ბანკის პრეზიდენტმა გიორგი ქადაგიძემ მიკროსაფინანსოებთან შეხვედრაზე განაცხადა.
ქადაგიძის თქმით, "მიუხედავად იმისა, რომ მოქმედი კანონმდებლობა ეროვნულ ბანკს არ აძლევს უფლებამოსილებას, არეგულიროს მიკროსაფინანსო ორგანიზაციები, ჩვენ, ჩვენი უფლებამოსილებიდან გამომდინარე ყველა საჭირო ღონისძიებას გავატარებთ, რათა მაქსიმალურად ავარიდოთ მოქალაქეები სამომავლო რისკებს. უპირველესად დავავალდებულებთ მიკროსაფინანსო ორგანიზაციებს, მოახდინონ ხელშეკრულებების სტანდარტიზაცია და პირველსავე გვერდზე თვალსაჩინოდ და მარტივად აღსაქმელად გამოიტანონ ხელშეკრულების ყველა მნიშვნელოვანი პირობა, და მაქსიმალურად გამჭვირვალე გახადონ პროდუქტის ფინანსური ხარჯების ნაწილი. ამავდროულად ვთხოვთ მოქალაქეებს, უფრო მეტად დაინტერესდნენ, ვის ანდობენ საკუთარ ფინანსებს, მეტი ყურადღებით წაიკითხონ ხელშეკრულება და შეაფასონ მოსალოდნელი საფრთხეები", - განაცხადა ეროვნული ბანკის პრეზიდენტმა.
სებ-ის პრეზიდენტის განმარტებით, სამომავლოდ მისი უწყება ხელშეკრულებების სტანდარტიზაციას აპირებს.
"მომხმარებელთა უფლებების დაცვის კუთხით შემდეგი ნაბიჯი იქნება, ხელშეკრულებების სტანდარტიზაცია. სადაც მკაფიოდ იქნება ნაჩვენები, თუ რა არის ეფექტური საპროცენტო განაკვეთი და რა ხარჯებთანაა დაკავშირებული სესხის აღება, იმისათვის რომ არ იყოს დამატებითი ფარული ხარჯები მომხმარებლისთვის სიურპრიზი",- აღნიშნა ქადაგიძემ.
გიორგი ქადაგიძის განმარტებით, მნიშვნელოვანია, რომ ადამიანი კარგად გაეცნოს იმ ხელშეკრულებას, რომელსაც ის ამა თუ იმ კომპანიასთან აფორმებს, ვისაც საბოლოოდ საკუთარ დანაზოგს ანდობს.
"დღევანდელი კონფერენციის უმთავრესი მიზანია დეტალურად განვიხილოთ მიკროსაფინანსო სექტორში არსებული მდგომარეობა, პრობლემები, განსაკუთრებით მომხმარებელთა უფლებების დაცვის თვალსაზრისით. ჩვენთან შემოსული პრეტენზიების დაახლოებით 25% მიკროსაფინანსო სექტორზე მოდიოდა. ეს იყო ჩვენთვის ინდიკატორი და გავაკეთეთ მყისიერი რეაგირება",- აცხადებს ქადაგიძე.
კონფერენციას საქართველოში რეგისტრირებული 67 მიკროსაფინანსო ორგანიზაციის ასზე მეტი წარმომადგენელი ესწრებოდა. დღეისათვის საქართველოს არასაბანკო სექტორი 67 მიკროსაფინანსო ორგანიზაციითაა წარმოდგენილი. მიკროსაფინანსო ორგანიზაციების საქმიანობა რეგულირდება "მიკროსაფინანსო ორგანიზაციების შესახებ" საქართველოს კანონით, რომლითაც მათ ეკრძალებათ დეპოზიტების მიღება.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
