მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოში ნარკოტიკების შემოტანის ყველაზე უცნაური მეთოდები
23:06 / 28-11-2013
გასულ თვეს საბაჟო გამშვებ პუნქტ "სადახლოზე" უცნაური ფაქტი მოხდა: სამართალდამცველებმა დააკავეს სომხეთის მოქალაქე მ.ა. რომელსაც თან ჩვილი ბავშვი ახლდა. მებაჟე ოფიცრებმა დათვალიერებისას ჩვილს შარვლის, ხოლო ქალბატონს ქურთუკის ჯიბეში 51 გრამი ნარკოტიკული ნივთიერება მარიხუანა აღმოუჩინეს. სწორედ ამ ფაქტის შემდეგ დავინტერესდით, თუ რა ხერხებსა და საშუალებებს იყენებენ ნარკორეალიზატორები "წამლის" ერთი ქვეყნიდან მეორეში გადასატანად. ამ საკითხის განსახილველად იურიდიულ მეცნიერებათა დოქტორს, გენერალ-მაიორ ჯემალ ჯანაშიას მივმართეთ:
- ყველაზე მეტად ბოლო წლებში ნარკოტიკი ადამიანის სხეულით გადააქვთ და ამ საქმის ნოვატორები ნიგერიელები არიან. ნიგერიელ ქალებს ნარკოტიკები საკმაოდ მოხერხებულად გადაჰქონდათ - ძირითადად, სხეულის სხვადასხვა ნაწილში მალავდნენ და ხშირად წარმატებითაც. როდესაც ეს მეთოდიც მოძველდა, ცელოფანის კაფსულებით დაიწყეს ნარკოტიკების გადაყლაპვა - 50-100 გრამს გადაყლაპავდნენ და კუჭით გადაჰქონდათ ერთი სახელმწიფოდან მეორეში.
- თქვენს პრაქტიკაშიც ყოფილა მსგავსი ფაქტები?
- ძალიან ბევრი. ყოფილა შემთხვევა, როცა ქალბატონებს ნარკოტიკები გადაჰქონდათ სხეულის სხვადასხვა ნაწილით, მაგალითად, ეჭვმიტანილი ქალები მიგვიყვანია გინეკოლოგებთან და მათთვის ინტიმურ ადგილებში აღმოუჩენიათ დიდი რაოდენობით ნარკოტიკული ნივთიერება. ასეთი ფაქტები ხშირია მთელ მსოფლიოში და მათ შორის, საქართველოშიც. ჩემს პრაქტიკაში ყოფილა არაერთი შემთხვევა, როცა მამაკაცები პროქტოლოგთან მიგვიყვანია და ნარკოტიკი მათ უკანა ტანში ჰქონიათ დამალული. ერთი გრამი კოკაინი დაახლოებით\ 200 დოლარი ღირს: ნარკორეალიზატორმა თვეში 2-3 რეისიც რომ გააკეთოს, სულ ცოტა, 100 ათასი დოლარი დარჩება.
- როგორც ვიცი, ზოგჯერ ამ საქმეში ოჯახის წევრებიც ითრევენ ერთმანეთს...
- ერთ-ერთი მიზეზი, რომლის გამოც ქალი ნარკომანი ხდება, არის ის, რომ მეუღლე ან ახლობელი ჰყავს წამლის მომხმარებელი. სამართალდამცავი სტრუქტურების პრაქტიკაში ყოფილა შემთხვევები, როცა ნარკომანს წამლისთვის ფული რომ არ ჰყოფნიდა, ცოლი ჩაჰყავდა ცხინვალის რეგიონსა თუ სხვა ადგილებში, სადაც ნარკორეალიზატორი ეგულებოდა და "ზალოგში" უტოვებდა. საერთოდ ცნობილია, რომ თავისი "კარიერის" განმავლობაში ნარკომანი, დაახლოებით, ათამდე პირს ითრევს თავის წრეში. შემდეგ ის კი არ შოულობს, ეს ადამიანები "შრომობენ" და შოულობენ მისთვის ნარკოტიკს.
მსოფლიოში ნარკოტიკის გადასატანად ათასგვარი გზა და საშუალება გამოუყენებიათ, მაგრამ მათ შორის ყველაზე გამაოგნებელი და უცნაური ფაქტების გამოყოფაც შეიძლება: ასე მაგალითად, ბარსელონაში დააკავეს 66 წლის მამაკაცი, რომელსაც თაბაშირდადებული კიდურით დიდი რაოდენობით ნარკოტიკული ნივთიერება გადაჰქონდა. ყოფილა შემთხვევა, როცა ძაღლისთვის აღმოუჩენიათ ორგანიზმში დიდი ოდენობით კოკაინი. კოლუმბიელმა ნარკომოვაჭრეებმა ქირურგიული მეთოდით შეიყვანეს ლეკვების ორგანიზმში თხევადი ჰეროინი და ასე გადაჰქონდათ. მექსიკელმა მეზღვაურებმა კი გაყინული ზვიგენების ორგანიზმში ერთ ტონამდე კოკაინი იპოვეს. შეიძლება გაგიკვირდეთ, მაგრამ თეფშები, რომლებსაც ამ ფოტოზე ხედავთ, სულაც არ არის შესაბამისი მიზნით შექმნილი: ისინი 20 კილოგრამი სუფთა კოკაინისაგან დაამზადეს.
ხათუნა ჩიგოგიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
