19
ივნისიდღის ზოგადი ასტროლოგიური პროგნოზი
ბრიტანელმა მსახიობმა შონ ბინმა საერთაშორისო პრემია "ემი" მიიღო, რომლითაც აშშ-ის ფარგლებს გარეთ გადაღებული ტელეპროდუქციის სფეროში მიღწეულ წარმატებას აღნიშნავენ.
მსახიობი, კრიმინალურ სერიალ "ბრალდებულში" შესრულებული "საუკეთესო მამაკაცის როლისთვის" დააჯილდოვეს. "კინოს დარგში ეს ჩემი პირველი ნამდვილი პრემიაა",- განაცხადა ბინმა დაჯილდოების ცერემონიაზე.
ფილმში შონ ბინი ინგლისური ენისა და ლიტერატურის მორცხვ მასწავლებელ საიმონს ასახიერებს, რომელსაც ალტერ-ეგო ჰყავს - მომხიბვლელი ქალი, რომელიც ცოლიან მამაკაცთან გააბამს რომანს და დანაშაულში ჩაებმება. სერიალი არხ ВВC One-ზე გადის.
2013 წელს საერთაშორისო პრემია "ემი" სამმა ბრიტანულმა პროგრამამ მიიღო, ორ-ორი ქანდაკება საფრანგეთისა და ბრაზილიის წარმომადგენლებს გადაეცათ, ერთი კი - გერმანიის, ავსტრალიის და სამხრეთ კორეის.
დაჯილდოვების ცერემონია ნიუ-იორკში სასტუმრო Hilton-ში გაიმართა, იგი კომიკოს ჯონ ოლივერს მიჰყავდა.
მომზადებულია The Telegraph-ის მიხედვით.
