მნიშვნელოვანი ინფორმაცია
8
აპრილიდღის ზოგადი ასტროლოგიური პროგნოზი
სამშაბათი, მთვარის მეთერთმეტე დღე დაიწყება 15:02-ზე, მთვარე ქალწულში გადავა 17:43-ზე
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად; ნიშნობისა და ქორწინებისათვის. მოერიდეთ გულის გადაღლას, შესაძლოა შეგაწუხოთ რადიკულიტმა. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მეამაყება, რომ ვარ, ანრის და" - როგორ გარდაქმნის მაგდა ჯოხაძე "ერთი ერთში" კონკურსანტებს
05:21 / 26-11-2013
მაგდა ჯოხაძე უკვე წლებია ვოკალის პედაგოგია. როგორც აღნიშნავს, მის არაერთ ნამოწაფარს საერთაშორისო კონკურსზე წარმატებისთვის მიუღწევია, რითაც ის ამაყი და ბედნიერია. ამიტომ, პროფესია, რომელსაც ემსახურება, უდიდეს სიამოვნებას ანიჭებს. მაგდას ბოლო დროს ახალი სამსახური გამოუჩნდა, - ტელეკომპანია GDS-ზე პროექტში "ერთი ერთში" მუშაობს, კონკურსანტების ვოკალის პედაგოგია.
აღსანიშნავია, რომ ის მომღერალ ანრი ჯოხაძის უფროსი დაა. მოკლედ, შოუში ორი ჯოხაძე - მაგდა და ანრია ჩართული და არც ერთი აკლებს მონდომებას, რომ პროექტი რეიტინგული იყოს.
- მაგდა, როგორ მოხვდი პროექტში "ერთი ერთში"?
- პროექტის შესახებ ტელევიზიის მუსიკალური რედაქტორისგან, გვანცა კილასონიასგან შევიტყვე და თანამშრომლობაც მან შემომთავაზა.
- როგორც გაირკვა, კონკურსანტების ვოკალის პედაგოგი ხარ. რთულია?
- მიყვარს ჩემი პროფესია და იმდენად აზარტული ვარ, ვერც კი ვგრძნობ სირთულეებს...
- გარდა იმისა, რომ მათ ნომრების მომზადებაში ეხმარები, შენვე მონაწილეობ მათთვის სიმღერების შერჩევის პროცესშიც?
- სიმღერებს მუსიკალურ რედაქტორთან, გვანცა კილასონიასთან და შემსრულებელთან ერთად ვარჩევთ...
- ალბათ, ეს ყველაფერი საკმაოდ ხანგრძლივი და შრომატევადი პროცესია, არა?
- შრომატევადია, რადგან პროექტში დაუშვებელია იმპროვიზაცია. შესრულება მელოდიის სიზუსტესა და ტემბრალურ მიმსგავსებას მოითხოვს. გარდა ამისა, სწორად უნდა მიაგნონ მომღერლის დამახასიათებელი მანერა, სასცენო მოძრაობა, მიმიკა...
- რამდენი წელია, რაც პედაგოგობით ხარ დაკავებული და რა ასაკის ადამიანებთან მუშაობდი და მუშაობ?
- მაქვს პედაგოგიური საქმიანობის 16 წლის სტაჟი. დღემდე ვმუშაობ, როგორც ბავშვებთან, ასევე აბიტურიენტებთან და ჩემზე უფროსებთანაც კი. თუ ტრაბახში არ ჩამომართმევთ, არაერთი საერთაშორისო კონკურსის გამარჯვებული მყავს აღზრდილი...
- "ერთი ერთში" საკმაოდ საინტერესო მომღერლების ჯგუფია შეკრებილი. თითოეულს ალბათ ინდივიდუალური მიდგომა სჭირდება, არა?
- თითოეული საოცრად კარგი ადამიანია და თავისი საქმის პროფესიონალი, მაგრამ ამ შემთხვაში, სხვა რამესთან გვაქვს საქმე, - მათთვის ის პედაგოგი ვარ, რომელიც მიუთითებს, ვოკალურად როგორ დაემსგავსონ იმ მომღერალს, რომელსაც ასახიერებენ.
- იმ საოცარ ჯგუფში არის შენი ნიჭიერი და არაოდინარული ძმა, ანრი ჯოხაძე. რას ნიშნავს შენთვის მასთან მუშაობა. გემორჩილება? ადვილად იღებს შენს მითითებებს თუ მას არც სჭირდება ეს?
- როგორ არ სჭირდება, მან კარგად იცის, მეორე პროფესიონალის ყური რას ნიშნავს, ამდენად, შეხმატკბილებულად ვმუშაობთ.
- განსაკუთრებულად მისი რომელი ნომერი მოგეწონა და რომელიმე თუ დაუწუნე?
- ამ პროექტიდან გამომდინარე, რადგან ერთად გვიწევს მუშაობა, ყოველთვის თავს ვიკავებ ძმის შეფასებისგან. ანრი არის ადამიანი, რომელიც საოცარ შოუს დგამს შოუში...
- როგორია, იყო პოპულარული და სკანდალური მომღერლის და?
- მეამაყება და არაჩვეულებრივი გრძნობაა, იყო ასეთი უნიჭიერესი ადამიანის და...
- ზოგადად რას გვეტყვი პროექტზე, რომელშიც მუშაობ? ჟიურის შეფასებები მოგწონს? ობიექტურად აფასებენ თუ მიკერძოებას აქვს ადგილი?
- ჟიურის შეფასება არის ჟიურის პირადი აზრი ამა თუ იმ მომღერალზე და არა საზოგადოების. მაყურებელს საშუალება აქვს, თავისი სიმპათია ამა თუ იმ მომღერლის მიმართ, ესემეს-ის საშუალებით დააფიქსიროს, რაც ქულებზე, ანუ საბოლოო შედეგებზე აისახება...
- საბოლოოდ რა შედეგით დასრულდება შოუ, რა პროგნოზის გაკეთება შეგიძლია?
- წინასწარ რამის პროგნოზირება რთულია, მაგრამ პროექტს აქვს ერთი პლუსი, - საზოგადოება დაინახავს, რა შესაძლებლობების არის თითოეული მომღერალი და როგორი გარდასახვის უნარი აქვს.
- მოდი, შენს მეორე ძმაზეც გვითხარი რამე, რადგანაც ძმებმა - ანრიმ და ომარმა კლიპი გადაიღეს. ეს მათი საოცარი ძმობისა და დედმამიშვილობის დასტურია. როგორ პროფესიონალი, ნამუშევარს როგორ შეუფასებ?
- ომარ ჯოხაძე პროფესიონალი ვოკალისტია - ლირიკო-დრამატული ტენორი გახლავთ. ცხოვრობს და მოღვაწეობს იტალიაში, ჰყავს მეუღლე (სოპრანო) ნინო გოგიჩაიშვილი და ქალ-ვაჟი - ნიკოლა და ანა-მარია. მათი საქართველოში სტუმრობის დროს, ანრიმ შანსი ხელიდან არ გაუშვა და დაჟინებით მოითხოვა, ძმებს ჩაეწერათ ეთერ ჭელიძის არაჩვეულებრივი სიმღერა - "თბილისის ქუჩები". ომარი მოიხიბლა იმ ინფორმაციით, რომ კომპოზიტორის თხოვნით, ამ ნამუშევრის პირველი შემსრულებელი ბრწყინვალე მომღერალი - ალეკო ხომერიკი გახლდათ; სახე გაებადრა და დასაშვებად მიიჩნია, საოპერო მომღერალსაც შეესრულებინა ის.
ამ ბოლო დროს პროექტის წყალობით",ქულებში" ვარ გადაჭრილი და ამ საოცარ ნამუშევარს, ჩემს ორ უნიჭიერეს ძმას უმაღლესი ქულით ვუფასებ. პირადად მე ამ კლიპს ემოციების გარეშე ვერ ვუყურებ...
ლალი ფაცია
სპეციალურად "ამები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
