31
მარტიდღის ზოგადი ასტროლოგიური პროგნოზი
საპარლამენტო უმრავლესობის წარმომადგენლის, ზაზა პაპუაშვილისთვის დედაქალაქის მერის პოსტზე დავით ნარმანიას კანდიდატურა მიუღებელია. დეპუტატი მიიჩნევს, რომ გამოჩნდებიან მერობის კანდიდატები, რომლებსაც ნარმანია მეტოქეობას ვერ გაუწევს.
"კოალიციის პოლიტსაბჭოსგან განსხვავებული აზრი მაქვს. დავით ნარმანიას კანდიდატურას თბილისის მერად ვერ განვიხილავ. ნარმანია, როგორც თბილისის მერის კანდიდატი, ჩემთვის მისაღები არ არის. მას პიროვნულად არანაირად არ ვეხები. როგორც მინისტრმა, ბევრი რამ შესანიშნავად გააკეთა. თბილისი ცოტა სხვა თემა მგონია - სხვა მგრძნობიარებაა. ამ შემთხვევაში ბევრი რამის გათვალისწინება უნდა მოხდეს. თბილისმა ბოლო წლების განმავლობაში ბევრი რამ გადაიტანა. ეს ქალაქი მუდმივი ბრძოლის რეჟიმში იყო და, რომ ვერ წააქცია იმ ჯალალედინმა, რომელსაც მიხეილ სააკაშვილი ჰქვია, ამიტომაც გადაიტანა პარლამენტი ქუთაისში. თბილისში შესძლებს, თავად ჩამოყალიბდეს მერობის კანდიდატურაზე და გამოინახება ღირსეული ადამიანი. გამოჩნდებიან მერობის კანდიდატები, რომელსაც ნარმანია მეტოქეობას ვერ გაუწევს" - განუცხადა "ინტერპრესნიუსს" ზაზა პაპუაშვილმა.
სააგენტოს კითხვაზე, მისი ეს პოზიცია ნიშნავს თუ არა, რომ გადაწყვეტილი აქვს, ადგილობრივ თვითმმართველობის არჩევნებში ნარმანიას ხმა არ მისცეს, პაპუაშვილმა განაცხადა: "არც კოალიციაში და არც პარლამენტში იმიტომ არ ვარ, რომ მარიონეტივით ხელი ავწიო და დავწიო. მაქვს ჩემი მოსაზრებები, ჩემი გემო პირში და ჩემი სისხლი სჩქეფს ძარღვებში. კოალიციამ დაასახელა ნარმანიას კანდიდატურა - კი ბატონო, დაასახელა, ხალხმა შეიძლება ალტერნატიული კანდიდატურა დაასახელოს. თბილისის მერმა ბევრი კომპონენტი უნდა დააკმაყოფილოს. არსებობს ნიუანსები, რომელსაც თბილისის მერი უნდა აკმაყოფილებდეს".
