იეჭვიანა თუ არა შალვა რამიშვილის ცოლმა თინა კანდელაკზე
გასულ კვირას პრეზიდენტმა შალვა რამიშვილის მეუღლე ხატია ეკიზაშვილი ღირსების ორდენით დააჯილდოვა. ორ ნოემბერს ხატიასა და შალვა რამიშვილის ჯვრისწერა იყო. სოციალურ ქსელში ახალდაქორწინებულ წყვილს ამ ორ სასიხარულო ამბავს ერთად ულოცავდნენ და აღნიშნავდნენ, რომ ნოემბერი მათი თვეა.
- ხატია, რას საქმიანობთ?
- 2005 წლიდან "სუხიშვილების" ანსამბლში ვმუშაობ. თავდაპირველად საზღვარგარეთთან ურთიერთობების მენეჯერად ვმუშაობდი, 2007 წლიდან კი დირექტორის მოადგილე გახლავართ. ოფიციალური სტატუსი ასეთია, თუმცა ჩვენთან თანამდებობრივი იერარქია განსაკუთრებულად დაცული არ არის. იმას ვგულისხმობ, რომ ყველა ყველაფერს ვაკეთებთ, არაფერს ვთაკილობთ. ის, რომ მე დირექტორის მოადგილე ვარ, არ ნიშნავს, რომ ხანდახან მდივნის ან ადმინისტრატორის მოვალეობებს არ ვასრულებ. ასევეა ნინო სუხიშვილიც.
- რადგან ანსამბლ "სუხიშვილების" დირექტორის მოადგილე ხართ, სავარაუდოდ, ამიტომ გადმოგცათ მიხეილ სააკაშვილმა ღირსების ორდენი.
- ცხადია, ჯილდო ანსამბლში რვაწლიანი მუშაობის გამო გადმომეცა. ეს ყოველგვარი პომპეზურობის გარეშე მოხდა. ღირსების ორდენის მიღება ჩემთვის დიდი პატივია. ძალიან მოულოდნელი იყო და ძალიან გამიხარდა. ეს ჩემთვის პირველი ჯილდოა, იმედი მაქვს, ღირსეული მფლობელი ვიქნები.
- მეუღლეს რა რეაქცია ჰქონდა, როცა გაიგო, რომ მიხეილ სააკაშვილი ღირსების ორდენით გაჯილდოვებდათ? ალბათ, როგორც გიორგი მარგველაშვილის პრესცენტრის უფროსი, გაკვირვებული დარჩა მიხეილ სააკაშვილის ასეთი გადაწყვეტილებით.
- ჩემმა მეუღლემ იცის, რომ ჯილდო პარტიული აქტივობისა და, თუ გნებავთ, პოლიტიკური ნიშნით არ გადმომცეს, ამიტომ ადეკვატური რეაქცია ჰქონდა. მისი ერთადერთი რეპლიკა იყო, აქამდე რატომ არ მოგანიჭეს ორდენი, დიდი ხნით ადრე იმსახურებდიო. შალვა არ გახლავთ გიორგი მარგველაშვილის პრესცენტრის ხელმძღვანელი. თუ რა თანამდებობას დაიკავებს, ამას საზოგადოება 17 ნოემბერს შეიტყობს (ინტერვიუ ჩაწერილია 13 ნოემბერს - ავტ.).
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
