მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დაჩი გრძელიშვილი - ამ არაჩვეულებრივი ბავშვების შემხედვარე, ვთვლი, რომ არ შეიძლება ლევან ვასაძის ისე გაშარჟება, როგორც Facebook-ში ხდება
02:11 / 21-11-2013
ჟურნალისტი დაჩი გრძელიშვილი "ფეისბუქის" საკუთარ გვერდზე თანამედროვე საქართველოში რაინდის ტიტულის მინიჭებას აპროტესტებს, თუმცა მიუხედავად ამისა, გაუმართლებლად მიიჩნევს სოციალურ ქსელებში ამ ფაქტის გამო ბიზნესმენ ლევან ვასაძის გაშარჟებას. შეგახსენებთ, ცოტა ხნის წინ ლევან ვასაძეს საქართველოს სამეფო ოჯახმა რაინდის წოდება მიანიჭა.
"ვინმე ნუგზარისგან რაინდობის ტიტულების დარიგება ჩემთვისაც ღიმილისმომგვრელია. ჩვენ არ ვართ ქვეყანა, სადაც რაინდობის იდენტიფიკაცია მეტალზე ან ქაღალდზე დაბეჭდვის შედეგად ხდება, რადგან ბრიტანეთის ან საფრანგეთისგან განსხვავებით, ჩვენთან საამისო ბიუროკრატიის (კარგი გაგებით) საუკუნოვანი ტრადიცია არ არსებობს. რაინდები გვყავს, როგორ არ გვყავს - გიორგი მაზნიაშვილი, ექვთიმე თაყაიშვილი, გრიგოლ ფერაძე, იოსებ ჟორდანია, რომელი ერთი ჩამოვთვალო... ჩვენეული, ქართული შეფასების თამასა მიუწვდომლად მაღალია საიმისოდ, რომ ვინმე ნუგზარმა (თუნდაც ცნობილი გვარის შვილმა და კარგმა ადამიანმა - მე მას არ ვიცნობ) რაინდობა ასე, ხმლის პირზე დაიწყოს და ჩვენს თანამედროვე, თუნდაც კარგ ადამიანების მხრებზე ჩამოარიგოს. მაგრამ კაცია და გუნება - მერე რა, თუ ვინმეს სურს ამგვარად მინიჭებული რაინდობის ტიტულით იაროს და იამაყოს? მას ხომ არავის უფლება არ შეულახავს და ჯერჯერობით არც არავისთვის დაუძალებია რამე. მეფობა და მსგავსი ყურით მოთრეული ჩიტ-ბატონობა ჩემთვის კატეგორიულად მიუღებელია. მაგრამ ამავე დროს, აი, ამ არაჩვეულებრივი - ცელქი, ნიჭიერი, კეთილი ბავშვების შემხედვარე, ვთვლი რომ არ შეიძლება ამ კაცის ისე გაშარჟება და გატრიზავება, როგორც ჩვენს საპირწიგნაკეთში ხდება. მის შვილებს მამა ეამაყებათ და ეღმერთებათ... და არ თქვათ, რა იცი რომ ეამაყებათ, ან ცელქები და ნიჭიერები რომ არიანო - ყველა ბავშვი ცელქია და ნიჭიერი. მამაც ყველას ეამაყება და ეღმერთება", - წერს დაჩი გრძელიშვილი.
აღსანიშნავია, რომ თავად ჟურნალისტი მრავალშვილიანი მამაა, ისევე როგორც, ლევან ვასაძე, რომელსაც 7 შვილი ჰყავს.
საქართველოს სამეფო ოჯახმა ლევან ვასაძეს რაინდის წოდება ცოტა ხნის წინ მიანიჭა. ამის შესახებ Georgian Royal House-ის Facebook გვერდზე გავრცელდა ინფორმაცია.
"2013 წლის 31 ოქტომბერს, დარეჯანის სასახლეში, საქართველოს სამეფო სახლის მეთაურმა, მისმა სამეფო უმაღლესობამ, ბატონიშვილმა ნუგზარმა ქველმოქმედ ლევან ვასაძეს მიანიჭა საქართველოს სამეფოს გვირგვინის დინასტიური ორდენის დიდი ჯვრის რაინდის წოდება. ცერემონიალს ესწრებოდა ბატონიშვილი ანა, სამეფო ოჯახის წევრები, კანცლერი კახა ქორიძე და ორდენის კავალრები დამსწრე საზოგადოებასთან ერთად", - აღნიშნული იყო საქართველოს სამეფო სახლის Facebook-გვერდზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
