მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აკრძალული გამათბობელი, რომელმაც თბილისში ათობით ადამიანის სიცოცხლე იმსხვერპლა
23:08 / 20-11-2013
2012 წლის ზამთრის სამწუხარო სტატისტიკის მიხედვით, ბუნებრივი აირით მოწამვლამ თბილისში 32 ადამიანის სიცოცხლე იმსხვერპლა. დედაქალაქის მაღალჩინოსნები განგაშს, როგორც წესი, პოსტფაქტუმ, უბედური შემთხვევის შემდეგ ტეხენ და ეძებენ კონკრეტულ დამნაშავეებს. ძირითადად რა არის ინტოქსიკაციის მიზეზები, ვინ არის დამნაშავე და რა ზომების გათვალისწინებაა საჭირო ბუნებრივი აირით მოწამვლის თავიდან ასაცილებლად? - ამ საკითხზე "ყველა სიახლე" "ყაზტრანსგაზ-თბილისის" მთავარი ინჟინრის მოადგილე თამაზ ღვანიძეს ესაუბრა.
- ბატონო თამაზ, ზამთრის სეზონის მოახლოებასთან ერთად, იზრდება ბუნებრივი აირით მოწამვლის რისკი. ძირითადად რა არის უბედური შემთხვევების მიზეზი?
- ხშირად უბედური შემთხვევების გამომწვევი მიზეზი არის საყოფაცხოვრებო ხელსაწყოების არასწორი ექსპლუატაცია. ფაქტობრივად, მობინადრე თითქმის არ მოდის ჩვენთან და არ გვეკითხება, რომელი გამათბობელი ან წყალგამაცხელებელი დააყენოს, ისინი თვითნებურად აერთებენ მათ. ჩვენი წარმომადგენლები მიდიან ოჯახებში და უხსნიან უსაფრთხოების წესებს, უტარებენ ინსტრუქტაჟს, აძლევენ შესაბამის რჩევებს და თუ დანადგარი არ შეესაბამება ტექნიკურ მოთხოვნას და მისი ექსპლუატაცია იმ სივრცეში დაუშვებელია, აუცილებლად ჩახსნიან მას. თუმცა ეს არ შველის და შეიძლება მათ მეორე დღესვე მიაერთონ და მოიხმარონ იგივე დანადგარი. მოსახლეობას ვურჩევ, ნებისმიერ შემთხვევაში, როცა კი ახალ დანადგარს აერთებენ, გამათბობელი იქნება თუ გამაცხელებელი, აუცილებლად უნდა მიმართონ "ყაზტრანსგაზ-თბილისს". ამასთან, დანადგარი აუცილებლად გატანილი უნდა იყოს გაზიფიკაციის პროექტზე. ამასთან დაკავშირებითაც სცოდავს ზოგიერთი მომხმარებელი - უპროექტოდ, ყოველგვარი ნორმის დაცვის გარეშე თვითნებურად ამონტაჟებს დანადგარს. ვურჩევდი მოსახლეობას, რომ იმ შემთხვევაში, თუ ბინაში არსებობს საკვამლე და სავენტილაციო არხები, წელიწადში ერთხელ მაინც, განსაკუთრებით ზამთრის სეზონის დაწყების წინ, უნდა შეამოწმებინონ ამ არხების ვარგისიანობა.
- როდესაც უბედური შემთხვევები ხდებოდა, სპეციალისტები ამის ერთ-ერთ მიზეზად გაზის ნაკადის ცვალებადობას ასახელებდნენ...
- გაზის ნაკადის ცვალებადობა მოწამვლის მიზეზი ვერანაირად ვერ გახდება. გაზის წვის დროს CO გამოიყოფა. ბინაში თუ დაცულია ყველა ნორმა და წესი, რაც უნდა ცვალებადობა იყოს, გამორიცხულია, რომ ნამწვი აირი დაგროვდეს. ვერ დავეთანხმები ამ სპეციალისტებს, რადგან გაზის ცვალებადობა ჩვენთან არ არის, რეგულირდება წნევის რეჟიმი, მით უმეტეს, დაბალ წნევაზე ეს რეჟიმები ზღვარს არ სცდება, მაგრამ თუ ოთახი არ არის მომზადებული გაზის ხელსაწყოების მუშაობისთვის, ეს უკვე გამოიწვევს CO-ს დაგროვებას. წარმოიდგინეთ, კორეული წარმოების უსაკვამურო წყალგამაცხელებელი საცავშივე იწვევს CO-ს დაგროვებას და აქედან გამომდინარე, ხალხი იწამლება და ხდება უბედური შემთხვევები. ასეთი ხელსაწყოები აკრძალულია, ჩვენ ვუხსნით, მაგრამ მოსახლეობა მაინც თვითნებურად აერთებს მათ.
- როგორი ტიპის წყალგამაცხელებელს და გამათბობელს ურჩევთ მოსახლეობას?
- მოსახლეობას ვურჩევთ, შეიძინოს უსაფრთხო, დახურულკამერიანი წყალგამაცხელებელი და გამათბობელი, რომელიც ჟანგბადს იღებს გარედან და ნამწვსაც გარეთ აფრქვევს. ბრენდს ვერ დავასახელებ, მაგრამ არის მათი ტიპი - დახურულკამერიანი.
- მაინც რა არის უსაფრთხოების ძირითადი გარანტი?
- პირველ რიგში, ოთახის განიავება და ბუნებრივი ვენტილაცია. დროდადრო უნდა გამოაღოთ ფანჯარა, ღია უნდა იყოს სარკმელი, რათა მოხდეს აირცვლა - ჰაერი სამჯერ უნდა შეიცვალოს იქ, სადაც გაზის ხელსაწყოა დამონტაჟებული, რათა ყველანაირი საშიშროება გამოირიცხოს.
ესაუბრა ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
