მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მართვის მოწმობებზე სისხლის ჯგუფისა და რეზუსის აღნიშვნა მოხდება
07:52 / 20-11-2013
დღეიდან შინაგან საქმეთა სამინისტროს მომსახურების სააგენტო მართვის მოწმობებზე, მოქალაქეების სურვილის მიხედვით, სისხლის ჯგუფისა და რეზუსის დატანას იწყებს.
საქართველოს შინაგან საქმეთა სამინისტროს მომსახურების სააგენტოს ტერიტორიაზე, დღეს, სისხლის ბანკის თანადგომით, სისხლის კვლევითი ლაბორატორია გაიხსნა.
როგორც "ინტერპრენისუსთან" საუბარში შს სამინისტროს მომსახურების სააგენტოს დირექტორმა ნინო კობახიძემ განაცხადა, ლაბორატორიაში სატრანსპორტო საშუალებების მართვის მოწმობაში საიდენტიფიკაციო მონაცემებთან ერთად, სისხლის ჯგუფისა და რეზუსის მითითების ყველა მსურველს აღნიშნული კვლევა ადგილზე ჩაუტარდება. ხოლო ყველა იმ პირს, ვინც სურვილს გამოთქვამს გახდეს სისხლის დონორი, გაიღოს 250 გრამი სისხლი და დაეხმაროს ლეიკემიით დაავადებულ ბავშვებს, შესაძლებობა ეძლევათ სრულიად უფასოდ ჩაიტაროს გამოკვლევა 4 სახის ვირუსზე.
დღეს, შს სამინიტროს მომსახურების სააგენტოს თანამშრომლებმა და მოქალაქეებმა დონორობის სურვილი გამოთქვეს და მომსახურების სააგენტოს ტერიტორიაზე მოწყობილ ლაბორატორიაში სისხლი ნებაყოფილობით ჩააბარეს.
როგორც "ინტერპერსნიუსთან" საუბარში იაშვილის სახელობის ბავშთა კლინიკის სისხლის ბანკის და სამედიცინო დირექტორმა თამთა დემურიშვილმა განაცხადა, ბავშვების სიცოცხლის და არა მარტო ბავშვების სიცოცხლის გადასარჩენად ძალიან მნიშველოვანია შს სამინისტროს მომსახურების სააგენტოს ინიციატივა.
"ეს ყველაფერი მომსახურების სააგენტოს ინიციატივით მოხდა. დღეიდან მართვის მოწმობაში დატანილი იქნება სისხლის ჯგუფი და რეზუსი. ეს არის ძალიან მნიშვნელოვანი, გამომდინარე იქიდან, რომ ავტოკატასტროფის შემთხვევაში მოსახლეობას არ აქვს ინფორმაცია თავისი სისხლის რეზუსის და ჯგუფის შესახებ. ხშირ შემთხვევაში, ამის დადგენაზე დრო იკარგება და ხშირად ლეტალობით მთავრდება. უმნიშვნელოვანესია ის, რომ ადამიანები, რომლებიც განახორციელებენ უანგარო დონაციას, მიიღებენ მონაწილეობას აქციაში - "გაიღე სისხლი - გადაარჩინე სიციოცხლე", რომელიც უკვე რამდენიმე თვეა მიმდინარეობს. ეს სისხლი მოხმარდება ლეიკემიით დაავადებულ ბავშვებს. ძალიან მნიშვნელოვანია იქიდან გამომდინარეც, რომ ზოგჯერ სისხლი დაავადებული ბავშვებისათვის მედიკამენტებზე უფრო მნიშვნელოვანია", - განაცხადა თამთა დემურიშვილმა.
მართვის მოწმობაში მფლობელის სისხლის ჯგუფის ასახვა ნებაყოფლობითია, სადაც ექიმის მიერ გაცემული ცნობით, მითითებულია სისხლის ჯგუფი და რეზუსი, ან მომსახურების სააგენტოში ჩატარებული კვლევის საფუძველზე მოხდება, სატრანპორტო საშუალებების მართვის მოწმობაში აღნიშნული ინფორმაციის ასახვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
